હેડિંગ વાંચીને ચોંકી ઉઠ્યા ને? ટીમ ઈન્ડિયાનો ઓલરાઉન્ડર હાર્દિક પંડ્યા (Hardik Pandya) ડિવોર્સ અને બીજા લગ્નને કારણે ચર્ચામાં છે ત્યાં હવે ટીમ ઈન્ડિયાના એક બીજા ખેલાડીએ બીજી વખત ઘોડી ચડવા વિશે ચોંકાવનારું નિવેદન આપ્યું છે. તમને પણ કોણ છે આ ખેલાડી એ જાણવાની તાલાવેલી થઈ ગઈ ને? ચાલો તમને જણાવીએ એ વિશે-
આ ખિલાડી બીજું કોઈ નહીં પણ ટીમ ઈન્ડિયાના દિગ્ગજ ખેલાડી શિખર ધવન (Shikhar Dhawan) છે. શિખર ધવને ડોમેસ્ટિક ક્રિકેટમાંથી સંન્યાસની જાહેરાત કરી દીધી છે અને હવે તે આઈપીએલમાં પણ રમતો નહીં જોવા મળે. જોકે, હાલમાં જ યોજાયેલી લેજેન્ડ્સ લીગ ક્રિકેટ ટુર્નામેન્ટમાં રમતો દેખાયો હતો, પરંતુ આઈપીએલ અને ભારત માટે તે નહીં રમે.
આઈપીએલ, 2024માં શિખર ધવનને ઈજા પહોંચી હતી ત્યારબાદથી તે ફરી વખત પીચ પર પાછો નહોતો ફર્યો. જોકે, હવે ક્રિકેટર બીજા લગ્નને કારણે ચર્ચામાં આવ્યો છે. શિખર ધવને આઈપી-2024 બાદ તરત જિયો સિનેમા એક શો ધવન કરેંગેને લઈને ચર્ચામાં આવ્યો હતો. શિખર ધવને પોતાનો એક શો શરૂ કર્યો હતો જેમાં તે ક્રિકેટની દુનિયાના અનેક દિગ્ગજ હસ્તીઓને બોલાવીને તેમને હોસ્ટ કરતો હતો. આ જ દરમિયાન શિખર ધવન ગેસ્ટના જીવનના રોમાંચક, ઓછા જાણીતા કિસ્સા વિશે ખુલાસો કરતો હતો.
આ જ શોના એક એપિસોડમાં ઈન્ડિયન ક્રિકેટર મિતાલી રાજ (Mithali Raj) પહોંચી હતી. આ એપિસોડમાં શિખર ધવને જે ખુલાસા કર્યા એ સાંભળીને ખુદ મિતાલી રાજ પણ ચોંકી ઉઠી હતી. શો દરમિયાન ધવને જણાવ્યું હતું કે એક સમયે મિતાલી રાજ સાથે મારા લગ્નની અફવાઓ ઉડી હતી. મિતાલી પણ આ વાત સાંભળીને ચોંકી ઉઠી હતી.
આ પણ વાંચો :Cricket Updates: હાર્દિક પંડ્યા T20 ક્રિકેટમાં નં.1 ઓલ રાઉન્ડર બની શકે છે! ICC રેન્કિંગમાં લગાવી મોટી છલાંગ
શિખર ધવને જણાવ્યું હતું કે મેં સાંભળ્યું કે મારા લગ્ન મિતાલી રાજ સાથે થવાના છે. આગળ તેણે જણાવ્યું હતું કે એક સમયે તમારા અને મારા અફેયરની ચર્ચા ચાલી હતી અને એ જ સમયે મેં સાંભળ્યું હતું કે હું ભારતીય ટીમની ભૂતપૂર્વ કેપ્ટલ મિતાલી રાજ સાથે બીજા લગ્ન કરવા જઈ રહ્યો છું. શિખર ધવનની આ વાત સાંભળીને મિતાલી રાજ પહેલાં તો શરમાઈ ગઈ અને બાદમાં તે હસી પડી હતી. શિખરે આ શોમાં ટીમ ઈન્ડિયાની કેપ્ટનને તેની જીવન સાથે સંકળાયેલા અનેક સવાલો પૂછ્યા હતા.
