શેરબજારમાં અફડાતફડી જારી; બેંક ઓફ જાપાને વ્યાજદર વધાર્યા
![Stock Market Live Nifty below 22,450, Sensex down 520 pts](https://bombaysamachar.com/wp-content/uploads/2024/01/Stock-Market-Down.webp)
મુંબઇ: શેરબજારમાં અફડાતફડી જારી રહી છે. સેન્સેકસ ૭૦૦ના કડાકે ૭૨,૦૦૦ની નિકટ અને નિફ્ટી ૨૨,૮૦૦ની નિકટ જઇને પાછા ફર્યા છે. એશિયન બજારોમાંથી નબળા સંકેતો અને ખાસ કરીને આઇટી શેરોમાં આવેલો ઘટાડો મંગળવારે બેન્ચમાર્ક સૂચકાંકો સેન્સેક્સ અને નિફ્ટીને રેડ ઝોનમાં ખેંચી ગયો છે.
દરમિયાન, બેન્ક ઓફ જાપાને 17 વર્ષમાં પ્રથમ વખત વ્યાજ દરમાં વધારો કર્યો છે. સવારના સત્રમાં આઇટી ઇન્ડેક્સ 1.4% ઘટ્યો હતો, જે ક્ષેત્રીય નુકસાન તરફ દોરી ગયો હતો. ટાટા સન્સે રૂ. 9,000 કરોડના બ્લોક ડીલમાં હિસ્સો હોવાના અહેવાલો વચ્ચે TCS 3% ડાઉન હતો, અને પરિણામે નિફ્ટી 50માં ટોચનો લુઝર શેર બન્યો હતો.
બજારનું ધ્યાન હવે 20મી માર્ચે ફેડરલની FOMC મીટિંગના પરિણામ તરફ દોરાયેલું છે, જેમાં ફ્યુચર્સ ટ્રેડર્સ જૂન સુધીમાં રેટ કટની 54% શક્યતામાં ભાવ નક્કી કરી સટ્ટો લગાવી રહ્યા છે.
બજારના અનુભવી સાધનો અનુસાર રોકાણકારો આવતીકાલે ફેડરલના પ્રતિસાદ અંગે સ્પષ્ટતાની રાહ જોઈ શકે છે. RIL, ભારતી, ટાટા મોટર્સ, M&M અને સન ફાર્મા જેવા લાર્જ કેપ્સ અનિર્ણાયક બજારમાં પણ મજબૂત દેખાય છે.