‘પતિ પત્ની ઔર પંગા’ શો જીતીને રૂબીના દિલાઈક અને અભિનવ શુક્લા બન્યા ‘સર્વગુન સંપન્ન જોડી’
મુંબઈ: કપલ રિયાલિટી શો ‘પતિ પત્ની અને પંગા’નું ધમાકેદાર ફિનાલે પૂરું થયું છે, જેમાં ટીવીના લોકપ્રિય કપલ રુબીના દિલૈક અને અભિનવ શુક્લાએ વિજેતા બનીને ટ્રોફી જીતી લીધી છે.
આ જોડીને ‘સર્વગુણ સંપન્ન જોડી’નો ખિતાબ મળ્યો છે, અને ચાહકો પણ તેમની આ જીતથી ખૂબ ખુશ છે.
આ અગાઉ બિગ બોસ 14માં કપલ સાથે જોવા મળ્યા હતા. બિગ બોસના સમયે તેમનું લગ્ન જીવન ઘણા ઉતાર ચઢાવમાંથી પસાર થઈ રહ્યું હતું. આ શો બાદ તેમના જીવનમાં બદલાવ આવ્યા અને તેમણે અલગ ન થવાના નિર્ણય કર્યો હતો. હાલ તેઓ જોડિયા દીકરીઓના માતા-પિતા છે અને સાથે મળીને તેમની સંભાળ લઈ રહ્યા છે.
આ શોમાં તેમણે પોતાની પ્રેમ કથા, આર્થિક તંગીના દિવસો અને હાલની પરિસ્થિતિ વિશે ખુલીને વાત કરી, જેનાથી ચાહકોના દિલ જીતી લીધા.
શોમાં રુબીના-અભિનવની કેમિસ્ટ્રી, હાસ્ય અને દિલની વાતોએ દર્શકોને મનોરંજન આપ્યું. તેમણે કહ્યું કે તેઓ પરફેક્ટ નથી, પરંતુ કપલ તરીકે સાથે છે અને ખામીઓને વ્યવહારિક રીતે હેન્ડલ કરે છે. આ જીત તેમના માટે ખાસ છે અને દર્શકોના પ્રેમનું પ્રમાણ છે. તેમણે કહ્યું કે પ્રેમનો અર્થ એ છે કે ખરાબ દિવસે પણ એકબીજાને પસંદ કરવું.
ફિનાલેમાં તમામ જોડીઓએ દુલ્હા-દુલ્હન જેવા તૈયાર થયા હતા. કેટલાક ભાવુક થયા તો કેટલાક હસ્યા. અવિકા ગૌરે બોયફ્રેન્ડ મિલિન્દ ચંદવાણી સાથે શોમાં જ લગ્ન કર્યા. શોને સોનાલી બેન્દ્રે અને મુનવ્વર ફારુકીએ હોસ્ટ કર્યો, જેમાં હિના ખાન-રોકી જૈસવાલ, સ્વરા ભાસ્કર-ફહાદ અહમદ, ગુરમીત ચૌધરી-દેબીના બેનર્જી સહિત અન્ય જોડીઓએ ભાગ લીધો.
