ભારતીય શેરબજારમાં આ સાત શેરોએ રોકાણકારોને આપ્યું 823 ટકા સુધીનું વળતર, જાણો વિગતે
મુંબઈ: ભારતીય શેરબજારમાં છેલ્લા ત્રણ મહિનામાં સેન્સેકસ અને નિફ્ટીમાં સતત વધઘટ જોવા મળી છે. જેમાં આ મહિનાઓ દરમિયાન અનેક શેરોના ભાવમાં પણ વધારો ઘટાડો જોવા મળ્યો છે.
જેમાં છેલ્લા ત્રણ માસ દરમિયાન સાત એવા શેર જોવા મળ્યા છે. જેમણે રોકાણકારોને 823 ટકા સુધીનું વળતર આપ્યું છે. આ સાત શેરોની વાત કરીએ તો આ શેરોની કિંમત 200 રૂપિયાની આસપાસ છે. જેમાં ટેકસટાઈલથી લઈને નોન- બેંકિગ ફાયનાન્સ કંપનીઓ પણ સમાવેશ થાય છે.
આપણ વાચો: ભારતીય શેરબજારમાં તેજી, સેન્સેક્સ અને નિફ્ટીમાં વધારો…
જીડીએલ લીઝિંગે 823 ટકાનું મજબૂત વળતર આપ્યું
આ શેરમાં સૌ પ્રથમ શેરની વાત કરીતે તો તેનું નામ છે જીડીએલ લીઝિંગ એન્ડ ફાઇનાન્સ કંપની છે. જે નોન- બેંકિગ ફાયનાન્સ કંપની છે. આ કંપનીના શેરનો ભાવ રૂપિયા આ સ્ટોક 10.60 થી વધીને રૂપિયા 97.81 થયો છે. જે ત્રણ મહિનામાં 823 ટકાનું મજબૂત વળતર દર્શાવે છે. આ શેરમાં શુક્રવારે પ્રોફિટ બુકિંગ જોવા મળ્યું હતું.
સીએચપીએલ ઇન્ડસ્ટ્રીઝના શેરે 401 ટકા વળતર આપ્યું
જયારે બીજા સ્ટોકની વાત કરી તો સીએચપીએલ ઇન્ડસ્ટ્રીઝ લિમિટેડનો છે. આ કંપની ટેક્સટાઇલના બિઝનેસ સાથે જોડાયેલી છે. આ કંપનીના શેરનો ભાવ રૂપિયા 16.70 થી વધીને રૂપિયા 83.60 થયો હતો. જે શેરધારકોને 401 ટકા વળતર આપે છે.
આપણ વાચો: ભારતીય શેરબજાર ગગડ્યું , સેન્સેક્સ અને નિફ્ટીમાં ઘટાડો
વાઘાણી ટેક્નો બિલ્ડ લિમિટેડે 379 ટકાનું વળતર આપ્યું
ત્રીજી કંપની રિયલ એસ્ટેટ ડેવલપમેન્ટ અને ટ્રાન્સફર ઓફ ડેવલપમેન્ટ રાઇટ્સના વ્યવસાય સાથે જોડાયેલી છે. વાઘાણી ટેક્નો બિલ્ડના શેરનો ભાવ રૂપિયા 25.39 થી વધીને રૂપિયા 121.72 થયો છે. જે 379 ટકાનું મજબૂત વળતર દર્શાવે છે. શુક્રવારે તે 1.99 ટકાના વધારા સાથે રૂપિયા 121.72 પર બંધ થયો.
ફિલ્ટ્રોન એન્જિનિયર્સ લિમિટેડે 323 ટકા વળતર આપ્યું
જયારે ફિલ્ટ્રોન એન્જિનિયર્સના શેરનો ભાવ રૂપિયા 14.06 થી વધીને રૂપિયા 59.46 થયો છે. જે ત્રણ મહિનામાં 323 ટકાનો વધારો દર્શાવે છે. શુક્રવારે શેર રૂપિયા 59.46 પર બંધ થયો હતો. જે 1.99 ટકાનો વધારો દર્શાવે છે.
ઓક્સફર્ડ ઇન્ડસ્ટ્રીઝ લિમિટેડે 299 ટકાનું વળતર આપ્યું
ઓક્સફર્ડ ઇન્ડસ્ટ્રીઝ કાપડના ઉત્પાદન અને વેચાણ સાથે સંકળાયેલી છે. ઓક્સફર્ડ ઇન્ડસ્ટ્રીઝના શેરનો ભાવ રૂપિયા 0.85 થી વધીને રૂપિયા 3.39 થયો છે. જે 299 ટકાનું વળતર દર્શાવે છે. શુક્રવારે શેરમાં થોડી અસ્થિરતા જોવા મળી હતી.જે 1.81 ટકા ઘટીને રૂપિયા 3.93 પર બંધ થયો હતો.
આપણ વાચો: ભારતીય શેરબજારમાં પરત ફર્યા વિદેશી પોર્ટફોલિયો રોકાણકારો, કર્યું આટલું રોકાણ
સપ્તક કેમ એન્ડ બિઝનેસ લિમિટેડે 190 ટકા વળતર આપ્યું
સપ્તક કેમ એન્ડ બિઝનેસ લિમિટેડના શેરે ત્રિમાસિક ગાળા દરમિયાન 190 ટકા મજબૂત વળતર આપ્યું છે. જે રૂપિયા 7.08 થી વધીને રૂપિયા 20.56 પર બંધ થયો છે. આ તેજી શુક્રવારે પણ ચાલુ રહી. જેમાં શેર 1.98 ટકા વધીને રૂપિયા 20.56 પર બંધ થયો.
કોલાબ પ્લેટફોર્મ્સ લિમિટેડે 160 ટકા વળતર આપ્યું
કોલાબ પ્લેટફોર્મ્સ, જે ઈ-સ્પોર્ટ્સ, ગેમિંગ અને આઈટી સોલ્યુશન્સ જેવા ઝડપથી વિકસતા ક્ષેત્રોમાં કાર્યરત છે. તેણે રોકાણકારોને 160 ટકા વળતર આપ્યું, જે રૂપિયા 76.39 થી વધીને રૂપિયા 198.60 થયો હતો.
