ઇન્ટરનેશનલ

અમેરિકાના કેલિફોર્નિયામાં ફાયરિંગઃ ચારનાં મોત

સ્ટોક્ટનઃ અમેરિકાના કેલિફોર્નિયામાં ગોળીબારની ઘટનાથી ખળભળાટ મચી ગયો છે. સ્ટોક્ટનના બેન્ક્વેટ હોલમાં એક પારિવારિક કાર્યક્રમમાં થયેલા આડેધડ ગોળીબારમાં ચાર લોકોના મોત નીપજ્યા છે. જ્યારે ૧૦ લોકો ઘાયલ થયા છે. આ માહિતી શેરિફ અધિકારીઓએ શનિવારે આપી હતી.

સાન જોઆક્વિન કાઉન્ટી શેરિફ ઓફિસના પ્રવક્તા હીથર બ્રેન્ટે જણાવ્યું કે મૃતકોમાં બાળકોનો પણ સમાવેશ થાય છે. પ્રાથમિક સંકેતો સૂચવે છે કે આ એક લક્ષિત બનાવ હોઇ શકે છે. આ ઘટનાનો શંકાસ્પદ હુમલાખોર હજુ સુધી ઝડપાયો ન હોવાનું સ્થાનિક અધિકારીઓએ જણાવ્યું હતું. તપાસકર્તાઓ હજુ પણ સંભવિત ઉદ્દેશ્યની તપાસ કરી રહ્યા છે.

આ પણ વાંચો : હોંગકોંગ અગ્નિકાંડમાં મૃત્યુઆંક 128 પર પહોંચ્યો, હજુ 200 ગુમ

આ બનાવની પ્રાપ્ત વિગતો અનુસાર ગોળીબાર સાંજે ૬ વાગ્યાની આસપાસ બેન્ક્વેટ હોલની અંદર થયો હતો. અત્રે ઉલ્લેખનીય છે કે સ્ટોક્ટન આશરે ૩૨૦,૦૦૦ની વસ્તી ધરાવતું શહેર છે. જે સેક્રામેન્ટોથી લગભગ ૬૪ કિમી દક્ષિણમાં આવેલું છે.
અધિકારીઓએ પીડિતોની સ્થિતિ વિશે તાત્કાલિક વધુ વિગતો આપી નથી. અગાઉ કેટલાક લોકોને હોસ્પિટલમાં લઇ જવામાં આવ્યા હોવાનું અધિકારીઓએ જણાવ્યું હતું.

Mumbai Samachar Team

એશિયાનું સૌથી જૂનું ગુજરાતી વર્તમાન પત્ર. રાષ્ટ્રીયથી લઈને આંતરરાષ્ટ્રીય સ્તરના દરેક ક્ષેત્રની સાચી, અર્થપૂર્ણ માહિતી સહિત વિશ્વસનીય સમાચાર પૂરું પાડતું ગુજરાતી અખબાર. મુંબઈ સમાચારના વરિષ્ઠ પત્રકારવતીથી એડિટિંગ કરવામાં આવેલી સ્ટોરી, ન્યૂઝનું ડેસ્ક. મુંબઇ સમાચાર ૧ જુલાઇ, ૧૮૨૨ના દિવસે શરૂ કરવામાં આવ્યું ત્યારથી આજદિન સુધી નિરંતર પ્રસિદ્ધ થતું આવ્યું છે. આ… More »

સંબંધિત લેખો

Back to top button