આઠ દિવસ બાદ બની રહ્યો છે શક્તિશાળી રાજયોગ, આ ચાર રાશિના જાતકોને ચાંદી જ ચાંદી…
મુંબઈના એક પ્રખ્યાત જ્યોતિષાચાર્ય દ્વારા આપવામાં આવેલી માહિતી અનુસાર ગ્રહોના સેનાપતિ મંગળને સાહસ, પરાક્રમ, વિવાહ અને ભૂમિ-ભવનનો કારક માનવામાં આવે છે અને જૂન મહિનામાં મંગળની સ્થિતિ ખૂબ જ રોમાંચક રહેવાની છે.
31મી મેના મંગળ ગોચર કરીને મેષ રાશિમાં ગોચર કરી રહ્યટા છે અને એને કારણે રુચક રાજયોગનું નિર્માણ થઈ રહ્યું છે.
આમ જૂન મહિનાની શરૂઆત જ રૂચક રાજયોગથી થઈ રહી છે અને એની અસર 12-12 રાશિ પર 12મી જુલાઈ સુધી જોવા મળશે. પણ તેમ છતાં ચાર એવી રાશિ છે કે જેમના આની વિશેષ અસર જોવા મળશે. ચાલો જાણીએ કે કઈ રાશિ માટે આ રૂચક રાજયોગ ફાયદેમંદ રહેવાનો છે…
મેષઃ
મંગળ ગોચર કરીને મેષ રાશિમાં પ્રવેશી રહ્યો છે અને તે આ રાશિના સ્વામી પણ છે. આવી પરિસ્થિતિમાં રૂચક રાજયોગ આ રાશિના જાતકોને ખૂબ જ લાભ કરાવી રહ્યા છે. સુખ-સમૃદ્ધિની પ્રાપ્તિ થઈ રહી છે. ધનલાભની સાથે સાથે માન-સન્માનમાં પણ વૃદ્ધિ થઈ રહી છે. દરેક કામમાં સફળતા મળી રહી છે. વેપારીઓને પણ આ સમયગાળો દરમિયાન લાભ થવાની શક્યતા છે.
વૃષભઃ
વૃષભ રાશિના જાતકો માટે પણ મંગળના ગોચરથી બની રહેલો રૂચક રાજયોગ સફળતાના દ્વાર ખોલી રહ્યો છે. પ્રમોશન મળશે. અખૂટ ધન મળશે. આવકમાં વૃદ્ધિ થશે, જેને કારણે તમે બચત કરી શકશો. સિનીયર્સ તમારી તરફેણ કરશે અને તમારા કામની પ્રશંસા કરશે. વિદેશ જવાનો મોકો મળી શકે છે.
મિથુનઃ
મંગળનું આ રાશિ પરિવર્તન મિથુન રાશિના જાતકો માટે ખૂબ જ લાભદાયી રહેશે અને આ રાશિના જાતકોને સારું પરિણામ આપી રહ્યું છે. નોકરી-બિઝનેસમાં પ્રગતિ થઈ શકે છે. ચઢાવ-ઉતાર પણ જોવા મળશે. વિદ્યાર્થીઓનું ઉચ્ચ શિક્ષણ મેળવવાનું સપનું સાકાર થઈ રહ્યું છે. મનપસંદ ઈન્સ્ટિટ્યૂટમાં એડમિશન મળી રહ્યું છે. રોકાણ માટે સારો સમય છે. સ્વાસ્થ્યનું ખાસ ધ્યાન રાખો.
મીનઃ
મેષ રાશિમાં થઈ રહેલું મંગળનું ગોચર મીન રાશિના જાતકોને ધનલાભ કરાવી રહ્યો છે. તમારી મહેનત પણ ફળીભૂત થઈ રહી છે અને એની સકારાત્મક અસર પણ તમારી આર્થિક મજબૂતીના રૂપમાં જોવા મળશે. માનસિક શાંતિનો અહેસાસ થશે. પરિવારમાં બધા સાથે સારો એવો તાલમેલ જોવા મળશે. ધાર્મિક કાર્યમાં સક્રિયતા વધતા લાભ થઈ રહ્યો છે.
