આનંદો મુંબઈ-ગાંધીનગર વંદે ભારત એક્સપ્રેસને હવે નવસારી સ્ટેશનનો મળ્યો હોલ્ટ

મુંબઈ: વડાપ્રધાન નરેન્દ્ર મોદી દ્વારા મુંબઈ સેન્ટ્રલથી ગાંધીનગર વચ્ચે શરૂ કરવામાં આવેલી ભારતની ત્રીજી વંદે ભારત એક્સપ્રેસ ટ્રેનના સમયપત્રકમાં ફેરફાર કરવામાં આવ્યો છે. જેનાથી મુંબઈથી ગાંધીનગરની મુસાફરી કરતા અનેક યાત્રીઓને લાભ થશે.

વંદે ભારત ટ્રેનમાં એક સ્ટેશન ઉમેરાયું

મુંબઈથી ગાંધીનગર વચ્ચે દોડતી વંદે ભારત એક્સપ્રેસ પહેલા 7 સ્ટેશન પર રોકાતી હતી. પરંતુ હવે આ ટ્રેનને હવે નવસારી ખાતી પણ સ્ટેશન આપવામાં આવ્યું છે. જેથી આ ટ્રેન હવે 7ને બદલે 8 સ્ટેશન પર ઊભી રહેશે. ભારતીય રેલવે દ્વારા કરવામાં આવેલા ફેરફાર મુજબ, હવે આ ટ્રેન નીચેના સ્ટેશનો પર રોકાશે:

1. બોરીવલી
2. વાપી
3. વલસાડ
4. નવસારી
5. સુરત
6. વડોદરા જંક્શન
7. આણંદ જંક્શન
8. અમદાવાદ જંક્શન

ટ્રેનના સમયમાં થશે ફેરફાર

નવા સમયપત્રક અનુસાર વન્દે ભારત એક્સપ્રેસ મુંબઈથી ગાંધીનગર (ટ્રેન નંબર 20901) ટ્રેન દરરોજ (બુધવાર સિવાય) સવારે 6:00 વાગ્યે મુંબઈથી ઉપડશે અને બપોરે 12:25 વાગ્યે ગાંધીનગર પહોંચશે. જ્યારે વન્દે ભારત એક્સપ્રેસ
ગાંધીનગરથી મુંબઈ (ટ્રેન નંબર 20902) ટ્રેન દરરોજ (બુધવાર સિવાય) બપોરે 14:05 વાગ્યે ગાંધીનગરથી ઉપડશે અને રાત્રે 8:30 વાગ્યે મુંબઈ સેન્ટ્રલ પહોંચશે.

ઉલ્લેખનીય છે કે, ટ્રેન નંબર 20901/20902 ધરાવતી આ ટ્રેન બુધવાર સિવાય સપ્તાહના તમામ દિવસોમાં દોડે છે. તે 521 કિલોમીટરનું અંતર 6 કલાક અને 30 મિનિટમાં કાપે છે. વંદે ભારત એક્સપ્રેસમાં કુલ 20 કોચ છે. ટ્રેનનું AC ચેર ક્લાસનું ભાડું રૂપિયા 1285 અને એક્ઝિક્યુટિવ ચેર કારનું ભાડું રૂપિયા 2465 છે. આ નવા સ્ટોપેજથી મુસાફરોને વધુ સુવિધા મળશે.

આપણ વાંચો:  ભારતની ટીમ પાકિસ્તાન સાથે ક્રિકેટ રમશે, હવે સિંદૂર ક્યાં ગયું?: ઉદ્ધવ ઠાકરે…