શેરબજારમા સપ્તાહના અંતિમ દિવસે પણ કડાકો , સેન્સેક્સ અને નિફ્ટીમા ઘટાડો

મુંબઈ : અમેરિકન બજારમાં ઘટાડાના દબાણ વચ્ચે આજે સપ્તાહના અંતિમ દિવસે ભારતીય શેરબજારમા પણ ઘટાડો જોવા મળ્યો છે. જેમાં સેન્સેક્સ 135.27 પોઈન્ટના ઘટાડા સાથે 76,160.09 પોઈન્ટ પર ખુલ્યો. જ્યારે નિફ્ટી આજે 59.70 પોઈન્ટના ઘટાડા સાથે 23,190.40 પોઈન્ટ પર ખુલ્યો હતો.જ્યારે તેની બાદ વધુ ઘટાડા સાથે સેન્સેક્સ 737. 75 એ ઘટાડો થયો હતો. જ્યારે નિફ્ટીમાં 286. 20 પોઈન્ટનો ઘટાડો નોંધાયો હતો.

સેન્સેક્સની 30માંથી ફક્ત 9 કંપનીઓના શેર વધારા સાથે ખુલ્યા

સેન્સેક્સની 30માંથી ફક્ત 9 કંપનીઓના શેર વધારા સાથે ખુલ્યા હતા અને બાકીની બધી 21 કંપનીઓના શેર નુકસાન સાથે ખુલ્યા હતા. નિફ્ટી ની ૫૦ કંપનીઓમાંથી, ફક્ત 10 કંપનીઓના શેર ઉછાળા સાથે ખુલ્યા અને બાકીની 40 કંપનીઓના શેર ઘટાડા સાથે ખુલ્યા. સેન્સેક્સ કંપનીઓમાં એચડીએફસી બેંકના શેર આજે સૌથી વધુ 1.25 ટકાના વધારા સાથે ખુલ્યા. બીજી તરફ, ઇન્ફોસિસના શેર આજે મહત્તમ 2.31 ટકાના ઘટાડા સાથે ખુલ્યા હતા.

આ શેરના ભાવમાં પણ વધારો -ઘટાડો

આ ઉપરાંત, આજે બજાજ ફાઇનાન્સના શેર 1.13 ટકા, ભારતી એરટેલ 0.40 ટકા, ICICI બેંક 0.30 ટકા, પાવરગ્રીડ 0.23, બજાજ ફિનસર્વ 0.15 ટકા, મહિન્દ્રા એન્ડ મહિન્દ્રા 0.11 ટકા, ઝોમેટો 0.09 ટકા અને સન ફાર્માના શેર 0.09 ટકાના વધારા સાથે ખુલ્યા. બીજી તરફ, ઇન્ડસઇન્ડ બેંકના શેર 1.57 ટકા, ટીસીએસ 1.41 ટકા, ટાટા મોટર્સ 1.36 ટકા, HCL ટેક 1.35 ટકા, લાર્સન એન્ડ ટુબ્રો 1.04 ટકા, એક્સિસ બેંક 1.02 ટકા, ટેક મહિન્દ્રા 0.88 ટકા, અલ્ટ્રાટેક સિમેન્ટ 0.86 ટકા, નેસ્લે ઇન્ડિયા 0.76 ટકા, હિન્દુસ્તાન યુનિલિવરના શેર 0.59 ટકાના ઘટાડા સાથે ખુલ્યા.

અમેરિકાના રાષ્ટ્રપતિ ડોનાલ્ડ ટ્રમ્પે નવી ટેરિફ નીતિ લાગુ કરી ત્યારથી વિશ્વભરના શેરબજારોમાં અરાજકતાનો માહોલ છે. ગુરુવારે ભારતીય શેરબજાર ભારે ઘટાડા સાથે ખુલ્યા. જોકે, ત્યારબાદ થયેલી કેટલીક વસૂલાતથી નુકસાન મર્યાદિત કરવામાં મદદ મળી.

આ પણ વાંચો : સેબી દ્વારા ખાનગી સેક્ટરની ઈન્ડસઈન્ડ બૅન્કમાં ઈન્સાઈડર ટ્રેડિંગની તપાસ

અમેરિકન બજારમાં પણ મોટો ઘટાડો

અમેરિકન શેરબજારમાં ગુરુવારે મોટો કડાકો થયો. નાસ્ડેક લગભગ 6 ટકા, S&P 500 4.8 ટકા અને ડાઉ જોન્સ 4 ટકા ઘટ્યા હતા. અમેરિકન બજારમાં આ ઘટાડામા ટેસ્લા, એમેઝોન, એપલ, એનવીડિયા, ગૂગલ, માઇક્રોસોફ્ટ, મેટા સહિત દેશની સૌથી મોટી કંપનીઓને સૌથી વધુ નુકસાન થયું છે.