બાલિકા વધુ’ની અવિકા ગોર 30 સપ્ટેમ્બરે કરશે લગ્ન, જાણો કોણ છે તેનો ભાવિ પતિ
મુંબઈઃ લોકપ્રિય ટીવી શો “બાલિકા વધુ”થી લોકપ્રિયતા મેળવનાર અભિનેત્રી અવિકા ગોર હવે વાસ્તવિક જીવનમાં દુલ્હન બનવા જઈ રહી છે. 30 સપ્ટેમ્બરનો દિવસ તેના માટે ખૂબ જ ખાસ રહેશે, કારણ કે તે દિવસે તેના લગ્ન છે. સોશિયલ મીડિયા પર તેમના લગ્નની તૈયારીઓની ઝલક ચાહકોમાં ચર્ચાનો વિષય બની ગઈ છે. તો ચાલો તસવીરો દ્વારા જાણીએ કે “બાલિકા વધુ” ના આ ભાવિ પતિ, મિલિંદ કોણ છે.
મિલિંદ ચંદવાનીનો જન્મ 27 માર્ચ, 1991ના રોજ હૈદરાબાદમાં થયો હતો. શરૂઆતથી જ તેજસ્વી વિદ્યાર્થી, મિલિંદ હંમેશાં કંઈક અલગ કરવા માંગતો હતો. મિલિંદે બેંગ્લોરમાં એન્જિનિયરિંગનો અભ્યાસ કર્યો અને પછી IIM અમદાવાદમાંથી મેનેજમેન્ટની ડિગ્રી મેળવી. મિલિંદે 2013માં ઇન્ફોસિસમાં સોફ્ટવેર એન્જિનિયર તરીકે પોતાની કારકિર્દીની શરૂઆત કરી હતી.
આ પણ વાંચો : ‘બાલિકા વધુ’ની ‘આનંદી’એ સગાઇ કરી લીધી, જુઓ ક્યુટ સુંદર ફોટા
જોકે, થોડા વર્ષો પછી તેણે કોર્પોરેટ લાઈફ છોડીને શિક્ષણ અને સમાજ સેવા તરફ વળ્યો. મિલિંદે “કેમ્પ ડાયરીઝ” નામથી એક NGO શરૂ કરી હતી. આ સામાજિક સ્વૈચ્છિક સંસ્થા (એનજીઓ) આર્થિક રીતે નબળા બાળકો માટે કામ કરે છે.
મિલિંદ માત્ર એક સામાજિક કાર્યકર નથી, પરંતુ તે ટેલિવિઝન પર પણ દેખાયો છે. 2019 માં, તે MTV ના લોકપ્રિય શો રોડીઝ: રીઅલ હીરોઝમાં સ્પર્ધક હતો. મિલિંદ તાજેતરમાં અવિકા ગોર સાથે “પતિ પત્ની ઔર પંગા” શોમાં દેખાયો હતો. આ જોડી શોમાં ખૂબ જ લોકપ્રિય રહી છે.
આ પણ વાંચો : ક્યારેક ચાઈલ્ડ એક્ટ્રેસ તરીકે કરી હતી શરુઆત, આજે ગ્લેમરથી ઉડાવી રહી છે ફેન્સના હોંશ…
મિલિંદ અને અવિકા ગોરની પહેલી મુલાકાત હૈદરાબાદમાં એક NGO વર્કશોપ દરમિયાન થઈ હતી. ત્યાંથી બંને વચ્ચે મિત્રતા બંધાઈ અને પછી ધીમે ધીમે આ સંબંધ પ્રેમમાં ફેરવાઈ ગયો. બંનેએ 2020 માં પોતાના સંબંધો જાહેર કર્યા હતા. મિલિંદ અને અવિકાએ તાજેતરમાં 2025 માં સગાઈ કરી હતી, અને હવે આ કપલ 30 સપ્ટેમ્બરે લગ્ન કરવા જઈ રહ્યું છે.
