મિલન ત્રિવેદી
મુંબઈમાં ત્રિભુવન શેઠનો મોટો કારોબાર અને દર દિવાળીએ પરિવાર સાથે પોતાના વતનમાં આવે.
આવતાની સાથે જ બે- ત્રણ દિવસમાં ગામ જમણ પણ થાય. અને પછીનું અઠવાડિયું ગામમાં માત્ર ત્રિભુવન શેઠના જ સમાચાર ફરતા રહે.
આ વર્ષે ત્રિભુવન શેઠના નાના દીકરા મનીષની નવી લીધેલી ગાડી ચર્ચામાં રહી.
સાંજે મનીષ ગામના મુખ્ય ચોકમાં નવી લીધેલી ગાડી દેખાડવાનો હતો. એ કહેતો હતો કે `ગામને સરપ્રાઈઝ થશે એવી ગાડી છે.’
સાંજે ગામ ભેગું થઈ ગયું. ગાડી ચોકની વચ્ચોવચ કપડું ઓઢાડી અને રાખેલી. જાદુગર જેમ થેલીમાંથી કબૂતર કાઢે તેમ કપડું હટાવ્યું તો ચકચકાટ ગાડી દેખાઈ.
લોકોએ ગાડી ફરતા ફેરા ફરી જોઈ લીધી. પછી મન્યા ઉર્ફે મનીષને પૂછયું :આમાં નવું શું છે?' મનીષ ઉર્ફે મનિયાએ કહ્યું કેહવે જ જાદુ છે.’ અને રિમોટ કંટ્રોલમાં કશું લખ્યું કે તરત જ ગાડી ચાલુ થઈ ગઈ અને ચાલવા લાગી. ગામવાળાના ડોળા આશ્ચર્યથી બહાર નીકળી ગયા, કારણ કે ગાડીમાં કોઈ ડ્રાઈવર જ ન હતો અને આપોઆપ ચાલવા લાગી હતી!
આ પણ વાંચો: મસ્તરામની મસ્તીઃમારે જો નેતા બનવું હોય તો…
થોડીવારમાં તો આંખોથી અદ્રશ્ય થઈ અને પાંચ મિનિટ પછી ઘરેથી મનિયાના ઘરવાળાને બેસાડી પાછી ચોકમાં આવી ગઈ.
મનિયાએ કહ્યું કે આ અમેરિકન કાર છે. તેને જેમ કહો તેમ કરે અને તમે કહો કે જાઓ મારા ઘરવાળાને લેતા આવો. એટલે તરત જ ગાડી તમાં કીધું કરે.’ પ્રવીણભાઈના હરિયાએ આ વાતમાં શંકા કરી એટલે મનિયાએ કીધું કે આપણે સાબિત કરી દઈએ. ગાડીને સુચના આપી કેજાવ, હરિયાને સૌથી ગમતી સ્ત્રી ને લઈ આવો.’
ગાડી અડધી કલાક સુધી પાછી ના આવી. મનિયાએ હરિયાને કીધું કે તારા ઘરે તે કીધું નથી કે ગાડી આવશે તેમાં બેસી જાય?’ હરિયાએ કીધું કેબે ફોન કર્યા છે, પરંતુ ગાડી ત્યાં પહોંચી જ નથી.’
હજુ આ ચર્ચા ચાલતી હતી ત્યાં માલતીના બાપા ચોકમાં આવ્યા અને ત્રિભુવન ભાઈના મનિયાને કીધું કે એલા.. તારી ગાડી મારા દરવાજા પાસે શું કરે છે? અને તું અહીંયા છો તો ગાડી કોણ લઈ આવ્યું?’ -અને એ સાથે ગામમાં ઘણા વિસ્ફોટ થયા. હરિયાને મોઢું સંતાડવા જેવું થયું, કારણ ગાડીને કહ્યું હતું કેગમતી સ્ત્રી…’ તો ગાડી માલતીના ઘરે ઊભી રહી ગઈ.
આ વાતની ઘરે ઘરવાળીને ખબર પડશે કે ગાડી તેને લેવા ન ગઈ અને માલતીને લેવા ગઈ એટલે એ નવો ડખો. અને ગામના મોઢે થોડા ગરણા બંધાય? વળી માલતી અને એના બાપા ડખો કરશે એ નફામાં.
આ પણ વાંચો: મસ્તરામની મસ્તીઃ લગ્ન એટલે વરસાદ ને છૂટાછેડા એટલે માવઠું
જોકે પરિસ્થિતિ પામી અને મનિયાએ વાત વાળી અને ગામને સમજાવ્યું કે `ક્યારેક ગાડી ભૂલ પણ કરતી હોય છે.’
અને પછી સૂચક રીતે હરિયા સામે જોયું.
રાત્રે જુવાનીયાઓ અને આધેડ ઉંમરના બધા ચોકમાં ભેગા થયા. જગલાએ વાત માંડી કે આપણા ગામમાં આ જાદુટોના કરેલી મંત્રેલી ગાડી આવી છે. અને ગામનું ધનોતપનોત નીકળી જાશે. આની કાંઈક વિધિ કરવી પડશે.’ એક-બે જણાએ કહ્યું કેચાલો, ત્રિભુવન કાકાના ઘરે આપણે તેમને વાત કરીએ મનિયાને પણ કહીએ.’
