AAP ગુજરાતમાં એકલા હાથે લડશે સ્થાનિક સ્વરાજ્યની ચૂંટણી: 10,000 થી વધુ બેઠકો પર ઉમેદવાર ઉતારશે
અમદાવાદઃ ગુજરાતમાં આગામી સ્થાનિક સ્વરાજ્યની ચૂંટણીને લઈ આમ આદમી પાર્ટીએ એક મોટો નિર્ણય લીધો હતો. આમ આદમી પાર્ટીએ ગુજરાતમાં આવનારી તમામ સ્થાનિક ચૂંટણીઓ, એટલે કે પંચાયત અને નગરપાલિકાની બધી બેઠકો પર પૂરી તાકાતથી ચૂંટણી લડવાની જાહેરાત કરી હતી.
આ માટે, પાર્ટીએ યુવાનો અને સમાજસેવકોને ઉમેદવાર બનવા માટે ખુલ્લું આમંત્રણ આપ્યું હતું. આમ આદમી પાર્ટીનો લક્ષ્ય 10 હજારથી પણ વધુ બેઠકો પર પોતાના ઉમેદવારો ઊભા રાખવાનો છે.
ગુજરાતમાં AAP દરેક પંચાયત, નગરપાલિકા, મહાનગરપાલિકાની ચૂંટણીઓ પૂરી તાકાતથી લડશે
— AAP Gujarat (@AAPGujarat) August 18, 2025
પ્રદેશ પ્રમુખ શ્રી @isudan_gadhvi એ રાજ્યના યુવાઓને આ ચૂંટણીઓના ઉમેદવાર બનવા માટે કર્યા આમંત્રિત. pic.twitter.com/7033RWwM3i
ગુજરાત આમ આદમી પાર્ટીના પ્રમુખ ઈસુદાન ગઢવીએ જણાવ્યું કે દિલ્હીના મુખ્ય પ્રધાન અરવિંદ કેજરીવાલના ‘કામના રાજકારણ’થી પ્રભાવિત થઈને ઘણા લોકો પાર્ટીમાં જોડાવા માંગે છે. તેથી, પાર્ટીએ નિર્ણય લીધો છે કે જે લોકો ખરેખર જનતાની સેવા કરવા માંગે છે તેમને જ ટિકિટ આપવામાં આવશે.
આ પણ વાંચો: કેજરીવાલના ઘરે AAP ની મહત્વની બેઠકમાં આ બે નેતાને સોંપી ગુજરાતની જવાબદારી…
આ પ્રક્રિયાને પારદર્શક બનાવવા માટે, પાર્ટીએ ખાસ ફોર્મ બહાર પાડ્યા છે. કોઈ પણ વ્યક્તિ જે ચૂંટણી લડવા માંગે છે, તે ઓનલાઈન, વોટ્સએપ કે ઈ-મેલ દ્વારા આ ફોર્મ ભરી શકે છે.
ગુજરાતમાં આગામી સ્થાનિક સ્વરાજની ચૂંટણીઓ માટે આમ આદમી પાર્ટી સતત જનતા વચ્ચે જઈ રહી છે.
— AAP Gujarat (@AAPGujarat) August 18, 2025
ગુજરાતના લોકો જે આ ચૂંટણી લડવા માંગે છે એ તમામ લોકોને અમે તક આપીયે છીએ કે આવો અને પોતે નેતૃત્વ કરો.
આ ફોર્મની તમામ માહિતી મેળવવા આ વિડીયો અચૂક જુઓ. pic.twitter.com/1Qivqgcq4q
ફોર્મ ભર્યા પછી, જિલ્લા સ્તરની એક સમિતિ તેની ચકાસણી કરશે અને પછી તેને રાજ્ય સ્તરે મોકલવામાં આવશે. અંતિમ તપાસ પછી જ ઉમેદવારોના નામ જાહેર કરવામાં આવશે. આ રીતે, આમ આદમી પાર્ટી ગુજરાતના રાજકારણમાં એક નવો અને ચોખ્ખો રસ્તો અપનાવવા જઈ રહી છે.
