Election Results: હરિયાણામાં ઉલટફેર, ભાજપ બહુમતી તરફ, જાણો જમ્મુ-કાશ્મીરની સ્થિતિ

નવી દિલ્હી: હરિયાણા અને જમ્મુ-કાશ્મીર વિધાનસભા ચૂંટણીના પરિણામો જાહેર થઇ રહ્યા છે. શરૂઆતના ટ્રેન્ડ બાદ હરિયાણામાં મોટો ઉલટફેર જોવા મળી રહ્યો છે. શરૂઆતમાં પાછળ દેખાયા બાદ, ભાજપે રાજ્યમાં બહુમતીનો આંકડો પાર કરી લીધો છે. કોંગ્રેસની લીડ ઝડપથી ઘટી છે.

બીજી તરફ, જમ્મુ-કાશ્મીરમાં પણ કોંગ્રેસ અને સાથી પક્ષોનું ગઠબંધન બહુમતના આંકની નજીક પહોંચી ગયું છે. જો કે, આ હજુ પણ આ પ્રારંભિક વલણો છે. બપોર સુધીમાં સ્થિતિ લગભગ સ્પષ્ટ થઈ જશે કે કયો પક્ષ સરકાર બનાવી શકે છે.

હરિયાણામાં ભાજપ 50 બેઠકો પર આગળ છે. જ્યારે કોંગ્રેસ 35 સીટો પર આગળ છે. અન્ય 5 બેઠકો પર આગળ છે.

જમ્મુ-કાશ્મીરની 90 વિધાનસભા બેઠકો KNC 39 બેઠકો પર, કોંગ્રેસ 8 પર, BJP 28 પર, PDP 3 પર, JPC 2 પર, CPI(M) અને DPAP 1-1 બેઠક પર આગળ છે. 8 બેઠકો પર અપક્ષ ઉમેદવારો આગળ ચાલી રહ્યા છે.

હરિયાણાના અંબાલા કેન્ટ વિધાનસભા બેઠકના ભાજપના ઉમેદવાર અનિલ વિજે કહ્યું કે ભાજપ ચૂંટણીમાં આગળ છે અને તેઓ (કોંગ્રેસ) ઉજવણી કરી રહ્યા છે કારણ કે કોંગ્રેસ પાર્ટીના ઘણા લોકો ઇચ્છે છે કે ભૂપેન્દ્ર સિંહ હુડ્ડા ચૂંટણી હારી જાય. હું જાહેર જનાદેશ સ્વીકારીશ. હાઈકમાન્ડ ઈચ્છશે તો હું મુખ્ય પ્રધાન બનીશ.

કોંગ્રેસ પાર્ટી દાવો કરી રહી છે કે તે હરિયાણામાં પૂર્ણ બહુમતી સાથે સરકાર બનાવશે, જ્યારે જમ્મુ અને કાશ્મીરમાં કોંગ્રેસ અને નેશનલ કોન્ફરન્સ સાથે મળીને સરકાર બનાવવા માટે જરૂરી બેઠકો જીતશે. કોંગ્રેસ પાર્ટીના દાવા સામે ભાજપનું કહેવું છે કે ભાજપ હરિયાણામાં સતત ત્રીજી વખત સત્તામાં આવશે અને તેના વિના જમ્મુ-કાશ્મીરમાં કોઈ સરકાર નહીં બને.