સોનામાં ભાવમાં ઘટાડા બાદ ફરી વધારો, પ્રકાશમાં આવ્યું આ કારણ

મુંબઇ : વિશ્વમાં ડોનાલ્ડ ટ્રમ્પના ટેરિફ વોર બાદ સોના અને ચાંદીના ભાવમાં સતત ફેરફાર જોવા મળી રહ્યા છે. જેમઆ હાલમાં જ સોના- ચાંદીના ભાવના ફરી વધારો નોંધાઈ રહ્યો છે. છેલ્લા સપ્તાહ દરમિયાન અઠવાડિયામાં સોના- ચાંદીના ભાવમાં ફેરફાર જોવા મળી રહ્યા છે.

વ્યાજ દરોમાં વધઘટને કારણે રોકાણકારો સોના તરફ વળ્યા

જોકે, નિષ્ણાતોના મતે સોનાના ભાવમાં વધારો સીધો યુએસ અર્થતંત્ર અને ડોલર ની સ્થિતિ સાથે સંબંધિત છે. જ્યારે યુએસ અર્થતંત્ર નબળું પડે છે અથવા મંદીનું જોખમ હોય છે. ત્યારે રોકાણકારો શેરબજાર અને અન્ય જોખમી રોકાણોમાંથી પૈસા ઉપાડી લે છે અને તેને સોના અને ચાંદીમાં રોકાણ કરે છે. આ વખતે પણ ધીમી યુએસ જીડીપી વૃદ્ધિ, વધતી જતી બેરોજગારી અને વ્યાજ દરોમાં વધઘટને કારણે રોકાણકારો સોના તરફ વળ્યા છે.

આપણ વાંચો: સરકારે સોના અને ચાંદીના ફાઈન્િંડગ્સ અને સિક્કાઓ પરની આયાત જકાત વધારીને ૧૫ ટકા કરી

ડોલર ઇન્ડેક્સ ઘટ્યો

આ ઉપરાંત સોનાની કિંમતો આંતરરાષ્ટ્રીય બજારમાં ડોલરમાં નક્કી કરવામાં આવે છે. જ્યારે ડોલર નબળો હોય છે, તો બીજા દેશો માટે સોના અમેરિકી ખરીદી શકાય છે. તેની સાથે માંગ વધે છે અને ભાવ પણ વધે છે. છેલ્લા કેટલાક દિવસોમાં ડોલર ઇન્ડેક્સ (DXY) ઘટ્યો છે. જેના કારણે સોનું મોંઘુ થયું છે.

એક વર્ષમાં સોનાના ભાવમાં 30 ટકાનો વધારો થયો

જયારે રોકાણના દૃષ્ટિકોણથી જોવામાં આવે તો છેલ્લા એક વર્ષમાં સોનાએ લગભગ 30 ટકા વળતર આપ્યું છે. લાંબા ગાળાની વાત કરીએ તો વર્ષ 2001 થી અત્યાર સુધી સોનાએ સરેરાશ 15 ટકા વળતર આપ્યું છે. વર્ષ 1995 થી સોનું દર વર્ષે ફુગાવા કરતાં 2-4 ટકા વધુ વળતર આપી રહ્યું છે.

આપણ વાંચો: ભગવાન રામલલાની ચરણ પાદુકા આટલા સોના અને ચાંદીમાંથી બનેલી છે

ચાંદીમાં સરેરાશ 20 ટકાનો વૃદ્ધિ દર

જ્યારે ચાંદીની વાત કરીએ તો તેનાથી રોકાણકારોને પણ ઘણો ફાયદો થયો છે. અક્ષય તૃતીયા 2024 અને 2025 વચ્ચે, ચાંદીના ભાવમાં 15.62 ટકાનો વધારો થયો છે. ખાસ કરીને વર્ષ 2021 માં ચાંદીમાં 69.04 ટકાનો જબરદસ્ત ઉછાળો નોંધાયો હતો. વર્ષ 2020 થી અત્યાર સુધી ચાંદીમાં સરેરાશ 20 ટકાનો વૃદ્ધિ દર રહ્યો છે.

અક્ષય તૃતીયા પહેલા સોનાના ભાવમાં ઉછાળો આવ્યો

અક્ષય તૃતીયા જેવા પરંપરાગત તહેવાર પહેલા સોનાના ભાવે એક નવો રેકોર્ડ બનાવ્યો. કેટલાક શહેરોમાં 24 કેરેટ સોનાનો ભાવ પ્રતિ 10 ગ્રામ 1 લાખ રૂપિયાની નજીક પહોંચી ગયો હતો. આનાથી સ્પષ્ટ થાય છે કે તહેવારો અને આર્થિક અનિશ્ચિતતાના સમયમાં સોનાની માંગ ઝડપથી વધે છે.

આપણ વાંચો: વિશ્વ બજાર પાછળ સોનામાં રૂ. 299નો અને ચાંદીમાં રૂ. 1135નો ચમકારો

એમસીએક્સ પણ સોનાના ભાવ

એમસીએકસ અને આઇબીએના ડેટા અનુસાર, 24 મેની સવારે, એમસીએક્સ પર સોનું 96,400 રૂપિયા પ્રતિ 10 ગ્રામ અને ચાંદી 97,935 રૂપિયા પ્રતિ કિલોગ્રામ પર હતી. આઇબીએ અનુસાર 24 કેરેટ સોનાનો ભાવ 10 ગ્રામ દીઠ 96,850 રૂપિયા અને 22 કેરેટ સોનાનો ભાવ 10 ગ્રામ દીઠ 88,779 રૂપિયા નોંધાયો હતો.