IFS બનવા માંગતી હતી, પણ બની ગઈ અભિનેત્રી: નેહા ધૂપિયાને માતાપિતાએ લગ્ન માટે આપ્યું હતું 72 કલાકનું અલ્ટીમેટમ…
મુંબઈઃ બોલીવુડ ફિલ્મ ઉદ્યોગમાં સુંદરતા ઉત્તમ અભિનય જેટલી જ મહત્વપૂર્ણ છે. ઐશ્વર્યા રાય બચ્ચન, સુષ્મિતા સેન અને દિયા મિર્ઝા જેવી કેટલીય સુંદરીઓ છે જેમણે માત્ર સૌંદર્ય સ્પર્ધાઓ જ નથી જીતી પરંતુ ફિલ્મ જગતમાં પોતાની આગવી ઓળખ પણ બનાવી છે.
આવી જ એક અભિનેત્રી છે નેહા ધૂપિયા, જે માત્ર એક બ્યુટી ક્વીન જ નથી પણ તે ફિલ્મો અને OTT પર પણ કામ કરી રહી છે. 2002 માં મિસ ઈન્ડિયાનો ખિતાબ જીતનાર અને બાદમાં મિસ યુનિવર્સનો તાજ પહેરાવનાર નેહા ધૂપિયા શરૂઆતથી જ ફિલ્મોમાં કારકિર્દી બનાવવા માંગતી નહોતી, પરંતુ ભાગ્યમાં તેના માટે કંઈક બીજું જ લખાયેલું હતું.
અભિનેત્રી IFS બનવા માંગતી હતી
નેહા ધૂપિયાના પિતા, જે ભારતીય નૌકાદળમાં સેવા આપી રહ્યા હતા, તે અભિનેત્રી માટે પ્રેરણાસ્ત્રોત હતા. મિસ ઈન્ડિયા 2002 જીત્યા પછી, નેહા ધૂપિયા ભારતીય વિદેશ સેવા (IFS) માં કારકિર્દી બનાવવા માંગતી હતી, પરંતુ તે અભિનય તરફ વળી ગઈ.
બોલીવુડમાં કારકિર્દી સફળ રહી નહીં
નેહા ધૂપિયાએ 2003માં ફિલ્મ ‘કયામત: સિટી અંડર થ્રેટ’થી બોલીવુડમાં પ્રવેશ કર્યો, જે બોક્સ ઓફિસ પર ફ્લોપ ગઈ. ત્યાર બાદ ‘જુલી’માં મુખ્ય ભૂમિકા ભજવીને પ્રખ્યાત થઈ.
નેહા ધૂપિયા ત્યાર બાદ, ક્યા કૂલ હૈ ‘હમ’ (2005), ‘શૂટઆઉટ એટ લોખંડવાલા’ (2007), ‘દસ કહાનિયાં’ (2007), ‘ચૂપ ચૂપ કે’ (2006), ‘એક ચાલીસ કી લાસ્ટ લોકલ’ (2007), ‘મિથ્યા’ (2008), ‘મહારથી’ (2008), અને ‘સિંઘ ઇઝ કિંગ’ (2008), અને ‘દસવિદાનિયા’ (2008) જેવી ઘણી ફિલ્મોમાં સહાયક ભૂમિકામાં જોવા મળી.
ફિલ્મોમાં સરેરાશ કારકિર્દી પછી, નેહા ધૂપિયા ટીવી તરફ વળી અને રિયાલિટી શોમાં હોસ્ટ તરીકે દેખાઈ. ઘણા વર્ષોથી ઇન્ડસ્ટ્રીનો ભાગ હોવા છતાં નેહા ધૂપિયા હંમેશા તેના અંગત જીવનને કારણે સમાચારમાં રહી છે. નેહાએ મે 2018માં ઉતાવળમાં અંગદ બેદી સાથે લગ્ન કરી લીધા કારણ કે તે લગ્ન પહેલા જ ગર્ભવતી હતી. લગ્નના પાંચ મહિના બાદ નેહાએ એક પુત્રીને જન્મ આપ્યો.
એક ઇન્ટરવ્યૂમાં, નેહા ધૂપિયાએ કહ્યું હતું કે, “અમારા લગ્ન એકદમ અલગ હતા. હું લગ્ન પહેલા ગર્ભવતી થઈ ગઈ હતી. તેથી, જ્યારે અમે અમારા માતાપિતાને આ સમાચાર આપ્યા, ત્યારે તેઓએ કહ્યું, “ઠીક છે, પણ મુંબઈ પાછા આવો અને લગ્ન કરવા માટે તમારી પાસે 72 કલાક છે.
મને મુંબઈ પાછા આવીને લગ્ન કરવા માટે અઢી દિવસનો સમય આપવામાં આવ્યો હતો.” નવેમ્બર 2018માં નેહા ધૂપિયા અને અંગદ બેદીએ તેમની પુત્રી મેહરનું સ્વાગત કર્યું. નેહા ધૂપિયાએ ઓક્ટોબર 2021માં પુત્રને જન્મ આપ્યો અને તેનું નામ ગુરિક સિંહ ધૂપિયા બેદી છે.”
આ પણ વાંચો…કુણાલ ખેમુ અને નેહા ધૂપિયા જોવા મળશે વેબ સિરીઝમાં, જાણો વિગતો?
