ડાંગમાં વાદળ ફાટતાં પૂર્ણા નદીમાં ભરઉનાળે પૂર; જુઓ VIDEO
સાપુતારા: રાજ્યનાં હવામાન વિભાગ દ્વારા આગામી ત્રણ દિવસ સુધી રાજ્યના અનેક જિલ્લાઓમાં વરસાદ પડવાની આગાહી વ્યક્ત કરી છે. સૌરાષ્ટ્ર-ગુજરાત સહિત અનેક જિલ્લામાં હળવાથી મધ્યમ વરસાદની આગાહી વ્યક્ત કરવામાં આવી છે. આ દરમિયાન ડાંગ જિલ્લામાં આજે અચાનક વાતાવરણમાં પલટો આવ્યો હતો અને અને વાદળ ફાટવાની ઘટના બની હતી. જેના પગલે પૂર્ણા નદીમાં એકાએક પૂર આવ્યું હતું.
પૂર્ણા નદીમાં ભરઉનાળે પૂર
હવામાન વિભાગની આગાહીને પગલે ડાંગ જિલ્લામાં આજે અચાનક વાતાવરણમાં પલટો આવ્યો હતો. ગિરિમથક સાપુતારામાં વાદળ ફાટવાને લીધે પૂર્ણા નદીમાં ભરઉનાળે પૂર આવ્યું હતું. રાજ્યનાં એકમાત્ર ગિરિમથક સાપુતારા અને તળેટી વિસ્તારમાં ભારે વરસાદની સાથે વાવાઝોડું પણ ફૂંકાયું હતું. આ અચાનક આવેલા વરસાદ અને વાવાઝોડાના કારણે કેરીના પાકને ભારે નુકસાન થયું હોવાના અહેવાલો મળી રહ્યા છે.
આગામી બે દિવસ વરસાદની આગાહી
હવામાન વિભાગની આગાહી અનુસાર આજે બનાસકાંઠા, પાટણ, મહેસાણા, સાબરકાંઠા, ગાંધીનગર, અરવલ્લી, ખેડા, અમદાવાદ, આણંદ, પંચમહાલ, દાહોદ, મહીસાગર, વડોદરા, છોટા ઉદેપુર, નર્મદા, ભરૂચ, સુરત, ડાંગ, નવસારી, વલસાડ, તાપી અને દમણ, દાદરા નગર હવેલીના તમામ જિલ્લાઓમાં તેમજ સુરેન્દ્રનગર, રાજકોટ, જામનગર, પોરબંદર, જૂનાગઢ, અમરેલી, ભાવનગર, મોરબી, દ્વારકા, ગીર સોમનાથ, બોટાદ અને દીવના તમામ જિલ્લાઓમાં અને કચ્છના કેટલાક સ્થળોએ હળવાથી મધ્યમ વરસાદ અથવા ગાજવીજ સાથે વરસાદ પડવાની આગાહી છે.
આ પણ વાંચો…હજુ રહેશે માવઠાનો માર! ગુજરાતનાં અનેક જિલ્લામાં આગામી ત્રણ દિવસ માટે વરસાદની આગાહી…