પ્રધાનપદ, મંત્રાલય હોલ અને સરકારી બંગલો પણ મળ્યો, પરંતુ હજુ સુધી ફડણવીસની કેબિનેટના અડધોઅડધ પ્રધાને નથી સ્વીકાર્યો પદભાર

(અમારા પ્રતિનિધિ તરફથી)
મુંબઈ: લાંબી રાહ જોયા બાદ મહાયુતિ સરકારમાં પ્રધાનોના શપથ થયા અને પોર્ટફોલિયોની વહેંચણી કરવામાં આવી હતી. જો કે ખાતાની ફાળવણી બાદ પ્રધાનોને હોલ પણ ફાળવવામાં આવ્યા હોવા છતાં હજુ પણ 18 જેટલા પ્રધાનોએ પદભાર સ્વીકાર્યો નથી.

તેથી આ પ્રધાનો હવે નવા વર્ષમાં જ કાર્યભાર સંભાળે તેવી શક્યતા છે. ભૂતપૂર્વ વડાપ્રધાન મનમોહન સિંહના નિધન બાદ સાત દિવસના રાષ્ટ્રીય શોકની જાહેરાત કરવામાં આવી છે.

તેથી, આ વર્ષના બાકીના બે દિવસમાં પદભાર સંભાળવાની શક્યતા ઓછી છે. જો કે ખાસ વાત એ છે કે આ પ્રધાનોએ આ પહેલા પણ ચાર્જ સંભાળ્યો ન હતો. દત્તા ભરણેના પરિવારના સભ્યો જેમણે હોદ્દો સંભાળ્યો નથી તે વિદેશ ગયા છે.
કયા મંત્રીએ ચાર્જ ન લીધો?

આપણ વાંચો: મહારાષ્ટ્રમાં પ્રધાનોના શપથગ્રહણ પછી ખાતાની ફાળવણી ક્યાં અટકી?

આશિષ શેલાર
અતુલ સાવે
નરહરિ ઝિરવાળ
ભરત ગોગાવલે
ગુલાબરાવ પાટીલ
દાદાજી ભૂસે
જયકુમાર રાવલ
માણિકરાવ કોકાટે
મકરંદ પાટીલ
યોગેશ કદમ
પંકજ ભોયર
બાબાસાહેબ પાટીલ
દત્તાત્રય ભરણે
પ્રકાશ આબિટકર
માધુરી મિસાળ
આશિષ જયસ્વાલ
મેઘના બોર્ડીકર

પાલક પ્રધાનપદને લઈને ત્રણે પક્ષો વચ્ચે ખેંચતાણ?

આપણ વાંચો: શિંદે સરકારના 12 પ્રધાનોને પડતા મૂકવાના કારણો

બીજી તરફ મહારાષ્ટ્રમાં જ્યારથી મહાયુતિની સરકાર આવી છે ત્યારથી મહાયુતિમાં અંધાધૂંધી ચાલુ છે. ચૂંટણીના પરિણામો બાદ શરૂઆતમાં મુખ્ય પ્રધાનપદને લઈને લાંબું સસ્પેન્સ રહ્યું હતી.

આ પછી એવા અહેવાલો આવ્યા હતા કે એકનાથ શિંદે નારાજ છે. ત્યાર બાદ પ્રધાનમંડળના વિસ્તરણ બાદ પ્રધાનોના વિભાગોની વહેંચણી કરવામાં આવી છે ત્યારે હવે મહાયુતિના ત્રણેય પક્ષો પાલક પ્રધાનપદને લઈને લડી રહ્યા છે.

મહારાષ્ટ્રની ચૂંટણીમાં મહાયુતિ, ભાજપ, શિવસેના અને એનસીપી નામના ત્રણ મોટા પક્ષો સાથે આવ્યા છે અને વિધાનસભામાં મોટી સફળતા મેળવી હતી. આ જીત બાદ પણ ત્યાં કેબિનેટના વિસ્તરણમાં 16 દિવસ લાગ્યા.

તેમ જ પ્રધાનમંડળ વિસ્તરણમાં ત્રણેય પક્ષોના વડાઓએ સાવચેતીભર્યું વલણ અપનાવવું પડ્યું હતું. દરમિયાન શિવસેના અને એનસીપીએ પણ નારાજગી વ્યક્ત કરી હતી. હવે મામલો શાંત પડતાં ત્રણેય પક્ષો વચ્ચે પાલક પ્રધાનપદને લઈને વિવાદ શરૂ થયો હોવાનું જાણવા મળે છે.

આપણ વાંચો: નવા પ્રધાનોની શપથવિધિ બાદ ખાતાની વહેંચણી ક્યારે?

પ્રધાનપદ બાદ હવે એકનાથ શિંદેની શિવસેના અને અજિત પવારની એનસીપી વચ્ચે પાલક પ્રધાનપદને લઈને વિવાદ શરૂ થયો છે. જેના કારણે કેટલાક જિલ્લાઓમાં સંઘર્ષ વધુ ઉગ્ર બને તેવી શક્યતા છે.

ત્રણેય પક્ષો શિવસેના, ભાજપ અને એનસીપી મહારાષ્ટ્રમાં પોતાની પકડ જમાવવા માગે છે અને આવી સ્થિતિમાં ત્રણેય પક્ષોના વરિષ્ઠ નેતાઓને દરેક વિભાગ અને જિલ્લામાં પ્રધાન બનાવવામાં આવ્યા છે. તેથી તમામ પક્ષો પ્રધાનપ્રધાનપદ ઈચ્છે છે.

ક્યા જિલ્લાઓમાં પાલક પ્રધાનપદનો વિવાદ?

મુંબઈ શહેર અને મુંબઈ ઉપનગર
કોંકણ- સિંધુદુર્ગ, રત્નાગીરી અને રાયગઢ
મરાઠવાડા- સંભાજીનગર, બીડ
ઉત્તર મહારાષ્ટ્ર- નાસિક
થાણે શહેર અને નવી મુંબઈ
કોલ્હાપુર

કયા જિલ્લામાં કયા પક્ષો વચ્ચે વિવાદ?

મહારાષ્ટ્રના રાયગઢમાં એનસીપી અને શિવસેના વચ્ચે પાલક પ્રધાનપદને લઈને ઘર્ષણ છે, જ્યારે ગઢચિરોલી જિલ્લામાં ભાજપ અને શિવસેના વચ્ચે વિવાદ ચાલી રહ્યો છે. સંભાજીનગરમાં પણ ભાજપ અને શિવસેના વચ્ચે ટક્કર છે.

ભાઈ-બહેન પંકજા અને ધનંજય મુંડે બીડમાં પ્રધાન બન્યા છે, જ્યાં ભાજપ અને એનસીપી પાલક પ્રધાનપદ માટે ટગ ઑફ વોરમાં છે. રાજ્યની જનતાએ બહુમતી સરકાર આપી હોવા છતાં સરકાર નારાજ નેતાઓને શાંત પાડવામાં સફળ થઈ રહી નથી અને તેને કારણે હવે વિરોધીઓ સત્તાધારી મહાયુતિમાં થઈ રહેલા તાલને જોઈ રહ્યા છે.