કાંતારા સ્ટાર ઋષભ શેટ્ટીની પત્ની પ્રગતિ શેટ્ટીએ કેવી રીતે પોતાની સાદગીથી ચાહકોનું દિલ જીત્યું?
ઋષભ શેટ્ટીની બહુપ્રતિક્ષિત ફિલ્મ ‘કાંતારા ચેપ્ટર 1’ બીજી ઓક્ટોબરના સિનેમાઘરોમાં રિલીઝ થઈ ત્યારથી અભિનેતા સતત સમાચારમાં છે. ૨૦૨૨માં આવેલી ફિલ્મ “કાંતારા”ની જબરદસ્ત સફળતા બાદ દર્શકો આ પ્રિકવલની આતુરતાથી રાહ જોઈ રહ્યા હતા. ઋષભ આ ફિલ્મમાં માત્ર મુખ્ય અભિનેતા જ નથી, પરંતુ તેના દિગ્દર્શક અને લેખક પણ છે.
તે એવા સમકાલીન કલાકારોમાંથી એક છે જેણે પોતાની મહેનત દ્વારા કન્નડ સિનેમાને આંતરરાષ્ટ્રીય સ્તરે ઓળખ તો અપાવી જ, સાથે એક બહુમુખી પ્રતિભા તરીકે પણ પોતાની જાતને સ્થાપિત કરી. ઋષભના વ્યાવસાયિક જીવન વિશે બધા જાણે છે, પરંતુ તેમનું અંગત જીવન પણ એટલું જ ખાસ છે, ખાસ કરીને તેમની પત્ની પ્રગતિ શેટ્ટી, જે પોતાની સરળતા અને સુંદરતાથી બધાનું ધ્યાન ખેંચે છે.
પ્રગતિ શેટ્ટી કોઈ સામાન્ય ગૃહિણી નથી. તે વ્યવસાયે ફેશન સ્ટાઈલિસ્ટ અને કોસ્ચ્યુમ ડિઝાઇનર છે અને ફેશન જગતમાં એક જાણીતી વ્યક્તિ બની ગઈ છે. તેના કામની માત્ર કન્નડ ફિલ્મ ઉદ્યોગમાં જ નહીં, પરંતુ સોશિયલ મીડિયા પર પણ ખૂબ પ્રશંસા થાય છે. ઋષભ અને પ્રગતિ માત્ર તેમના અંગત જીવનમાં જ સફળ દંપતી નથી, પરંતુ તેઓ કામના મોરચે પણ એકબીજાને સંપૂર્ણ ટેકો આપે છે. ઋષભ શેટ્ટીએ 2017માં પ્રગતિ સાથે લગ્ન કર્યા હતા. તેઓ એક ફિલ્મ ફેસ્ટિવલમાં મળ્યા હતા અને પછી ફેસબુક પર ચેટિંગ કરવાનું શરૂ કર્યું. આ દંપતીને બે બાળકો છે, પુત્ર રણવિત અને પુત્રી રાધ્યા.
પ્રગતિના માતા-પિતાએ શરૂઆતમાં લગ્નનો વિરોધ કર્યો હતો કારણ કે તેમને લાગ્યું હતું કે ઋષભ તેની કારકિર્દીમાં સ્થિર નથી, પરંતુ તેણે આખરે તેમને મનાવી લીધા. પ્રગતિ શેટ્ટી સોશિયલ મીડિયા પર ખૂબ સક્રિય છે. ઇન્સ્ટાગ્રામ પર તેના 1,50,000 થી વધુ ફોલોઅર્સ છે, અને તેની દરેક પોસ્ટને ચાહકો તરફથી અપાર પ્રેમ મળે છે.
તેના ફોટા પોસ્ટ થતાંની સાથે જ વાયરલ થઈ જાય છે. લોકો તેના સરળ દેખાવ અને ફેશન સેન્સની પ્રશંસા કરતા ક્યારેય થાકતા નથી. ભલે તે પરંપરાગત ભારતીય પોશાક હોય કે પશ્ચિમી પોશાક, પ્રગતિ દરેક દેખાવને ભવ્યતા અને આત્મવિશ્વાસથી રજૂ કરે છે. ઘણી વખત તેના લુક્સ ફેશન બ્લોગ્સ અને પેજ પર પણ શેર કરવામાં આવ્યા છે.
તેમની જોડી સોશિયલ મીડિયા પર પણ ખૂબ જ લોકપ્રિય છે. તેઓ ઘણીવાર સાથે વિતાવેલા સમયના ફોટા, વેકેશનની ઝલક અને કૌટુંબિક ક્ષણો શેર કરે છે, જેના પર ચાહકો પોતાનો પ્રેમ વરસાવે છે. ચાહકો તેમને “પાવર કપલ” કહે છે. પ્રગતિ “કાંતારા ચેપ્ટર 1” ના પ્રમોશન દરમિયાન પણ વારંવાર ઋષભ સાથે જોવા મળતી હતી. ફિલ્મના સ્ક્રીનિંગનો બંનેનો એક વીડિયો વાયરલ થયો હતો, જેમાં ફિલ્મ જોયા પછી તેઓ ભાવુક થઈ ગયા હતા. વધુમાં, ફિલ્મની રિલીઝના એક અઠવાડિયા પહેલા, તેઓએ સાથે મંદિરની મુલાકાત પણ લીધી હતી.
આ પણ વાંચો…કાંતારા: અ લિજેન્ડ – ચેપ્ટર 1: ઋષભ શેટ્ટીની આ ‘પ્રીક્વલ’ થિયેટરમાં જોવાય કે નહીં?