બે- ચાર ડાયા માણસોએ ટાપસી પુરાવી કે એ થોડા માને? મોટા શહેરમાં રહેવા ગયા પછી આપણી ધાર્મિક અને સાચી વાતો એ ના સમજે. એને ખોટા હેરાન કરોમાં આપણે આપણી રીતે વિધિ કરી નાખવી જોઈએ.’ બોલાવો બંબસ્વામી મહારાજને. પૂજાની સામગ્રી લેતા આવો કલાકમાં બધો ફેસલો આવી જશે , પરંતુ આ વાત કોઈને કરવી નહીં.’
રાત્રિના બે વાગ્યાનો સમય નક્કી થયો. અને રાતમાં જ વિધિ પૂરી કરી ગાડીને અને ગામને કાળા જાદૂથી છોડાવી લેવું એવું નક્કી થયું.
આ પણ વાંચો: મસ્તરામની મસ્તીઃ મને ઉંદર બનવાના કોડ!
બંબસ્વામી એ ગાડી ફરતા ત્રણ ચાર ચક્કર માર્યા અને જાહેર કર્યું કે આવા તો ઘણા કેસ મારી પાસે આવ્યા છે. કશું કરવાનું નથી 20 નારિયેળ લેતા આવો 20 મિનિટમાં એ કોઈ ભૂત પલિત હશે તે દેકારા કરતો ગામ બહાર ભાગશે.’ ગામે ફાળો કરી અને 20 નારિયેળ લઈ લીધા. રાતના 2:00 વાગે ગાડી ફરતા બધા ગોઠવાઈ ગયા અને બંબસ્વામીએ જેવો આદેશ આપ્યો કેપ્રહાર કરોતિ સ્વાહા.’ એક સાથે 20 નારિયેળ ગાડી ઉપર વધેરાયા અને ગાડીના કાચ ફૂટ્યા તથા બોનેટ દરવાજા પર 6-6 ઇંચ ના ગોબા પડ્યા.
અડધી રાત્રે ગાડીના કાચ ફૂટવાના તથા ધુમ ધડાકા થાય તો એ છાનું થોડું રે….
અડધું ગામ ભેગું થઈ ગયું ત્રિભોવનકાકા અને આખું ખાનદાન આંખો ચોળતું બહાર આવ્યું.
ગાડીની હાલત જોઈ. ફરતા ગોઠવાયેલા અને પ્રેમથી નારિયેળની પ્રસાદી લેતા 25- 30 ગામવાળાને જોયા.
મનિયાના મોઢામાંથી માંડ શબ્દો નીકળ્યા કે તમે આ શું કર્યું? મારી મોંઘા ભાવની ગાડીની આ હાલત?’ હરિયાએ તરત જ કહ્યું કેતારી ગાડીમાં ભૂત હતું બાકી ડ્રાઇવર વગર થોડીક હડિયું કાઢે? મૂંઝાતો નહીં અમે વિધિ કરી નાખી છે.’
બંબસ્વામી ભુવા તેની દક્ષિણા માટે આશા ભર્યા નયનથી ત્રિભુવન ખાનદાન તરફ જોઈ રહ્યા હતા.
મનિયાએ અંગ્રેજીમાં ડિક્ષનરી બહારના શબ્દો શરૂ કર્યા. ગામના અમુક સાત ધોરણ સુધી ભાંગ્યું ટૂટ્યું અંગ્રેજી ભણેલાઓએ કહ્યું કે `કદાચ મનિયો આપણને ગાયળું કાઢે છે.’
આ પણ વાંચો: મસ્તરામની મસ્તીઃ શિયાળો શરૂ થતાં જ ઘરવાળીનો સ્વભાવ ગરમ કેમ થઈ જાય છે?
ત્રિભુવનકાકાએ આઘાતમાં હોવા છતાં હકારમાં માથું ધુણાવ્યું. અને પછી ગામવાળાઓને કહ્યું કે `આ ઓટોમેટિક કાર છે. આમાં ડ્રાઇવરની જરૂર નહીં. તેને ઇલેક્ટ્રોનિક સર્કિટમાં સંદેશો આપી દો તે પ્રમાણે ગાડી આપોઆપ ચાલવા લાગે. તમે અમારી કરોડોની ગાડીની પથારી ફેરવી નાખી.’
ગામવાળાએ બે હાથ જોડી અને ખાલી એટલું કહ્યું કે આપણા ગામમાં લાલુ લુહારની દુકાન સવારમાં 9:00 વાગે ખુલે છે, તમારી ગાડી ને કહી દે સવારે 9:00 વાગે ત્યાં પહોંચી જાય. લાલિયો ગોબા ઉપાડી લેશે.’ જગાએ કહ્યુંમારા ઘરે ઝાપાને કલર કરતા કાળા કલરનું અડધું ડબલું વધ્યું છે. તે હું મારા તરફથી ફ્રીમાં પીંછી મારી દઈશ.’
ત્રિભુવન કાકા અને કુટુંબીઓએ બે હાથ જોડવા સિવાય કાંઈ કરવાનું રહેતું ન હતું.
હમણાં ખબર પડી કે કંપનીવાળાએ ત્રિભુવન કાકાને `જો હવે પછી તેમનું ખાનદાન પોતાના ગામમાં જાય તો આજીવન ગાડી ન દેવી’ તેવો નિર્ણય લીધો છે.
વિચારવાયુ:
સરપંચ:
આપણા ગામમાં આવી ડ્રાઇવર વગરની ગાડીયું ન ચાલે.
આપણી ગાડી હાઈરે ઈવડી ઈ ભટકાય તો મારવો કોને?
