ધારાવી રિડેવલપમેન્ટ: સ્થાનિકોનું સમર્થન, બિન સ્થાનિકો દ્વારા ખોટી માહિતી ફેલાવવાનો પ્રયાસ
મુંબઈઃ ધારાવીમાં કામ કરતી કેટલીક બિન-સરકારી સંસ્થાઓએ એશિયાની સૌથી મોટી ઝૂંપડપટ્ટીમાં અનૌપચારિક ભાડૂતોના રાજ્ય સરકારની આગેવાની હેઠળ ચાલી રહેલા સર્વેને સમર્થન આપવાનું વચન આપ્યું છે અને બિન-સ્થાનિકો પર ખોટી માહિતી ફેલાવીને પુનઃવિકાસને અટકાવવાનો પ્રયાસ કરવાનો આરોપ મૂક્યો છે.
તેઓએ રાજ્ય સરકારના અધિકારીઓને પત્રો લખ્યા હતા. એનજીઓએ ધારાવી રિડેવલપમેન્ટ પ્રોજેક્ટ/સ્લમ રિહેબિલિટેશન ઓથોરિટી (ડીઆરપી/એસઆરએ)ને સર્વેને સમર્થન આપતો પત્ર લખ્યો છે, જે અદાણી જૂથ દ્વારા ચલાવવામાં આવી રહેલા ૩ અબજ ડોલરના રિડેવલપમેન્ટ પ્રોજેક્ટની દેખરેખ રાખતી મહારાષ્ટ્ર સરકારની સંસ્થા છે.
આરોગ્ય, શિક્ષણ, મહિલા સશક્તિકરણ સહિતની વૈવિધ્યસભર કલ્યાણ પ્રવૃત્તિઓમાં સંકળાયેલા કુલ આઠ એનજીઓ અને નાગરિક કલ્યાણ સંગઠનોએ ધારાવી રિડેવલપમેન્ટ પ્રોજેક્ટના સીઈઓ સાથે મુલાકાત કરી અને રાજ્ય સરકારની આગેવાની હેઠળ હાલમાં હાથ ધરાઈ રહેલા સર્વેમાં ધારાવીવાસીઓનું વિસ્તૃત સમર્થન આપ્યું.
આ પણ વાંચો: ધારાવી પુન:વિકાસ યોજના: નિવાસી સંસ્થા દ્વારા સરકારી સર્વેક્ષણને સમર્થન
સર્વેક્ષણને સમર્થન આપતી વખતે ગ્લોબલ ગિવિંગ ફાઉન્ડેશન અને ઓલ ઈન્ડિયા પોલીસ જન સેવા સંગઠનના નૂર મોહમ્મદ ખાને સત્તાધિકારીને ૧૩ પ્રશ્નો પૂછ્યા હતા જેમાં અદાણી જૂથની એન્ટિટી ધારાવીના પુનર્વસન માટે બાંધવામાં આવેલા ફ્લેટને મફત જાળવણીના સમયગાળાથી લઈને જેઓ ઝૂંપડપટ્ટીમાં ફ્લેટ મેળવવા માટેની પાત્રતા નક્કી કરવા માટેની કટઓફ તારીખ જાન્યુઆરી ૨૦૦૦ પછી રહેવા આવ્યા હતા. તેમના માટે શું કરવામાં આવશે, તેના વિશે હતા. તે પ્રશ્નોના જવાબ આપવાનું ઓથોરિટીએ તેમને આશ્વાસન આપ્યું છે.
સર્વેક્ષણને સમર્થન આપતાં એનલાઈટન ફાઉન્ડેશને ૨૦ ઓગસ્ટના રોજ ડીઆરપીના સીઈઓ એસવીઆર શ્રીનિવાસનને પત્ર લખીને જણાવ્યું હતું કે રહેવાસીઓ અને વ્યાપારી જગ્યાના માલિકો પ્રોજેક્ટની વિરુદ્ધ નથી, ન તો સર્વેક્ષણની”.
સર્વેક્ષણનો “ફક્ત મુઠ્ઠીભર લોકો દ્વારા વિરોધ કરવામાં આવે છે જેઓ પુનઃવિકાસના વિરોધમાં છે અને અંગત હિત ધરાવે છે.
આ પણ વાંચો: ગૌતમ અદાણીનું ‘ચાવીને બદલે ચાવીનું વચન’ ઝૂંપડપટ્ટી રિડેવલપમેન્ટમાં એક સીમાચિહ્નરૂપ પહેલ
વિરોધ કરી રહેલા મોટાભાગના લોકો સ્થાનિક નથી અને ધારાવીની બહાર રહેતા હતા અને ધારાવીની સ્થાનિક પરિસ્થિતિથી અજાણ છે, એમ એનલાઈટન ફાઉન્ડેશનના સ્થાપક અને પ્રમુખ રાજેશકુમાર પનીરસેલ્વમે જણાવ્યું હતું.
ધારાવીના રહેવાસી સંગઠન છત્રપતિ શિવાજી મહારાજ સીએચએસએ તેના પત્રમાં “સર્વે સાથે આગળ વધવાની અને દાયકાઓથી અટકેલા પુનઃવિકાસ પ્રોજેક્ટને એકસાથે આગળ વધારવાની માંગ કરી છે. ઘણી પેઢીઓ પસાર થઈ ગઈ છે, વિસ્તારના પુનઃવિકાસની રાહ જોઈ રહી છે પરંતુ માત્ર હવે અમે સકારાત્મક પગલાના સાક્ષી છીએ.
” ગયા મહિને, ધારાવીના રહેવાસીઓના એક નવા રચાયેલા સંગઠને શ્રીનિવાસનો સંપર્ક કર્યો અને અનૌપચારિક ટેનામેન્ટ્સના સર્વેમાં ટેકો આપ્યા પછી ધારાવી રિડેવલપમેન્ટ પ્રોજેક્ટને પ્રોત્સાહન મળ્યું છે.
