ક્રિકેટર હાર્દિક પંડ્યાએ ઈન્સ્ટાગ્રામ પોસ્ટમાં પત્ની નતાસા સ્ટેનકોવિકથી અલગ થવાની જાહેરાત કરી છે ભારતના ઓલરાઉન્ડર હાર્દિક પંડ્યાએ પત્ની નતાસા સ્ટેનકોવિક સાથે ડિવોર્સ લેવાની જાહેરાત કરી છે.
બોલીવુડ અભિનેત્રી નતાશા સ્ટેનકોવિક અને હાર્દિક પંડ્યા છૂટાછેડા લેવા જઈ રહ્યા છે. આ સમાચારની પુષ્ટિ ખુદ ક્રિકેટરે કરી છે. છેલ્લા ઘણા દિવસોથી તેમના અલગ થવાના અહેવાલો આવી રહ્યા હતા. તાજેતરમાં જ નતાશા પણ તેના માતા-પિતાના ઘરે ગઈ હતી. અંબાણીના લગ્નમાં પણ હાર્દિક એકલો જ મસ્તી કરતો જોવા મળ્યો હતો. પોસ્ટ શેર કરીને હાર્દિકે જણાવ્યું કે આ નિર્ણય બંને માટે કેટલો મુશ્કેલ હતો.
પોસ્ટ શેર કરતા હાર્દિકે લખ્યું- ચાર વર્ષ સાથે રહ્યા બાદ નતાશા અને મેં પરસ્પર સહમતિથી અલગ થવાનો નિર્ણય લીધો છે.. અમે આ સંબંધને બચાવવા માટે અમારાથી બનતા પ્રયત્નો કર્યા અને બધું જ આપ્યું. પરંતુ હવે અમને લાગે છે કે અમારા બંને માટે આ યોગ્ય નિર્ણય છે.
