કેન્દ્રીય બજેટમાંથી મુંબઈ અને મહારાષ્ટ્રને શું મળ્યું?

મુંબઈ: કેન્દ્રીય બજેટમાંથી મુંબઈ અને મહારાષ્ટ્રને શું મળ્યું તે અંગે કેટલીક માહિતી અહીં આપવામાં આવી છે.
મહારાષ્ટ્રના માળખાકીય વિકાસને મજબૂત બનાવવામાં આવશે. શિક્ષણ, ઉચ્ચ અને ટેકનિકલ શિક્ષણ ક્ષેત્રે મહારાષ્ટ્ર એક અગ્રણી રાજ્ય છે.

સરકારી શાળાઓમાં પાંચ લાખ અટલ ટિંકરિંગ લેબ્સ સ્થાપવી, શાળાઓ અને આરોગ્ય કેન્દ્રોને બ્રોડબેન્ડ સેવાઓ ઉપલબ્ધ કરાવવી, ભારતીય ભાષાઓમાં પુસ્તકો ઉપલબ્ધ કરાવવા અને આઈઆઈટી અને મેડિકલ કોલેજોમાં વિદ્યાર્થીઓની સંખ્યા અને સુવિધાઓમાં વધારો કરવો વગેરે નિર્ણયનો રાજ્યના યુવાનોને ચોક્કસપણે ફાયદો થશે.

ઓનલાઈન કામ કરનારા ગિગ વર્કર્સ માટે ઓળખ કાર્ડ બનાવવાનો અને તેમને ઈ-શ્રમ પોર્ટલ પર નોંધણી કરાવવાનો નિર્ણય મહત્વપૂર્ણ છે અને પીએમ જન આરોગ્ય યોજના હેઠળ લગભગ એક કરોડ ગિગ વર્કર્સને આરોગ્ય સેવાઓ પૂરી પાડવામાં આવશે.

આપણ વાંચો: ગુજરાતના ખેડૂતો, દરિયાકાંઠાને લાભ; કેન્દ્રીય બજેટ પર ભૂપેન્દ્ર પટેલે વ્યક્ત કર્યો આભાર

આ બધા નિર્ણયો વિદ્યાર્થીઓ, યુવાનો અને સામાન્ય જનતાને કેન્દ્રમાં રાખીને લેવામાં આવ્યા છે અને બધાનો ફાયદો રાજ્યના લોકોને મોટા પ્રમાણમાં થશે.

કેન્દ્રીય બજેટમાંથી મુંબઈ અને મહારાષ્ટ્રને શું મળ્યું?

મહારાષ્ટ્રને એમયુટીપી-3 પ્રોજેક્ટ -1465.33 કરોડ રૂપિયા
પુણે મેટ્રો માટે-837 કરોડ રૂપિયા
મૂળા-મુઠા નદીના સંરક્ષણ માટે જાયકા હેઠળ-230 કરોડ રૂપિયા
મુંબઈ-અમદાવાદ હાઈ સ્પીડ રેલ્વેના ચાર પ્રોજેક્ટ માટે-4003 કરોડ રૂપિયા
મુંબઈ-અમદાવાદ હાઈ સ્પીડ રેલ્વે – તાલીમ સંસ્થા માટે-126.60 કરોડ
મુંબઈ મેટ્રો માટે -1673.41 કરોડ
મહારાષ્ટ્ર ગ્રામીણ સંચાર માટે-683.51 કરોડ
મહારાષ્ટ્ર એગ્રો બિઝનેસ નેટવર્ક-મેગ્નેટ પ્રોજેક્ટ માટે -596.57 કરોડ રૂપિયા
ઉર્જા સંરક્ષણ અને લિફ્ટ સિંચાઈ પ્રોજેક્ટ માટે- 186.44 કરોડ રૂપિયા
ઇન્ટિગ્રેટેડ ગ્રીન અર્બન મોબીલીટી પ્રોજેક્ટ, મુંબઈ માટે – 652.52 કરોડ રૂપિયા
આર્થિક ક્લસ્ટર કનેક્ટિવિટી માટે- 1094.58 કરોડ રૂપિયા