(અમારા પ્રતિનિધિ તરફથી)
મુંબઈ: શિવસેના (યુબીટી)ના નેતા સંજય રાઉતે શનિવારે જણાવ્યું હતું કે પાર્ટી રાજ ઠાકરેની આગેવાની હેઠળની મહારાષ્ટ્ર નવનિર્માણ સેના (મનસે) સાથે જોડાણ માટે તૈયાર છે અને રાજકીય વિભાજનના લગભગ બે દાયકા પછી અલગ થયેલા ઠાકરે પિતરાઈ ભાઈઓ વચ્ચે સંભવિત સમાધાનનો સંકેત આપ્યો હતો.
પત્રકારો સાથે વાત કરતા રાઉતે કહ્યું હતું કે મનસે સાથે જોડાણ તરફ પાર્ટીનો અભિગમ સકારાત્મક છે અને મરાઠી લોકો (મરાઠી ભાષી લોકો)ના સહિયારા હિતમાં મૂળ છે. ‘મરાઠી લોકોના હિત માટે રાજ ઠાકરે સાથે જોડાણ અંગે ઉદ્ધવજીનું વલણ ‘મન સે’ અને ‘દિલ સે’ (મન અને હૃદયથી) છે,’ એમ રાઉતે કહ્યું હતું.
ઉદ્ધવ ઠાકરે અને રાજ ઠાકરે બંનેએ જાહેરમાં ટિપ્પણી કરી હતી કે તેઓ મરાઠી ઓળખ અને એકતાના વ્યાપક હિત માટે ‘તુચ્છ મુદ્દાઓ’ને અવગણવા તૈયાર છે ત્યારથી મહારાષ્ટ્રના રાજકીય વર્તુળોમાં સેના (યુબીટી)-મનસે જોડાણની અટકળો વધી ગઈ છે.
મુંબઈ, થાણે, નાસિક, નાગપુર અને પુણેમાં મહાનગરપાલિકાની સ્થાનિક સંસ્થાઓની ચૂંટણીઓ આ વર્ષના અંતમાં યોજાવાની છે, જેના કારણે રાજકીય પુનર્ગઠન અંગે ફરી ચર્ચા શરૂ થઈ છે.
આપણ વાંચો: શિવસેના (યુબીટી)ના મૃત નેતાની પત્ની તેજસ્વીએ પાર્ટી પદ છોડ્યું…
દરમિયાન, વરિષ્ઠ ખગજ નેતા સંદીપ દેશપાંડેએ ગુરુવારે પત્રકારો સાથે વાત કરતા કહ્યું કે રાજ ઠાકરે ગઠબંધનના વિચારનો વિરોધ કરતા નથી, પરંતુ કોઈપણ દરખાસ્ત નક્કર અને વિશ્ર્વસનીય હોવી જોઈએ.
‘જો શિવસેના (યુબીટી)ને લાગે છે કે મનસે સાથે જોડાણ શક્ય છે, તો તેમણે એક નોંધપાત્ર દરખાસ્ત સાથે આગળ આવવું જોઈએ. રાજ ઠાકરે તેના પર નિર્ણય લેશે,’ એમ દેશપાંડેએ કહ્યું હતું.
