ડોંબિવલીના ડે-કેર સેન્ટરમાં ત્રણ વર્ષની બાળકી પર અત્યાચાર, વીડિયો વાઈરલ
મુંબઈઃ થાણે જિલ્લાના ડોંબિવલી સ્થિત એક ડે-કેર સેન્ટરમાં માસુમ બાળકો સાથે અમાનવીય વ્યવહારનો કિસ્સો પ્રકાશમાં આવ્યો હતો. અહીં ડે-કેર સેન્ટર ચલાવતા દંપત્તિ અને એક મહિલાએ ત્રણ વર્ષની બાળકીને માર મારી હતી, ત્યાર બાદ બાળકોને બાંધીને ઊંધા લટકાવી દીધા હતા. આ બનાવમાં પોલીસે વાઈરલ વીડિયોના આધારે ગુનો નોંધ્યો હતો.
ઘટનાસ્થળ પર હાજર એક મહિલાએ આ ઘટનાનો વીડિયો બનાવી લીધો હતો અને સોશ્યલ મીડિયા પર નાખતા વાઇરલ થઈ ગયો હતો. પોલીસે વીડિયોના આધારે આરોપીઓ વિરુદ્ધ કેસ દાખલ કરી તપાસ હાથ ધરી છે. આ ઘટનાનો એક વીડિયો વાઇરલ થયો હતો.
બાદમાં મામલાની તપાસ કરતા જાણવા મળ્યું કે આ ઘટના ડોંબિવલીમાં આવેલા ડે-કેર સેન્ટરની છે. અહીં એક મહિલા અને એક કપલ ડે-કેર સેન્ટર ચલાવી રહ્યા છે. પોલીસે વીડિયો સામે આવ્યા બાદ કપલ અને મહિલા વિરુદ્ઘ આઈપીસીની કલમ 324 (ઈરાદાપૂર્વક ઈજા પહોચાડવી) હેથળ કેસ દાખલ કર્યો છે, એમ પોલીસે જણાવ્યું હતું.
આ પૂરા મામલામાં પોલીસે જે કેસ દાખલ કર્યો છે. ડે-કેર સેન્ટરમાં આરોપીઓએ બાળકોને સજા આપવા માટે બાંધી દીધા અને ઉલટા લટકાવી દીધા હતા. એક મહિલા કર્મચારીએ આ સમગ્ર ઘટનાનો વીડિયો બનાવી લીધો હતો. મહિલાએ બાળકો સાથે થતા અમાનવીય વ્યવહારને લઈ વિરોધ પણ દર્શાવ્યો હતો. જો કે આ મામલામાં હજુ સુધી કોઈ ધરપકડ કરવામાં આવી નથી.
