`કાયમી કિડનેપ’ થયેલા કંથની કરુણ-કથા

મસ્તરામની મસ્તી – મિલન ત્રિવેદી

`બંદૂકમાંથી નીકળેલી ગોળી અને ટ્યૂબમાંથી નીકળેલી પેસ્ટ ક્યારેય પાછી જતી નથી.’

તાળીઓના ગડગડાટ સાથે લોકોએ આ વાક્યને વધાવી લીધું. અમારા ચુનીલાલ જરા વધારે જોશમાં આવી ગયા. એણે બીજો પંચ ઠપકાર્યો:  `કડવા બોલેલા શબ્દો અને કંજૂસ માણસની મફતની પીધેલી ચા ભવિષ્યમાં પોતાને જ નુકસાન કરે છે તે નિર્વિવાદ છે.’ 

ચુનિયાના આ જ્ઞાન પર લોકો ઓવારી ગયા.

હકીકતમાં જે વાક્ય બોલાતા હતા તેમાં પહેલું વાક્ય સનાતન સત્ય સ્વરૂપે અને સાથે જોડાયેલું બીજું વાક્ય અનુભવ સિદ્ધ વાક્ય બોલાયુ હતું.

અમારા ચુનીલાલને આવા ઓઠા એટલે કે દાખલા દેવા બહુ ગમે. એ સામાન્ય રીતે કહેવતની વાત સાથે પોતાનો અનુભવ જોડી અને ગોફણીયાની જેમ ફંગોળે ને પાછો મને એ સમજાવે પણ ખરો. મને કહે: `મિલનભાઈ, પેલી કહેવત છે ને કે `ચા બગડે એની સવાર બગડે, દાળ બગડે એનો ટંક બગડે, અને બૈરી બગડે એનો દિવસ બગડે. ‘

  મેં તરત જ કહ્યું : `અડધું તો મેં સાંભળ્યું છે અડધું તારી પાસેથી સાંભળી રહ્યો છું.’ 

આ પણ વાંચો: મસ્તરામની મસ્તીઃ તમે મસ્ત કાર્ટૂન જેવા લાગો છો…

`અનુભવવાણી મિલનભાઈ, અનુભવવાણી! ચા બગડવાનું કારણ પણ હું તમને જણાવું. રાત્રે મોડામાં મોડા 11:00 વાગે ઘરે આવી જવું તેવી સૂચના અવગણી અને મોડા મોડા ઘરે પહોંચ્યા હો ને એમાં એની ઊંઘ બગાડી હોય તો રાત્રે તમને કશું ના કહે,  પરંતુ તેની ઇફેક્ટ સવારે ચા સ્વરૂપે આવે. જે વાયા ભંગાર ભોજન, બે વખત નું સોરી અને ગીફ્ટ સાથે પતે.

`પુષ ગુસ્સામાં આવી અને શબ્દો મોઢામાંથી કાઢી નાખે પછી એના મનમાં પણ ન હોય. ત્યારે બહેનો એવું નથી કરતા. એ  મૌન રહી અને અસરકારક ગોરીલા પદ્ધતિથી યુદ્ધ લડે છે ને સરકારના પાયા હચમચાવી નાખે છે. એમને સરકાર પાડવામાં રસ નથી હોતો, કારણ કે સરકારને જેમ કહે તેમ સરકાર કરતી હોય તો પછી તેને પાડવાનો અર્થ શું? પરંતુ વખતો વખત ટેકાની તાકાત શું છે તે સરકારને અનુભૂતિ જરૂર કરાવે’

એ વધારે ઈમોશનલ થઈ જાય તે પહેલાં બાબા ચુનીને મેં પૂછી નાખ્યું કે `ચુનીલાલ બંદૂકની ગોળી પાછી ન જાય એ તો સાંભળ્યું છે પણ આ પેસ્ટવાળું સમજાયું નહીં.’

   એ મને કહે : `મિલનભાઈ, તમે પેસ્ટની ટ્યૂબ જોઈ હશે પણ પેસ્ટનો ડબ્બો જોવો હોય તો ચાલો, મારા ઘરે.

  `જૂઓ, મારા ઘરમાં જે કાંઈ પણ ખોટું થાય કે નુકસાન થાય તેના માટે જવાબદાર શાહબુદ્દીન સાહેબના વનેચંદ ની જેમ હું જ હોવું છું તેવું મારી પત્નીનું દ્રઢ પણે માનવું છે. રૂમમાં ચારે બાજુ બાબા આરામદેવની બનાવેલી પેસ્ટ ઢોળાયેલી અને સૌથી પહેલા જાગતા મારા પત્નીએ તરત જ પહેલા મને શાબ્દિક પોંખી લીધો. ત્યાર પછી શારીરિક પ્રહારનો પહેલો પાઠ શરૂ થયો કે તરત જ મેં કહ્યું કે: `છે શું? કયા કારણે મને શાબ્દિક અને શારીરિક ખખડાવવામાં આવી રહ્યો છે?’

