રશ્મિકા મંદાના ફિલ્મ ઇન્ડસ્ટ્રીમાં આજકાલ સેલેબલ સ્ટાર્સમાં ગણાય છે. છેલ્લા 3 વર્ષથી તે એક પછી એક ધડાધડ સુપરહિટ ફિલ્મો આપી રહી છે. રશ્મિકાની ફિલ્મ ‘એનિમલ’ એ બોક્સ ઓફિસ પર ઘણી કમાણી કરી હતી. જોકે, આ ફિલ્મની વાર્તા અને પાત્રોને લઈને ઘણી ટીકા પણ થઈ હતી. હાલમાં જ રશ્મિકા મંદાનાએ ‘એનિમલ’ ફિલ્મના હીરો વિશે કંઈક એવું કહ્યું જેનાથી લોકો ગુસ્સે થયા. એટલું જ નહીં, હવે રશ્મિકાને આ નિવેદન માટે ટ્રોલ પણ કરવામાં આવી રહી છે.
રશ્મિકા મંદાના તાજેતરમાં બરખા દત્ત સાથે ઇન્ટરવ્યૂ કરવા આવી હતી. આ ઇન્ટરવ્યૂ દરમિયાન, એક મહિલાએ રશ્મિકા મંદાનાને એક અણિયાળો પ્રશ્ન પૂછ્યો. મહિલાએ રશ્મિકાને પૂછ્યું કે શું તે વાસ્તવિક જીવનમાં એનિમલ ફિલ્મમાં ‘રણવિજય’ના મુખ્ય પાત્ર જેવા છોકરાને તેના જીવનસાથી તરીકે પસંદ કરી શકે છે? આના જવાબમાં રશ્મિકાએ હા પાડી હતી.
એટલું જ નહીં, રશ્મિકાએ કહ્યું કે જો કોઈ તને પ્રેમ કરે છે તો તમે તેને બદલી શકે છે, પરંતુ આ દરમિયાન જ્યારે મહિલાએ રશ્મિકાને પૂછ્યું, શું તને લાગે છે કે તું કોઈને બદલી શકે છો? આના જવાબમાં, રશ્મિકાએ પણ પોતાની વાત સાબિત કરી અને કહેવાનો પ્રયાસ કર્યો કે માનવ વ્યક્તિત્વ તમારા અને તમારા પરિવારના સભ્યોની પસંદ અને નાપસંદથી પ્રભાવિત થાય છે.
જોકે, રશ્મિકાનું આ નિવેદન હવે સોશિયલ મીડિયા પર વાયરલ થઈ રહ્યું છે અને લોકો તેને ટ્રોલ પણ કરી રહ્યા છે. રેડિટ પર વાયરલ થયેલા આ વીડિયો પર પ્રતિક્રિયા આપતા એક યુઝરે લખ્યું હતું કે ‘દુઃખદ છે કે ઘણી છોકરીઓને ખરેખર આવું કહેવામાં આવે છે અને છોકરાઓ માટે પોતાને બદલવા માટે તૈયાર કરાય છે.
આ ખરેખર ભારતના સમાજ અને વિચારસરણીનું પ્રતિબિંબ છે. બીજાએ કહ્યું હતું કે જો તે રીલ લાઇફમાં તેને સુધારી ન શકે તો વાસ્તવિક જીવનમાં શું સુધારશે. તે કઈ દુનિયામાં રહે છે? તમે ફક્ત તમારા ચારિત્ર્યનો બચાવ કરવા માટે ત્યાં બેસીને આવા નિવેદનો આપી શકો નહીં.
એક યૂઝરે લખ્યું હતું કે ‘મહિલાઓ કોઈને સુધારવા માટે જવાબદાર નથી.’ એક ટિપ્પણીમાં લખ્યું હતું, ‘મને તે ખૂબ ગમી.’ બીજાએ લખ્યું હતું કે ‘ભીડ તાળીઓના ગડગડાટને પાત્ર છે.’ એક વ્યક્તિએ લખ્યું હતું, ‘મને રશ્મિકા મંદાના પાસેથી વધુ કંઈ સાંભળવાની જરૂર નથી.’ બીજી એક ટિપ્પણીમાં લખ્યું હતું કે, “એક લોકપ્રિય મહિલાને આવું કહેતા જોવું શરમજનક છે.” એક વ્યક્તિએ લખ્યું, “તેણે અહીં ગડબડ કરી. સાચો જવાબ છે – ના, હું વાસ્તવિક જીવનમાં ‘એનિમલ’માં રણબીરના પાત્રને ડેટ નહીં કરું.”
આપણ વાંચો: સલમાન ખાન સાથે સ્ક્રીન શેર કરનારી ઢબૂડી થઈ ગઈ છે આટલી મોટી, કરિના કપૂર 2.0 લાગી રહી છે…
તમને જણાવી દઈએ કે રશ્મિકા મંદાના તેના વાસ્તવિક જીવનમાં ચાલી રહેલા કહેવાતા રોમાંસને લઈને હેડલાઇન્સમાં રહે છે. છેલ્લા કેટલાક મહિનાઓથી, રશ્મિકાનું નામ દક્ષિણના સુપરસ્ટાર વિજય દેવરકોંડા સાથે જોડાઈ રહ્યું છે.
તે બંને એક જ સમયે એક જ જગ્યાએ સાથે રજાઓ ગાળતા પણ જોવા મળ્યા છે. જોકે બંનેએ સાથે તસવીરો શેર કરી નથી કે ખુલ્લેઆમ તેમના સંબંધોનો સ્વીકાર કર્યો નથી. પરંતુ તેમના અફેરની ચર્ચા ઘણા સમયથી ચાલી રહી છે.
