Pakistan ના બલૂચિસ્તાનમાં બર્બરતા, 23 લોકોને ઓળખ પૂછીને આતંકીઓએ ગોળી મારી…
બલૂચિસ્તાન : પાકિસ્તાનમાં(Pakistan)બલૂચિસ્તાનના મુસાખેલ જિલ્લામાં 23 લોકો માર્યા ગયા છે. જેમાં સશસ્ત્ર બંદૂકધારીઓએ મુસાફરોને ટ્રક અને બસમાંથી ઉતારી દીધા હતા અને તેમની ઓળખ તપાસ્યા બાદ ગોળી મારી હતી મીડિયા અહેવાલ અનુસાર તમામ મૃત્યુ પામ્યા છે. આ ઘટનામાં પાંચ લોકો ઘાયલ થયા છે.
પંજાબ જનારા વાહનોની તપાસ કરવામાં આવી
આ અંગે મુસાખેલના વરિષ્ઠ અધિકારી નજીબુલ્લાહ કકરે જણાવ્યું હતું કે, પંજાબ અને બલૂચિસ્તાન સાથે જોડતા હાઇવે પર આતંકવાદીઓએ ઘણી બસો, ટ્રકો અને વાનને અવરોધી જેમાં 23 લોકો માર્યા ગયા અને પાંચ ઘાયલ થયા છે. તેમણે વધુમાં જણાવ્યું હતું કે પંજાબ જનારા વાહનોની તપાસ કરવામાં આવી હતી અને પંજાબથી આવતા લોકોની ઓળખ કરીને તેમને ગોળી મારવામાં આવી હતી.
આ પણ વાંચો : માઓવાદી વિચારધારાથી નિરાશાઃ ૧૦ લાખનું ઇનામ ધરાવતા નક્સલી દંપતિનું આત્મસમર્પણ
10 વાહનોને પણ આગ લગાવી
સ્થાનિક મીડિયા અહેવાલ મુજબ, સહાયક કમિશનર મુસાખેલ નજીબ કાકરે જણાવ્યું હતું કે સશસ્ત્ર માણસોએ મુસાખેલના રારાશમ જિલ્લામાં આંતર-પ્રાંતીય હાઇવેને બ્લોક કરી દીધો હતો અને મુસાફરોને નીચે ઉતારી દીધા હતા. તેઓએ 10 વાહનોને પણ આગ લગાવી હતી.
રાષ્ટ્રપતિએ કહ્યું આતંકવાદીઓ રાષ્ટ્ર અને માનવતાના દુશ્મન
રાષ્ટ્રપતિ આસિફ ઝરદારીએ મુસાખેલમાં મુસાફરોની ઘાતકી હત્યાની નિંદા કરી. રાષ્ટ્રપતિએ કિંમતી માનવ જીવનના નુકસાન પર દુઃખ વ્યક્ત કર્યું. તેમણે કહ્યું કે નિર્દોષ લોકોની હત્યા એ સમગ્ર માનવતાની હત્યા છે. રાષ્ટ્રપતિએ કહ્યું, આતંકવાદીઓ રાષ્ટ્ર અને માનવતાના દુશ્મન છે. માનવતાવાદી હત્યાઓમાં સંડોવાયેલા આતંકવાદીઓને કાયદાના દાયરામાં લાવવામાં જોઇએ.
આ પણ વાંચો : ગેરકાયદેસર ડ્રગના વેપારથી કમાયેલા નાણાં આતંકવાદ, નક્સલવાદને પ્રોત્સાહન : છતીસગઢમાં અમિત શાહ
તાત્કાલિક ઘટનાની તપાસ કરવા આદેશ
વડા પ્રધાન શહેબાઝ શરીફે બલૂચિસ્તાનમાં પેસેન્જર બસ પર થયેલા હુમલાની નિંદા કરી હતી અને શહીદો માટે માફી માંગી હતી. વડા પ્રધાને અધિકારીઓને ઘાયલોને તાત્કાલિક તબીબી સહાય પૂરી પાડવાનો નિર્દેશ આપ્યો છે. શાહબાઝ શરીફે કહ્યું કે એજન્સીઓએ તાત્કાલિક ઘટનાની તપાસ કરવા આદેશ આપ્યો છે.