રમૂજી સવાલના મનમોજી જવાબ

દર્શન ભાવસાર

બત્રીસ કોઠે દીવા થાય. તો લાઈટ કેમ નહીં?

આ પણ વાંચો: રમૂજી સવાલના મનમોજી જવાબ…

• કહેવત રચનારાના જમાનામાં ઇલેક્ટ્રિસિટી નહોતી.
  ડ્રીમ ગર્લ હોય તો ડ્રીમ વુમન કેમ નહીં?.
• ડ્રીમ ગર્લ યોજના માત્ર અપરિણીત યુવકો માટે છે.
  ગાંધીજી ફરીથી ભારતમાં જન્મ લે તો એમને કોઈ ઓળખે ખરાં?
• હા, આધાર કાર્ડ- પાન કાર્ડ ને ચૂંટણી કાર્ડ હોય તો તરત ઓળખે.
  ઘરજમાઈ બનવાના ફાયદા શું?
• પત્ની વારંવાર પિયર જવાની જિદ ન કરે
  આત્મકથા ક્યારે લખવી જોઈએ?
• તમારો આત્મા ને પુસ્તક પ્રકાશક જાગે ત્યારે!
  સડેલી કેરી ટોપલાની બધી કેરી કેવી રીતે બગાડી શકે?
• એક ભ્રષ્ટ નેતા જેમ આખા પક્ષને બગાડી શકે તેમ !
  મામાનું ઘર કેટલે દીવો બળે એટલે. ?
• ગૂગલ જેટલું દૂર બતાવે એટલે!
  પંખીડાને પિંજરું જૂનું જૂનું કેમ લાગતું હશે?
• જૂનું આપીને નવું લઈ જવાની કોઈ સ્કીમ વાંચી હશે.
  પ્રદક્ષિણા કરનારને દક્ષિણા મળે કે આપવી પડે?
• કોની પ્રદક્ષિણા કરો છો એના પર બધો આધાર છે.
  ઝીરો બેલેન્સ -, ઝીરો ક્રાઈમ- ઝીરો ફિગર. હવે બાકી શું રહ્યું.?
• ઝીરોનું ઝીરો ઝીરો ! .
  ભગત કેટલા પ્રકારના હોય?
• અઠંગ ભગત, ઠગ ભગત, મિલી ભગત, ઈત્યાદિ..
  ઘર અને બહારના યુદ્ધમાં શું ફરક?
• બહારનું યુદ્ધ બધા જુએ- ઘરનું યુદ્ધ પાડોશી સાંભળે !
  પ્રાણ જાયે પર વચન ન જાયેં…આ જૂની કહેવત- આજે નવી કંઈ ?
• હવે ‘વચન જાયેં, પર પ્રાણ નહીં…’
  રસગુલ્લા અને હસગુલ્લા ભેગા કરો તો?
• મસ્તગુલ્લા બને !
  જીતે એ સિકંદર…અને હારે એ?
• છછુંદર.!