પુણે: પુણેના એક ભાજપ નેતા વિરુદ્ધ એક મહિલા પોલીસ કર્મચારી સાથે છેડતી કરવાના આરોપમાં કેસ નોંધવામાં આવ્યો છે. આરોપી પ્રમોદ કોંધરે ભાજપના શહેર એકમના મહાસચિવએ પાર્ટીમાંથી રાજીનામું આપી દીધું છે, એમ તેમના વરિષ્ઠ સાથીએ જણાવ્યું હતું.
આ ઘટના સોમવારે શનિવારવાડા વિસ્તારમાં એક ચાની દુકાન પાસે બની હતી. એક વરિષ્ઠ પોલીસ અધિકારીએ જણાવ્યું હતું કે કોંધરેએ મહિલા અધિકારી સાથે કથિત રીતે ગેરવર્તન કર્યું હતું.
આપણ વાંચો ‘ચાંદીની થાળીમાં જમનારા શાસકો ભૂખ્યા લોકોની વેદના કેવી રીતે સમજી શકે?’: વડેટ્ટીવાર
“મહિલા અધિકારીએ કોંધરે પર અયોગ્ય કૃત્ય કરવાનો આરોપ લગાવ્યો છે, જે સીસીટીવી કેમેરામાં કેદ થયો છે. આઇપીસીની કલમ ૭૪ અને ૭૫ હેઠળ કેસ નોંધવામાં આવ્યો છે,” અધિકારીએ જણાવ્યું હતું.
દરમિયાન ભાજપ શહેર એકમના પ્રમુખ ધીરજ ઘાટેએ જણાવ્યું હતું કે કોંધરેએ પોતાનું રાજીનામું સુપરત કર્યું છે, અને પાર્ટીએ તેને સ્વીકારી લીધું છે. આ ઘટનાને “દુર્ભાગ્યપૂર્ણ” ગણાવતા ભાજપના નેતા અને વિધાન પરિષદના સભ્ય ચિત્રા વાઘે કોંધરે સામે કડક કાર્યવાહીની માંગ કરી છે.
