ભારતના વિદેશી મુદ્રા ભંડારમા સતત વધારો, સોનાના ભંડારમા પણ ઉછાળો…

મુંબઇ: ભારતના વિદેશી મુદ્રા ભંડારમા સતત વધારો થઇ રહ્યો છે. જેમાં આરબીઆઈએ આપેલી માહિતી મુજબ 28 માર્ચના રોજ પૂરા થતા સપ્તાહ દરમિયાન દેશનો કુલ વિદેશી મુદ્રા ભંડાર 6.60 અબજ ડોલરથી વધીને 665.40 અબજ ડોલર થયો છે. આરબીઆઈએ જણાવ્યું હતું કે ગયા અઠવાડિયે વિદેશી હૂંડિયામણ અનામત 4.53 બિલિયન ડોલરથી વધીને 658.8 બિલિયન ડોલર થઇ છે. આ સતત ચોથું અઠવાડિયું છે જ્યારે વિદેશી હૂંડિયામણ ભંડારમાં વધારો થયો છે. તાજેતરના પુનર્મૂલ્યાંકન અને રૂપિયામાં વધઘટ ઘટાડવા માટે કેન્દ્રીય બેંકના હસ્તક્ષેપને કારણે વિદેશી હૂંડિયામણ અનામતમાં ઘટાડો થયો હતો.

સોનાના ભંડારમાં પણ ઉછાળો

સપ્ટેમ્બર 2024 માં વિદેશી હૂંડિયામણ અનામત વધીને 704.89 બિલિયન ડોલરના સર્વકાલીન ઉચ્ચ સ્તરે પહોંચી ગયું. રિઝર્વ બેંકના ડેટા અનુસાર, 28 માર્ચના રોજ પૂરા થયેલા સપ્તાહમાં ફોરેક્સ રિઝર્વનું મુખ્ય ઘટક વિદેશી ચલણ સંપત્તિ 6.16 બિલિયન ડોલર વધીને 565.01 બિલિયન ડોલર થઈ ગઈ. ડોલરના સંદર્ભમાં જણાવેલ વિદેશી ચલણ સંપત્તિઓમાં વિદેશી હૂંડિયામણ અનામતમાં રાખવામા આવેલા યુરો, પાઉન્ડ અને યેન જેવા બિન-યુએસ ચલણોના મૂલ્યમાં વધારો અથવા વધારો થવાની અસરનો સમાવેશ થાય છે.

આ પણ વાંચો: ટ્રમ્પની રેસિપ્રોકલ ટેરિફ નીતિને કારણે ટ્રેડ વૉરની ભીતિ સપાટીએઃ વૈશ્વિક સોનું નવી ટોચે…

સોનાના ભંડારનું મૂલ્ય પણ વધ્યુ

સમીક્ષા હેઠળના સપ્તાહ દરમિયાન સોનાના ભંડારનું મૂલ્ય 519 મિલિયન ડોલરથી વધીને 77.79 બિલિયન ડોલર થઇ થયુ છે. આ સમયગાળા દરમિયાન સ્પેશિયલ ડ્રોઇંગ રાઇટ્સ એટલે કે SDR 65 મિલિયન ડોલર ઘટીને 18.18 બિલિયન ડોલર થયો. માહિતી અનુસાર, 28 માર્ચના રોજ પૂરા થયેલા સપ્તાહમાં આંતરરાષ્ટ્રીય નાણાકીય ભંડોળ (IMF)પાસે ભારતની અનામત સ્થિતિ 16 મિલિયન ડોલર ઘટીને 4.41 અરબ ડોલર થઈ ગઈ.