T20 World Cup 2024સ્પોર્ટસ

T20 World Cup: વર્લ્ડ કપમાં 43 વર્ષના ‘ઘરડા’ ક્રિકેટરનો બોલિંગમાં તરખાટ: કંજૂસીમાં બુમરાહથી પણ આગળ

પ્રોવિડન્સ (ગયાના): ટી-20 વર્લ્ડ કપમાં આ વખતે પહેલી વાર 20 દેશની ટીમ રમવા ઊતરી છે એટલે સ્વાભાવિક રીતે કંઈક નવું અને અનોખું જોવા મળવાનું જ. વિક્રમો તૂટે એ પણ સામાન્ય બની જાય છે જ્યારે મોટી ઉંમરનો કોઈ ખેલાડી બોલિંગમાં તરખાટ મચાવે. યુગાન્ડાનો ઑફ-સ્પિનર ફ્રૅન્ક સુબુગા (Frank Nsubuga) બે દિવસથી ચર્ચામાં છે. તે 43 વર્ષનો છે અને આ વર્લ્ડ કપનો સૌથી મોટી ઉંમરનો ખેલાડી છે.

આ ઉંમરે પણ તે ઇન્ટરનૅશનલ ક્રિકેટમાં ધૂમ મચાવી શકે છે એ તેણે બુધવારે પાપુઆ ન્યૂ ગિની (પીએનજી) સામેની મૅચમાં ચાર રનમાં બે વિકેટ લઈને સાબિત કર્યું. ઇકોનોમી-રેટમાં તો તે જસપ્રીત બુમરાહ જેવા અવ્વલ દરજ્જાના બોલરને પણ ટપી ગયો છે.

ફ્રૅન્ક સુબુગા (4-2-4-2) વર્લ્ડ કપમાં પહેલી જ મૅચમાં બે મેઇડન ઓવર કરી અને પીએનજીના મિડલ-ઑર્ડરના બે બૅટર (હિરી હિરી અને ચાર્લ્સ અમિની)ની વિકેટ લીધી હતી.

આ પણ વાંચો: T20 World Cup : રોહિતે ધોનીનો અમૂલ્ય રેકોર્ડ તોડ્યો; Hitman 600 Sixs ફટકારનાર વિશ્વનો પહેલો ક્રિકેટર બન્યો

હૉન્ગકૉન્ગનો રેયાન કૅમ્પબેલ ટી-20 વર્લ્ડ કપનો ઑલ્ડેસ્ટ પ્લેયર છે. 2016ની સાલમાં તેણે 44 વર્ષ અને 30 દિવસની ઉંમરે ડેબ્યૂ કર્યું હતું.

ફરી સુબુગાની વાત પર આવીએ તો ટી-20માં સુબુગાનો એકંદર પર્ફોર્મન્સ સારો રહ્યો છે. તેણે પંચાવન મૅચમાં 57 વિકેટ લીધી છે. તેનો ઇકોનોમી રેટ 4.71 છે. એટલે કે ઓવર દીઠ રન આપવામાં તે બહુ સાવચેત છે. આ યાદીમાં કેન્યાનો શેમ ગૉકે 6.03ના ઇકોનોમી રેટ સાથે બીજા નંબરે છે. ઇકોનોમી રેટની બાબતમાં તો હાલનો નંબર-વન બોલર જસપ્રીત બુમરાહ પણ છેક ત્રીજા નંબરે છે. 63 મૅચ પછી તેનો ઇકોનોમી રેટ 6.49 છે. બુમરાહે આ મૅચોમાં 76 રન બનાવ્યા છે.

તમે નહીં માનો, પણ ટી-20માં સૌથી વધુ 17 મેઇડન ઓવરનો વિક્રમ પણ સુબુગાના નામે છે. ફરી એકવાર તેના પછી બીજા નંબરે શેમ ગૉકે (12) અને ત્રીજા નંબરે બુમરાહ (11) છે.

Show More

Related Articles

Leave a Reply

Your email address will not be published. Required fields are marked *

Back to top button
હાર્દિક જ નહીં આ Legends Cricketerની Married Lifeમાં ભંગાણ પડ્યા છે સાચી રીતે નહાવાની રીત જાણો છો? એક કિડની પર કેટલા સમય જીવી શકાય? જાણો Experts શું કહે છે… Waterproof મેકઅપ આ રીતે કરો