 `તમારે રાતમાં ચાલવાની આદત છે. ચશ્માં વગર ઓછું દેખાય છે એમાં આ પેસ્ટ નીચે પડી ગઈ હોય તો તેના પર પગ મુકવાથી આ રૂમમાં ચારે બાજુ પેસ્ટ નીકળી અને ઢોળાય ગઈ છે… આ મહેમાનવાળું ઘર છે અને હમણાં એક પછી એક લોકો ઉઠશે અને દાંત ઘસવા માટે પેસ્ટ માગશે તો મારે શું કરવું? ‘ 

 `મેં તરત જ કહ્યું કે જ્યાંથી ઢોળાવવાની શરૂઆત થઈ ત્યાંથી થોડી થોડી બ્રશ પર લગાડતા જાવ.’ પરંતુ મેં રૂમમાં જોયું તો ગોળ ફરતા પેસ્ટ નીકળી અને ઢોળાયેલી.

મેં તરત જ cidના પ્રદ્યુમનની જેમ બરણીનું ઢાંકણું ખોલતા હોય તેમ ગોળ ગોળ હાથ ફેરવી પત્નીને કહ્યું કે  `થોડોક બુદ્ધિનો પ્રયોગ કર મારા પગ નીચે આવી હોય તો આવી રીતે હું થોડો ગોળ ગોળ ફરી અને આ રંગોળી બનાવુ.’

આ પણ વાંચો: મસ્તરામની મસ્તી : ટકા તૂટી જાય એવું હાસ્ય શું કામનું?

`પરંતુ મારી પત્નીનો ગુસ્સો મારા પર ચરમસીમાએ હતો બોલાચાલીમાં મારા સાળા સાહેબનો 2 વર્ષનો કુંવર દુખાવાની 

ટ્યૂબ લઈ અને જેમ પેસ્ટની રંગોળી કરેલી તેમ બીજા રૂમમાં દુખાવાની ટ્યૂબની રંગોળી ચાલુ કરી. મારી અને તમારી 

ભાભીની ચાર આંખો એ એ જોયું અને બધું સમજાઈ ગયું.. મારી ઉપર કેટલો ગુસ્સો હતો એટલો જ પ્રેમથી ભાણેજને ગળે વળગાડી મને સૂચના આપી કે `આ બધી પેસ્ટ પાછી ટ્યૂબમાં નાખી દો.’ ચાર કલાક મથ્યો, પરંતુ છેલ્લે મોટા મોઢાની એક ડબ્બીમાં પેસ્ટ ભરી.

આગળ કંજૂસની ચા વિશે પૂછો તે પહેલા કહી દઉં કે જેની તમે દસ રૂપિયાની ચા એની મરજી વિદ્ધ એણે પીવડાવી હોય તો હર હંમેશ એવા પ્રયત્નોમાં રહે કે તમારી પાસેથી 100 વસૂલ થાય… 

મેં તરત જ કહ્યું કે `ચુનિયા, આ દાખલાની જરૂર નથી આજે હું પાકીટ ભૂલી ગયો છું અને અત્યારની ચાના પૈસા તારે જ 

ચુકવાના છે.!’ 

ખલ્લાસ ફુલેલા મોઢાવાળા ટ્રમ્પ ખાટા ઢોકળા ખાઈ ગયા હોય અને વધારે ફૂલી જાય પછી જેવડું મોઢું થાય એવડું મોઢું કરી મારી સામે જોયું. વાતની ગંભીરતા જોઈ અને મેં તરત જ કહ્યું કે પછી હું આપી દઈશ. તરત જ એણે બીજી  ચાનો ઓર્ડર આપ્યો.

જગતમાં અનુભવ લેવા માટે ક્યાંય બહાર જવું પડતું જ નથી. જેમ ગુંદા સાથે ઠળિયો જોડાયેલો જ હોય તેમ ઘરમાંથી અને આજુબાજુ મિત્ર વર્તુળમાંથી આવું ઘણું જ્ઞાન જોડાયેલું જ હોય.

વિચારવાયુ:

અનુભવ ઊંડાણથી સમજાવે છે.

જેમ શાંત પાણી ઊંડા હોય છે તેમ ઘરવાળીના ભાઈઓ ગુંડા અને ઊંડા હોય છે.