આ દિવસોમાં ભારતીય ટીમ વર્લ્ડ કપમાં વ્યસ્ત છે. ભારતીય ટીમ વર્લ્ડ કપમાં જોરદાર ફોર્મમાં છે. 5 મેચ જીત્યા બાદ તે સેમિફાઇનલમાં પહોંચનારી પ્રથમ ટીમ બનવાની અણી પર છે. બીજી તરફ કોચ તરીકે રાહુલ દ્રવિડનો કોન્ટ્રાક્ટ વર્લ્ડ કપ સાથે સમાપ્ત થશે. આ કારણે ટીમ ઈન્ડિયાના કોચમાં ફેરફાર થઈ શકે છે. રાહુલ દ્રવિડનો BCCI સાથેનો કરાર વર્લ્ડ કપ બાદ ખતમ થયા બાદ નવા કોચની નિમણૂક માટેની પ્રક્રિયા શરૂ થશે. રાહુલ દ્રવિડ બાદ કોચ પદ માટે સ્ટાર દિગ્ગજ પૂર્વ ખેલાડીનું નામ લેવામાં આવી રહ્યું છે તે છે VVS લક્ષ્મણ.
રાહુલ દ્રવિડ બાદ ટીમ ઈન્ડિયાના મુખ્ય કોચ બનવાની રેસમાં પૂર્વ ભારતીય દિગ્ગજ VVS લક્ષ્મણનું નામ સૌથી પહેલા આવે છે. હાલમાં VVS લક્ષ્મણ નેશનલ ક્રિકેટ એકેડમી (NCA)ના વડા છે. રાહુલ દ્રવિડની ગેરહાજરીમાં વીવીએસ લક્ષ્મણને ટીમ ઈન્ડિયાના મુખ્ય કોચ તરીકે જોવામાં આવી રહ્યા છે. લક્ષ્મણે એક-બે શ્રેણીમાં ટીમ ઈન્ડિયાના કોચનું પદ પણ સંભાળ્યું છે. આ ઉપરાંત નેશનલ ક્રિકેટ એકેડમી (NCA)ના ચીફ સિતાંશુ કોટકને બેટિંગ કોચ તરીકે સામેલ કરવામાં આવી શકે છે. રિપોર્ટમાં કહેવામાં આવ્યું છે કે કોટક દક્ષિણ આફ્રિકા પ્રવાસ માટે ભારત ‘A’ના કોચ બની શકે છે.
જોકે, ભારતીય ક્રિકેટ બોર્ડ પાસે ભૂતપૂર્વ ભારતીય કેપ્ટનને ફરીથી અરજી કરવાની વિનંતી કરવાનો વિકલ્પ હશે કારણ કે BCCIના નિયમો અનુસાર, આ પદ માટે ફરીથી અરજીઓ મંગાવવાની રહેશે. જો કે રાહુલ દ્રવિડ ફરીથી ટીમ ઈન્ડિયાના કોચ પદ માટે અરજી કરશે કે કેમ તે હવે પછીની વાત છે.
ICC વર્લ્ડ કપ 2023ની તેની પ્રથમ પાંચ મેચમાં પાંચ જીત સાથે રાહુલ દ્રવિડની ટીમ ઈન્ડિયા વર્લ્ડ ચેમ્પિયન બનવાની રેસમાં આગળ છે. દરેક તેની પ્રતિભાના વખાણ કરી રહ્યા છે. અત્યાર સુધીની મેચોમાં રોહિત શર્માની ટીમે દરેક વિભાગમાં વિપક્ષ પર પ્રભુત્વ જમાવ્યું છે. દ્રવિડના માર્ગદર્શન હેઠળ, રોહિત શર્મા એન્ડ કંપનીએ ભારતમાં યોજાયેલા ICC વર્લ્ડ કપમાં ઓસ્ટ્રેલિયા, અફઘાનિસ્તાન, પાકિસ્તાન, બાંગલાદેશ અને ન્યુઝીલેન્ડને હરાવ્યાં છે, પણ જો BCCI દ્રવિડ યુગ પછી નવી અરજીઓ શોધી રહ્યું છે, તો મહાન બેટ્સમેન લક્ષ્મણ ભારતના આગામી મુખ્ય કોચ બનવા માટેના મુખ્ય ઉમેદવારોમાંના એક હશે.
જો રાહુલ દ્રવિડ વર્લ્ડ કપ બાદ કોચનું પદ છોડે છે તો તેઓ IPL સિઝન 17માં વાપસી કરી શકે છે. આ પહેલા રાહુલ દ્રવિડ IPLમાં દિલ્હી કેપિટલ્સ અને રાજસ્થાન રોયલ્સ ટીમોના કોચ બની ચૂક્યા છે. રવિ શાસ્ત્રીએ કોચ પદ છોડ્યા બાદ રાહુલ દ્રવિડને ટીમ ઈન્ડિયાના નવા કોચ બનાવવામાં આવ્યા હતા.