મુંબઈ : ભારત અને પાકિસ્તાન વચ્ચે યુદ્ધવિરામ બાદ ભારતીય શેરબજારમાં તેજી જોવા મળી રહી છે. જેમાં શરૂઆતી કારોબારમાં સેન્સેક્સ 1890 પોઈન્ટના ઉછાળા સાથે 81344 પર પહોંચી ગયો છે. નિફ્ટી 579 પોઈન્ટના ઉછાળા સાથે 24587 પર છે. સેન્સેક્સમાં સન ફાર્મા સિવાયના બધા શેર વધારા સાથે ટ્રેડ કરતાં હતા. અદાણી પોર્ટ્સ, બજાજ ફાઇનાન્સ, એક્સિસ બેંક, રિલાયન્સ ઇન્ડસ્ટ્રીઝમાં ભારે વધારો જોવા મળ્યો છે.
એશિયન બજારોમાં તેજી જોવા મળી
જ્યારે યુદ્ધવિરામની જાહેરાત અને યુએસ-ચીન વેપાર સોદા અંગે આશાવાદ બાદ ભારત અને પાકિસ્તાન વચ્ચે તણાવ ઓછો થવાના સંકેતો વચ્ચે સોમવારે સ્થાનિક ઇક્વિટી બજારના બેન્ચમાર્ક સૂચકાંકો સેન્સેક્સ અને નિફ્ટી 50 ઊંચા ખુલવાની અપેક્ષા છે. એશિયન બજારોમાં તેજી જોવા મળી જ્યારે યુએસ સ્ટોક ફ્યુચર્સ વધ્યા.
એશિયન બજારોમાં તેજી જોવા મળી
સોમવારે એશિયન બજારોમાં તેજી જોવા મળી. જાપાનનો નિક્કી 225 0.36 ટકા વધ્યો, જ્યારે ટોપિક્સ ઇન્ડેક્સ 0.19 ટકા વધ્યો. દક્ષિણ કોરિયાનો કોસ્પી ઇન્ડેક્સ 0.67 ટકા વધ્યો જ્યારે કોસ્ડેક 0.24 ટકા ઘટ્યો. હોંગકોંગના હેંગ સેંગ ઇન્ડેક્સ ફ્યુચર્સ નબળા ઓપનિંગ તરફ ઈશારો કરે છે.
વોલ સ્ટ્રીટમાં ઘટાડો જોવા મળ્યો
શુક્રવારે યુએસ શેરબજાર ઘટાડા સાથે બંધ થયું હતું. ડાઉ જોન્સ ઇન્ડસ્ટ્રિયલ એવરેજ 119.07 પોઈન્ટ ઘટીને 41,249.38 પર બંધ રહ્યો જ્યારે S&P 500 4.03 પોઈન્ટ ઘટીને 5,659.91 પર બંધ રહ્યો. નાસ્ડેક કમ્પોઝિટ 17,928. 92 પર ફ્લેટ બંધ થયો.
આપણ વાંચો: ભારત પાકિસ્તાન તણાવ વચ્ચે દેશના વિદેશી મુદ્રા ભંડારમાં ઘટાડો, ગોલ્ડ રિઝર્વ પણ ઘટ્યું
ભારત-પાકિસ્તાન યુદ્ધ વિરામ
ભારત અને પાકિસ્તાન જમીન અને હવામાં ગોળીબાર અને લશ્કરી કાર્યવાહી અટકાવવા માટે ‘દ્વિપક્ષીય કરાર’ પર પહોંચ્યા છે. આ દરમિયાન એર માર્શલ એકે ભારતીએ જણાવ્યું હતું કે ઓપરેશન સિંદૂર સફળ છે અને તેના પરિણામો વિશ્વ સમક્ષ છે. ડીજીએમઓએ જણાવ્યું હતું કે ઓપરેશન દરમિયાન નવ આતંકવાદી કેમ્પોમાં 100 થી વધુ આતંકવાદીઓ માર્યા ગયા હતા.