ડ્રેગને તાઇવાન સામે શરૂ કરી યુદ્ધની તૈયારી, ખુલ્લેઆમ આપી ધમકી…

નવી દિલ્હીઃ ચીનની સેનાએ તાઈવાનની ચારેબાજુ યુદ્ધ અભ્યાસ શરૂ કરી દીધો છે. ચીનની સેનાના પૂર્વ થિયેયર કમાન્ડના સત્તાવાર વીચેટ એકાઉન્ટ પર આ માહિતી આપવામાં આવી છે. જેમાં ચીનની સેનાના જોઈન્ટ ફોર્સ, નેવી અને રોકેટ ફોર્સ આ અભ્યાસમાં હિસ્સો લઈ રહ્યા છે.

ચીનનું કહેવું છે કે આ અભ્યાસ તાઇવાનની સ્વતંત્રતાનું સમર્થન કરતાં લોકો માટે એક ચેતવણી છે. તાજેતરમાં ચીનને તાઇવાન પર રાજકીય અને સૈન્ય દબાણ વધાર્યું છે. ચીન તાઇવાનને તેનો હિસ્સો માનતું હોવાથી આ સૈન્ય અભ્યાસ તાઇવાન માટે ધમકીના રૂપમાં જોવામાં આવે છે.

આ પણ વાંચો:શું ટ્રમ્પ અને પુતીનના વાંકે ભારતે દંડાવુ પડશે? આ કારણોસર પેટ્રોલના ભાવ વધવાની શક્યતા…

ચીનની સેનાએ શું કહ્યું?

ચીનની સેનાએ કહ્યું કે, મિલિટ્રી એક્સરસાઇઝનો હેતુ તાઇવાનમાં કથિત અલગતાવાદીઓને કડક ચેતવણી આપવાનો છે. ચીને થોડા સમય પહેલા કહ્યું હતું કે તેઓ તાઇવાનને તેમની સાથે ભેળવી દેશે અને આ માટે બળ પ્રયોગ એક વિકલ્પ હોઇ શકે છે. ચીનની સેના મુજબ, યુદ્ધ અભ્યાસનો મુખ્ય હેતુ સમુદ્ર અને હવામાં યુદ્ધની તૈયારી કરવાનો છે. આ ઉપરાંત દરિયાઈ અને જમીન પર હુમલા, સૈન્યની સંયુક્ત તાકાત વધારવી તથા મહત્ત્વપૂર્ણ ક્ષેત્રોમાં દરિયાઈ રસ્તો ઘેરવાની રણનીતિ પર કામ ચાલી રહ્યું છે.

આ પણ વાંચો: ‘…તો ઈરાન પર બોમ્બમારો કરીશું’ ડોનાલ્ડ ટ્રમ્પે આપી આવી ધમકી…

ગત મહિને પણ ચીનની સેનાએ તાઇવાન પાસે સૈન્ય અભ્યાસ કર્યો હતો. પરંતુ તેની કોઈ સત્તાવાર જાહેર કરવામાં આવી નહોતી. તેમ છતાં એક મોટો સૈન્ય અભ્યાસ ખતમ થયો હોવાની જાહેરાત કરવામાં આવી હતી. બેઇજિંગના રક્ષા મંત્રાલયના પ્રવક્તા વૂ કિયાને જણાવ્યું હતું કે, પીએલએના પૂર્વ થિયેટર કમાન્ડની નૌસેના અને વાયુસેનાએ તાજેતરમાં સંયુક્ત અભ્યાસ કર્યો હતો. આ અભ્યાસ તાઇવાન પર નજર રાખવા માટે કરવામાં આવ્યો હતો.