ઈસ્લામાબાદઃ પાકિસ્તાન સુપર લીગની 11મી સીઝન આવતા વર્ષે 26 માર્ચથી 3 મે દરમિયાન રમાશે, જે સતત બીજી વખત એ સમયે યોજાશે, જ્યારે ઇન્ડિયન પ્રીમિયર લીગ (આઈપીએલ) રમાય છે. પાકિસ્તાન ક્રિકેટ બોર્ડના ચેરમેન મોહસિન નકવીએ ન્યૂ યોર્કમાં પીએસએલ રોડ શો દરમિયાન આ જાહેરાત કરી હતી. આઈપીએલ પણ માર્ચના છેલ્લા અઠવાડિયામાં શરૂ થાય છે અને મેના અંત સુધી ચાલે છે.
પાકિસ્તાન ક્રિકેટ બોર્ડના અધ્યક્ષ મોહસિન નકવીએ ન્યૂયોર્કમાં એક રોડ શો દરમિયાન પીએસએલ 11ના વિન્ડોની જાહેરાત કરી હતી જેમાં ટૂનામેન્ટનું 26 માર્ચથી 3 મે, 2026 સુધી આયોજન કરવામાં આવ્યું, જે તારીખો પહેલાથી જ નક્કી કરેલી આઈપીએલ 2026ની વિન્ડો 15 માર્ચથી 31 મે સાથે ટકરાઈ ગઈ હતી.
આ ઓવરલેપ પ્રથમવાર નથી. આઈપીએલ અને પીએસએલ 2025માં પણ ટકરાયા હતા, જ્યારે પીએસએલ એપ્રિલ-મેના સ્લોટમાં ખસેડવામાં આવ્યું અને દરમિયાન આઈપીએલની સીઝન ચાલી રહી હતી. સંપૂર્ણ સીઝનનું ઓવરલેપ પીએસએલ માટે એ મોટા વિદેશી નામોને આકર્ષિત કરવાનું મુશ્કેલ બનાવી છે જેમને આઈપીએલમાં ખરીદવામાં આવે છે.
તે દક્ષિણ આફ્રિકાના ટી-20 દર્શકો અને બ્રોડકાસ્ટર્સને એકસાથે ચાલી રહેલી બે લીગમાં પણ વિભાજીત કરે છે, આ એક એવી સ્થિતિ જેને પાકિસ્તાનની લીગે આક્રમક વૈશ્વિક પિચિંગ સાથે સરભર કરવાનો પ્રયાસ કર્યો છે, જેમાં ન્યૂયોર્ક રોડ શો જેવા રોકાણકારોને આકર્ષવાના ઇવેન્ટ્સનો સમાવેશ થાય છે.
ખાસ કરીને ફાફ ડુ પ્લેસિસે પીએસએલ રમવા માટે આઈપીએલ 2026ની હરાજીમાંથી બહાર નીકળવાનો વિકલ્પ પસંદ કર્યો છે, જે આઈપીએલ 2025ના સામાન્ય પ્રદર્શન પછી તેને મુક્ત કરવામાં આવ્યા પછી આવ્યો હતો અને તેને એક નવા પડકાર તરીકે રજૂ કર્યો હતો.
ઇંગ્લેન્ડના મોઈન અલીએ પણ આઈપીએલ 2026ની હરાજી છોડી દીધી છે અને કોલકત્તાએ રીલિઝ કર્યા પછી પીએસએલ માટે કોન્ટ્રાક્ટ કર્યો છે. અગાઉ, ડેવિડ વોર્નર આઈપીએલ 2025માં અનસોલ્ડ રહ્યા બાદ પીએસએલમાં રમ્યો હતો. કરાચી કિંગ્સે તેને કેપ્ટન બનાવ્યો હતો.
આ પણ વાંચો…ગંભીરે આઈપીએલની ટીમના માલિકને કહેવડાવી દીધું, ‘ તમને મારા કામમાં દખલગીરી કરવાનો કોઈ અધિકાર નથી’
