રમૂજી સવાલના મનમોજી જવાબ

• દર્શન ભાવસાર

ધણીનું ધાર્યુ થાય તો ધણિયાણી શું કરે?

• ધમાલ.
  પ્રેમ રાહમાં કંટકો હોય. ફૂલ કયારે આવે?
• લગ્નના હારતોરા થાય ત્યારે…
  રોજ રામાયણ થાય. તો મહાભારત ક્યારે?
• એનોય વારો આવે મહિને ઘરખર્ચ દેતી વખતે…
  અપશુકન ક્યારે થાય?
• લેણદાર અચાનક સામો ભટકાય ત્યારે…
  કેવી બુદ્ધિનું પ્રદર્શન થાય ?
• અલ્પ બુદ્ધિ અને મંદ બુદ્ધિનું….
  દેવાળું કેમ ફૂંકી દેવાય?
• ફૂંકે નહીં તો ફેલાઈ જાય!
  ઘરવાળીના જોર- જુલમને શું કહેવાય?
• જોરૂ કા જુલમ…
  બેગમને ન ગમે તો?
• ગમગીન રહેવું પડે.!
  ડાહી સાસરે ના જાય તો?
• પતિએ સાસરે જવું પડે…
  જાય તેલ લેવા…તો દૂધ- ઘી કેમ નહીં?
• એ બન્ને મોંઘાં પડે…
  માગ્યા વિના ના પીરસે. તો શું ખાવાનું?
• બગાસાં!
  કેવા જલસા બધાને ગમે?
• પારકા પૈસે થતા જલસા…
  નવયુગલ -નવદંપતી હોય તો દસ દંપતી કેમ નહીં?
• દશાનંદ રાવણનો શ્રાપ લાગે….
  કયો ધર્મ વધુ બદનામ?
• સગવડિયો ધર્મ!
  લગ્ને લગ્ને કુંવારા કેવા હોય?
• અગેઈન અને અગેઈન કુંવારા…
  બુંદ કી બિગડી હૌજ સે નહીં સુધરતી. નવી કહેવત શું?
• ‘ઈડી’ સે બિગડી…ઈન્કમ ટેક્સ સે નહીં સુધરતી !

આપણ વાંચો:  અજબ ગજબની દુનિયા