હાય લા: વિરાટ કોહલીએ મેદાનમાં એવું શું કર્યું કે સોશિયલ મીડિયા પર ચર્ચા ચાલી?
સેંચુરિયન: ભારત અને દક્ષિણ આફ્રિકા વચ્ચેની ત્રણ ટેસ્ટ મેચ પૈકીની પહેલી ટેસ્ટ મેચ સોશિયલ મીડિયા પર ચર્ચાનું કારણ બની છે. ગઈકાલે બીજા દિવસે ફરી એકવાર ટીમ ઈન્ડિયાના આ સ્ટાર ક્રિકેટરની નવી હરકતને કારણે ચર્ચામાં આવ્યો છે. પહેલા દિવસે વરસાદના વિઘ્ન પછી બીજા દિવસના અંતે ભારત 245 રને ઓલઆઉટ થયું હતું, ત્યારબાદ આફ્રિકાની વિકેટ ઝડપવા માટે ભારતને મહેનત કરવી પડી હતી. બેડ લાઈટસના કારણે દક્ષિણ આફ્રિકાએ પાંચ વિકેટ અગિયાર રનની લીડ સાથે 256 રન બનાવ્યા હતા, પરંતુ રમતના મેદાનમાં (વર્લ્ડ કપમાં હાર્દિક પંડ્યાનાં કથિત જાદુ-ટેક્નિકના માફક) કોહલીએ એવું કંઈક કરીને સોશિયલ મીડિયા પર ચર્ચાનું કારણ બન્યો છે.
બીજા દિવસે રમતમાં દક્ષિણ આફ્રિકાની ટીમ રમતમાં આવ્યા પછી ડીન એલ્ગર અને ડી જોર્જીએ શાનદાર લાંબી ઈનિંગ રમ્યા હતા, ત્યારે વિરાટ કોહલીએ એક ટેક્નિક કહો કે પછી યુક્તિ કરી અને પહેલી સફળતા મળી હતી. વિરાટની આ હરકત મુદ્દે અમુક ક્રિકેટરોએ પણ પ્રતિક્રિયા આપી હતી. બન્યું એવું હતું કે ડીન અને ટોની ડી જોર્જીની જોડી ટકી ગયા પછી ભારતનું ટેન્શન વધી ગયું હતું, ત્યારે વિરાટે 29મી ઓવરમાં સ્ટ્મ્પ્સ પરના બેલ્સની અદલાબદલી કરી હતી, જે અગાઉ ઇંગ્લેન્ડના સ્ટુઅર્ટ બ્રોડે એશિઝ સિરીઝ વખતે કર્યું હતું.
બ્રોડે કરેલી હરકતનું કોહલીએ પુનરાવર્તન કર્યું હતું અને ઇંગ્લેન્ડને વિકેટ મળી હતી, જ્યારે ગઈકાલે વિરાટે કરેલી યુક્તિને કારણે ભારતને પણ ડી જોર્જીને વિકેટ મળી હતી. એના પછી બ્રોડે સોશિયલ મીડિયા પર પણ તેના અંગે પ્રતિક્રિયા આપી હતી.
ઇંગ્લેન્ડના દિગ્ગજ બોલર સ્ટુઅર્ટ બ્રોડે વિરાટ કોહલીની હરકત અંગે પોતાની પ્રતિક્રિયા આપતા રોકી શક્યો નહોતો. બ્રોડે એક્સ પ્લેટફોર્મ પર લખ્યું હતું કે વિરાટને મળી સફળતા. બ્રોડે આ વર્ષે પણ ઓસ્ટ્રેલિયા સામે આ ટેક્નિક અપનાવી હતી, ત્યારે કાંગારુ એટલે ઓસ્ટ્રિલયન ખેલાડીઓએ સારી એવી ઈનિંગ રમ્યા હતા, જેમાં વિકેટ લેવા માટે તસરી ગયા ત્યારે બ્રોડે અપનાવેલી ટેક્નિકને સફળતા મળી હતી.
બસ, કિંગ કોહલીએ પણ જાણે બ્રોડની ટેક્નિકનું પુનરાવર્તન કરીને વિકેટ ઝડપવામાં ભારતને સફળતા અપાવી હતી. ગઈકાલે ભારત અને દક્ષિણ આફ્રિકા વચ્ચેની પહેલી ટેસ્ટમાં 254 રને ભારત ઓલઆઉટ થયા પછી પાંચ વિકેટ દક્ષિણ આફ્રિકાએ 256 રન બનાવ્યા હતા. આ મેચમાં બે દિવસમાં બે સેન્ચુરી થઈ હતી, જેમાં પહેલી સદી ભારતવતી કેએલ રાહુલે 101 રન અને ડીન એલ્ગરે 140 રને નોટ આઉટ રહીને ક્રીજ રમતમાં છે.
