મુંબઈઃ સાઉથની ફિલ્મો બોલિવુડ પર ભારે જ પડી છે, તેમાં પછી બાહુબલી હોય, સાલાર હોય, કેજીએફ હોય કે પછી કાંતારા હોય! આ ફિલ્મોએ બોલિવુડને પાણી ભરાવ્યું છે. તેનું એક કારણ પણ છે કે, બોલિવુડ એક જ થીમ પર અલગ અલગ ફિલ્મો બનાવે છે. કોઈ નવા પ્રોજેક્ટ પર બોલિવુડવાળા કામ કરતા જ નથી. એક વાત તો નક્કી જ છે કે, હવે લોકો માત્ર એક્ટરના ચહેરાને જોઈને ફિલ્મ જોવા નથી જતા હવે લોકોને કહાણી જોવી પસંદ છે, જો કહાણી સારી નહીં હોય તો ફિલ્મ માંડ બજેટ જેટલી જ કમાણી કરી શકશે. પરંતુ સાઉથની વાત અલગ છે. કારણે કે સાઉથની લો બજેટની ફિલ્મો પણ ધૂમ મચાવી જાય છે.
‘કાંતારાઃ અ લેજન્ડ ચેપ્ટર-1’ના 5,195 શો બુક થઈ ગયા
કાંતારા બાદ હવે કાંતારા ચેપ્ટર 1 હવે બોક્સ ઓફિસ પર રિલીઝ થવાની છે. રિપોર્ટ્સ પ્રમાણે સાઉથ સુપરસ્ટાર ઋષભ શેટ્ટીની ‘કાંતારાઃ અ લેજન્ડ ચેપ્ટર-1’ અત્યારે ચર્ચામાં આવી છે. આ ફિલ્મે રિલીઝ થયા પહેલા જ મેકર્સને ધૂમ કમાણી કરી આપી છે. એડવાન્સ બુકિંગમાં ‘કાંતારાઃ અ લેજન્ડ ચેપ્ટર-1’એ કરોડો રૂપિયાની કમાણી કરી લીધી છે. મીડિયા રિપોર્ટ્સ પ્રમાણે ‘કાંતારાઃ અ લેજન્ડ ચેપ્ટર-1’ના 5,195 શો બુક થઈ ગયાં છે. એટલું જ નહીં પરંતુ 1,31,527 ટિકિટો પણ વેચાઈ ગઈ છે. ‘કાંતારાઃ અ લેજન્ડ ચેપ્ટર-1’એ રિલીઝ થયા પહેલા જ 8.11 કરોડ રૂપિયાનો વેપાર કરી લીધો છે.
માત્ર કન્નડ ભાષામાં જ 1,18,441 ટિકિટ વેચાઈ ગઈ
વધારે વિગતે વાત કરવામાં આવે તો, સૌથી વધારે કન્નડ ભાષામાં વેપાર થયો છે. માત્ર કન્નડ ભાષામાં જ 1,18,441 ટિકિટનું એડવાન્સ બુકિંગ થયું છે. હિંદીની વાત કરવામાં આવે તો, 10,503 ટિકિટનું એડવાન્સ બુકિંગ થયું છે. આ આંકડો હજી પણ વધી શકે છે. ઋષભ શેટ્ટીની ‘કાંતારાઃ અ લેજન્ડ ચેપ્ટર-1’ અને વરૂણ-જાહ્નવીની ફિલ્મ ‘સની સંસ્કારી કી તુલસી કુમારી’ બોક્સ ઓફિસ પર એક જ દિવસે રિલીઝ થઈ રહી છે. કંઈ ફિલ્મ વધારે કમાણી કરશે તે તો 2જી ઓક્ટોબર દર્શકો જ નક્કી કરવાના છે.
કાંતારાનો બીજો ભાગ પહેલા ભાગનો રેકોર્ટ તોડી શકશે?
ઋષભ શેટ્ટીની ફિલ્મ કાંતારાનો પહેલો ભાગ 2022માં રિલીઝ થયો હતો. માત્ર 14 કરોડમાં બનેલી આ ફિલ્મે બોક્સ ઓફિસ પર અધધ 400 કરોડથી પણ વધારે રપિયા છાપ્યાં હતાં. અત્યારે ‘કાંતારાઃ અ લેજન્ડ ચેપ્ટર-1’થી પણ બંપર કમાણીની આશા છે. શું ‘કાંતારાઃ અ લેજન્ડ ચેપ્ટર-1’ પહેલા ભાગનો રેકોર્ડ તોડી શકશે? આ વખતે ફિલ્મમાં ઋષભ શેટ્ટી સાથે ગુલશન દેવૈયા, જયરામ અને રુક્મિણી વસંત મુખ્ય ભૂમિકામાં જોવા મળશે.
આ પણ વાંચો…OG box office collection આ સાઉથની ફિલ્મ બે દિવસમાં સો કરોડી થઈ ગઈ
