દિક્ષિતા મકવાણા
ત્વચા સંભાળની ભૂલો ઘણીવાર તમારી ત્વચા માટે હાનિકારક હોઈ શકે છે, તેથી કેટલીક મૂળભૂત સચોટ માહિતી હોવી મહત્વપૂર્ણ છે. આ લેખમાં આપણે ત્વચા સંભાળ સંબંધિત કેટલીક માન્યતાઓ અને તથ્યોનું વિશ્લેષણ કરીશું.
જ્યારે ત્વચા સંભાળની વાત આવે છે, ત્યારે દરેકનો અલગ અલગ અભિપ્રાય હોય છે, અને સોશિયલ મીડિયાના યુગમાં દરેક ત્રીજો કે ચોથો વીડીઓ અલગ અલગ ટિપ્સ આપે છે. ઘણા ઉઈંઢ (ડુ ઈટ યોર સેલ્ફ)સ્કિનકેર હેક્સ પણ લોકપ્રિયતા મેળવી રહ્યા છે, જેને લોકો ઘણીવાર વિચાર્યા વિના અજમાવે છે, પરંતુ દરેક સલાહ જરૂરી રીતે ફાયદાકારક હોતી નથી.
પિમ્પલ્સથી લઈને શુષ્ક, તૈલી ત્વચા અને સનસ્ક્રીનનો ઉપયોગ કરવા સુધી ઘણી સ્કિનકેર માન્યતાઓ છે જે લોકો સરળતાથી માને છે. આ ઘણીવાર ત્વચા સંભાળમાં ભૂલો તરફ દોરી જાય છે. તેથી આ માન્યતાઓનો પર્દાફાશ કરવાનો સમય આવી ગયો છે.
જો તમે ક્યારેય કોઈ મિત્રની ત્વચા સંભાળ સલાહનું પાલન કર્યું હોય અથવા સોશિયલ મીડિયા પર જોયેલા ઉપાયનો પ્રયાસ કર્યો હોય અને પરિણામો સંતોષકારક ન હોય, તો તે ખૂબ તણાવપૂર્ણ હોઈ શકે છે. ખાસ કરીને ચહેરાની ત્વચાની સંભાળ રાખતી વખતે સાવચેતી રાખવી જરૂરી છે. ચાલો ત્વચા સંભાળ સંબંધિત કેટલીક માન્યતાઓની વાત કરીએ.
પિમ્પલ્સ ફક્ત કિશોરો માટે છે
ઘણા લોકો હજુ પણ માને છે કે ખીલ ફક્ત કિશોરો માટે છે. આ સંપૂર્ણપણે સાચું નથી. આ ઉંમરે હોર્મોનલ ફેરફારોને કારણે ખીલ એક સામાન્ય સમસ્યા છે, પરંતુ તે કોઈપણ ઉંમરના લોકોને અસર કરી શકે છે. હોર્મોનલ ફેરફારોથી લઈને ખરાબ આહાર, સ્વચ્છતાનો અભાવ, પ્રદૂષણ અને તણાવ જેવા પરિબળો આ માટે જવાબદાર છે.
તૈલી ત્વચાને મોઇશ્ચરાઇઝ ન કરો
એક વ્યાપક માન્યતા છે કે તૈલી ત્વચા ધરાવતા લોકોને મોઇશ્ચરાઇઝરની જરૂર નથી. તે તેમની ત્વચાને વધુ તેલયુક્ત બનાવે છે. સત્ય એ છે કે તૈલી ત્વચા અને વાળ ધરાવતા લોકોએ વધારાના તેલ વિના ત્વચાને મોઇશ્ચરાઇઝ રાખવા માટે પાણી અથવા જેલ આધારિત મોઇશ્ચરાઇઝરનો ઉપયોગ કરવો જોઈએ.
જે લોકો મેકઅપ કરે છે તેમને જ ડબલ ક્લીન્ઝિંગની જરૂર છે.
સ્વસ્થ ત્વચા માટે ડબલ ક્લીન્ઝિંગ જરૂરી છે. આ ત્વચાને ઊંડે સુધી સાફ કરે છે. ઘણા લોકો માને છે કે ડબલ ક્લીન્ઝિંગ ફક્ત તે લોકો માટે જરૂરી છે જેઓ ઘણો મેકઅપ કરે છે. જો તમે મેકઅપ ન કરો તો પણ, પ્રદૂષણ, ગંદકી અને વધારાનું તેલ દૂર કરવા માટે ડબલ ક્લીન્ઝિંગ જરૂરી છે.
ઘરે સનસ્ક્રીન લગાવવાની જરૂર નથી.
જોકે સત્ય એ છે કે તમારે ઘરે હોવ અથવા બહાર સૂર્યપ્રકાશ ન હોય તો પણ સનસ્ક્રીન લગાવવું જોઈએ. સૂર્યપ્રકાશ તમારા ચહેરા પર ન પડે તો પણ યુવી કિરણો ત્વચાને નુકસાન પહોંચાડી શકે છે. ઘરે તમે ઘણીવાર તમારા ફોનનો ઉપયોગ કરો છો અથવા કમ્પ્યુટર પર કામ કરો છો, અને સ્ક્રીનનો પ્રકાશ પણ ત્વચાને નુકસાન પહોંચાડે છે.
કુદરતી ઘટકો નુકસાન પહોંચાડતા નથી.
ઘણા લોકો માને છે કે કુદરતી ઘટકો ત્વચાને નુકસાન પહોંચાડતા નથી પરંતુ આ સાચું નથી. જો તમારી ત્વચાને કોઈ વસ્તુથી એલર્જી હોય, તો કુદરતી ઘટકો પણ નુકસાનકારક હોઈ શકે છે. જોકે તફાવત એ છે કે કુદરતી ઘટકો આડઅસરો પેદા કરે છે, તો પણ તે ન્યૂનતમ છે.
આ પણ વાંચો…નિખારઃ રાઈસ વૉટરના ફાયદાઓ ખબર છે?
