મિથુનની ફિલ્મના જુલી જુલી ગીતની ધૂન પરથી તમે આવું ગીત ક્યારેય નહીં સાંભળ્યું હોયઃ જૂઓ વીડિયો ને મજા લો
આજ કાલના સમયમાં કોઈ પણ નવી વસ્તુ વાયરલ થવી ખુબ સરળ બની ગઈ છે. સોશિયલ મીડિયા પર લોકો અવનવા પેતરા અજમાવીને વાયરલ થવાના પ્રયાસો કરતા હોય છે. આ વચ્ચે બોલીવૂડના દિગ્ગજ અભિનેતા મિથુન ચક્રવર્તી અને મંદાકિનીનું સુપરહિટ ગીત ‘જૂલી-જૂલી’ હવે એક નવા અને મજેદાર અવતારમાં સોશિયલ મીડિયા પર છવાયું છે.
ઉત્તરાખંડના હલ્દ્વાનીની એક મહિલાએ આ ગીતને ‘આલૂ-મૂલી’ના દેશી ટ્વિસ્ટ સાથે રજૂ કર્યું છે, જે ઇન્ટરનેટ પર ધૂમ મચાવી રહ્યું છે. આ વાયરલ વીડિયો લોકોનું દિલ જીતી રહ્યો છે અને લાખો લોકોનું મનોરંજન કરી રહ્યો છે. આ ગીતની મજેદાર રજૂઆતે નેટીઝન્સ હસી હસીને લોટપોત બની ગયા છે.
એક ઇન્સ્ટાગ્રામ હેન્ડલ પરથી શેર થયેલો આ વીડિયો ઝડપથી વાયરલ થયો છે. આ વીડિયોને 1 કરોડથી વધુ લોકોએ જોયો છે અને 9.5 લાખથી વધુ લોકોએ લાઇક કર્યો છે. વીડિયોમાં હલ્દ્વાનીની એક મહિલા ‘જૂલી-જૂલી’ ગીતના મૂળ ટ્યૂન પર ‘આલૂ-મૂલી’ના બોલ સાથે ગાતી જોવા મળે છે. તેમની રમૂજી રજૂઆત અને દેશી અંદાજે દરેકનું ધ્યાન ખેંચ્યું છે, અને આ ગીત હવે સોશિયલ મીડિયાનું નવું એન્થમ બની ગયું છે.
વીડિયોમાં મહિલા મિથુન ચક્રવર્તીના ગીતના મૂળ બોલને બદલીને ગાય છે, “અમને મોમો નથી જોઈતું, ચાઉમીન નથી જોઈતું, પિઝા કે બર્ગર નથી જોઈતું…” આ પછી તેઓ પૂછે છે, “તો શું જોઈએ?” અને જવાબ આવે છે, “મૂલી-મૂલી… આજે બનાવીશું આલૂ-મૂલી, સાંજે ખાઈશું આલૂ-મૂલી!” આ રમૂજી બોલ ગીતના મૂળ ટ્યૂન સાથે એટલા સરસ રીતે જોડાયેલા છે કે સાંભળનાર ખડખડાટ હસી પડે. આ દેશી રીમિક્સની સરળતા અને રમૂજે લોકોનું દિલ જીતી લીધું છે.
આ વીડિયો પર 22,000થી વધુ કોમેન્ટ્સ આવી ચૂકી છે, જેમાં લોકોએ મહિલાની આ રજૂઆતને ખૂબ પસંદ કરી છે. એક યુઝરે લખ્યું, “આ તો આજનું એન્થમ છે!” જ્યારે બીજાએ કહ્યું, “આંટીજીના ગીતમાં જબરદસ્ત વાઇબ છે!” એક યુઝરે મજાકમાં તેમને ‘યો યો આંટી સિંહ’ નામ આપ્યું, જે હવે સોશિયલ મીડિયા પર ચર્ચાનો વિષય બની ગયું છે. આ વીડિયો દર્શાવે છે કે નાની રચનાઓ પણ લોકોના દિલમાં મોટી જગ્યા બનાવી શકે છે.
આપણ વાંચો: વાહ રે કાજોલ! હિન્દી ફિલ્મોએ ટૉપ પર પહોંચાડીને હિન્દી બોલવાની ના?: જૂઓ વીડિયો
