અજિત પવારે વિરોધીઓને જડબાતોડ જવાબ આપ્યો
મુંબઈ: મહાયુતિના નેતા એકનાથ શિંદે અને દેવેન્દ્ર ફડણવીસ બાદ નાયબ મુખ્ય પ્રધાન અજિત પવારે પ્રેસ કોન્ફરન્સ કરીને વિરોધ પક્ષોને જડબાતોડ જવાબ આપ્યો છે. અજિત પવારે દિલ્હીમાં પ્રેસ કોન્ફરન્સ કરી અને કહ્યું કે ઈવીએમને લઈને વિરોધ પક્ષો જે આરોપો લગાવી રહ્યા છે. તેમનામાં કોઈ તથ્ય નથી. મહારાષ્ટ્ર વિધાનસભાની ચૂંટણી 2024ના પરિણામો જાહેર થયા બાદ વિપક્ષી પાર્ટીઓએ ઈવીએમ સાથે ચેડાંનો આરોપ લગાવ્યો હતો. કોંગ્રેસ અને શિવસેના (યુબીટી)ના નેતાઓએ કહ્યું કે મહાયુતિ આટલી બેઠકો મેળવી શકે નહીં. ચૂંટણી નિષ્પક્ષ રીતે હાથ ધરવામાં આવી નથી.
અજિત પવારે 10 વર્ષ પછી શરદ પવારના નિર્ણયનું પુનરાવર્તન કર્યું
મહારાષ્ટ્ર વિધાનસભા ચૂંટણી 2024માં મહાયુતિમાં સામેલ ત્રણ પક્ષો સૌથી મોટા પક્ષો છે. સૌથી વધુ 132 સીટો ભાજપના ખાતામાં ગઈ છે. શિવસેના (શિંદે જૂથ)ને 57 અને એનસીપી (અજિત પવાર)ને 41 બેઠકો મળી છે. વિરોધ પક્ષોના મહા વિકાસ આઘાડી ગઠબંધનને કુલ 49 બેઠકો મળી હતી, જ્યારે મહાયુતિને 235 બેઠકો મળી હતી. શિવસેના (યુબીટી)ને 20, કોંગ્રેસને 16 અને એનસીપી (એસપી)ને 10 બેઠકો મળી હતી. સમાજવાદી પાર્ટીને પણ બે બેઠકો મળી છે. ત્યારથી વિપક્ષી નેતાઓ ચૂંટણીમાં ધાંધલીનો આરોપ લગાવી રહ્યા છે.
દિલ્હીમાં અમિત શાહ સાથે મહાયુતિના નેતાઓની બેઠક
અજિત પવારે પ્રેસ કોન્ફરન્સમાં એ પણ સ્પષ્ટ કર્યું કે તેઓ દિલ્હીમાં અમિત શાહ સાથે એક મહત્વપૂર્ણ બેઠકમાં હાજરી આપવાના છે. આ બેઠકમાં મહાયુતિના અન્ય નેતાઓ પણ હાજર રહેશે. આ બેઠકમાં ઘણા મહત્વના નિર્ણયો લેવામાં આવી શકે છે અને મહારાષ્ટ્રમાં મુખ્ય પ્રધાનનું નામ પણ નક્કી થઈ શકે છે. મહાયુતિને સ્પષ્ટ બહુમતી મળ્યા બાદ આ મહાયુતિ સરકાર બનાવશે તે નિશ્ર્ચિત છે, પરંતુ આ બેઠકમાં મુખ્ય પ્રધાન અને પ્રધાનોના નામ નક્કી થઈ શકે છે. મહારાષ્ટ્રમાં સરકાર બનાવવા માટે 141 સીટોની જરૂર છે અને એકલી ભાજપ બહુમતીની ખૂબ નજીક છે. આવી સ્થિતિમાં શિંદે જૂથ અને અજિત પવાર કેમ્પને મળતા મંત્રાલયોની સંખ્યા ઘટી શકે છે. એકનાથ શિંદે માટે ફરીથી મુખ્ય પ્રધાનપદ મેળવવું મુશ્કેલ જણાઈ રહ્યું છે.
ગુજરાતમાં પણ મહારાષ્ટ્રવાળીઃ અજિત પવારના જૂથે નવા પ્રદેશપ્રમુખની કરી જાહેરાત…
અજિત પવારને જ મુખ્ય પ્રધાન બનાવી દેવા જોઈએ એવી એનસીપી-એસપીના વિધાનસભ્ય રોહિત પવારની માગણીનો જવાબ આપતાં અજિત પવારે કહ્યું હતું કે અમે અમારો અને પાર્ટીનો નિર્ણય લેવા માટે સક્ષમ છીએ, જેણે-તેણે પોતાની પાર્ટી અંગે ચિંતા કરવી, અમારી ચિંતા કરવી નહીં.