શેરબજારમાં ચાલી રહેલી તેજી સોમવારે અટકી ગઈ હતી અને સેન્સેક્સ-નિફ્ટી ખુલતાની સાથે જ તૂટી પડ્યા હતા અને આ ઘટાડાનો ટ્રેન્ડ અટકવાના કોઈ સંકેત દેખાઈ રહ્યા નથી. સેન્સેક્સ 750 પોઈન્ટ તૂટ્યો છે, જ્યારે નિફ્ટી 50 26,000 ની નીચે ટ્રેડ કરી રહ્યો છે. ગયા અઠવાડિયે શેરબજારમાં જોરદાર ઉછાળો જોવા મળ્યો હતો અને સેન્સેક્સ-નિફ્ટીએ લગભગ દરરોજ નવો રેકોર્ડ બનાવ્યો હતો.
સપ્તાહના પહેલા દિવસે સોમવારે અચાનક જ બજારની ગતિમાં બ્રેક લાગી ગઈ હતી અને બંને ઈન્ડેક્સ ગબડ્યા હતા. આજે સેન્સેક્સ 84,835.84 પર અને નિફ્ટી 50 25,957.15 પર ટ્રેડ થઈ રહ્યો હતો. આજે મોટાભાગના એશિયન બજારોમાં ઘટાડો જોવા મળ્યો છે. સૌથી મોટો ઘટાડો જાપાનના શેરબજારોમાં જોવા મળ્યો હતો. ત્યાં 5 ટકાનો ઘટાડો નોંધાયો હતો. જોકે, ચીનના શેરબજારોમાં તેજી જોવા મળી છે. રિલાયન્સ ઈન્ડસ્ટ્રીઝ, આઈસીઆઈસીઆઈ બેંક જેવી મોટી કંપનીઓના શેર ઘટાડા સાથે ટ્રેડ થઈ રહ્યા છે.
સપ્તાહના પ્રથમ ટ્રેડિંગ દિવસે શેરબજારની શરૂઆત સારી રહી નથી. સેન્સેક્સ અને નિફ્ટીમાં જોરદાર ઘટાડો જોવા મળ્યો છે. સેન્સેક્સ આજે ઘટાડા સાથે 85,208.76 પર ખુલ્યો હતો. નિફ્ટી 26,061.30 પર ખુલ્યો હતો. સવારે 9.20 વાગ્યા સુધી સેન્સેક્સનું ઇન્ટ્રા-ડે લો લેવલ 85107.63 પોઈન્ટ હતું. સવારે સેન્સેક્સ 443 પોઈન્ટના ઘટાડા સાથે કારોબાર કરી રહ્યો હતો. તે જ સમયે, નિફ્ટી 86 પોઈન્ટ ઘટીને 26,092.20 પર હતો. આ ઘટાડા છતાં આજે BPCL અને NTPCના શેરમાં ઉછાળો જોવા મળ્યો છે. બંને કંપનીઓના શેર સવારે 2 ટકાથી વધુના ઉછાળા સાથે ટ્રેડ થઈ રહ્યા હતા. સેન્સેક્સની વાત કરીએ તો એનટીપીસી લિમિટેડ, જેએસડબ્લ્યુ, ટાટા સ્ટીલના શેરમાં તેજી જોવા મળી હતી. બીજી તરફ ટેક મહિન્દ્રા અને આઈસીઆઈસી બેંકના શેરમાં ઘટાડા સાથે ટ્રેડ થઈ રહ્યો હતો.
ગયા સપ્તાહે શુક્રવારે બજાર રેકોર્ડ સ્તરે પહોંચ્યું હતું. BSE સેન્સેક્સ 1,027.54 પોઈન્ટ અથવા 1.21 ટકા વધ્યો હતો. નેશનલ સ્ટોક એક્સચેન્જનો નિફ્ટી 388 પોઈન્ટ અથવા 1.50 ટકા વધ્યો હતો. શુક્રવારે ઈન્ટ્રાડે ટ્રેડિંગ દરમિયાન સેન્સેક્સ 85,978.25ની નવી ઓલ-ટાઇમ હાઈ પર પહોંચી ગયો હતો. તે જ દિવસે ટ્રેડિંગ દરમિયાન નિફ્ટી 26,277.35 પોઈન્ટની નવી ટોચે પહોંચ્યો હતો.
ભારતીય શેરબજારમાં આ વર્ષે સપ્ટેમ્બરમાં સૌથી વધુ FIIનો પ્રવાહ જોવા મળ્યો છે. (આ રોકાણની સલાહ નથી. શેરબજાર જોખમોને આધીન છે. કોઈપણ રોકાણ કરતા પહેલા, કૃપા કરીને યોગ્ય નિષ્ણાતોની સલાહ અવશ્ય લો.)