કુસ્તીબાજ સેહરાવત ભારતનો યંગેસ્ટ ઑલિમ્પિક મેડલ-વિજેતા

પૅરિસ: ભારતના કુસ્તીબાજ અમન સેહરાવતે શુક્રવારે પૅરિસ ઑલિમ્પિક્સમાં બ્રોન્ઝ મેડલ જીતી લીધો હતો. એ સાથે, સેહરાવત 21 વર્ષ અને 24 દિવસની ઉંમરે ઑલિમ્પિક્સનો ચંદ્રક જીતનાર ભારતનો યંગેસ્ટ મેડલ-વિજેતા બન્યો છે. તેણે બૅડમિન્ટન કવીન પીવી સિન્ધુનો રેકોર્ડ તોડ્યો છે.

આ સાથે, ભારતના મેડલની સંખ્યા છ ઉપર પહોંચી હતી અને એમાંથી પાંચ બ્રોન્ઝ મેડલ હતા.
સેહરાવતની આ પહેલી જ ઑલિમ્પિક્સ છે. તેણે 57 કિલો ફ્રીસ્ટાઇલ વર્ગના બ્રોન્ઝ-મેડલ મુકાબલામાં પુઅર્ટો રિકોના દારિયન તોઈ ક્રૂઝને 13-5થી હરાવ્યો હતો.

સેહરાવતને વડા પ્રધાન નરેન્દ્ર મોદીએ બ્રોન્ઝ જીતવા બદલ અભિનંદન આપ્યા હતા.
સેહરાવત ઑલિમ્પિક્સમાં ભારતનો સાતમો મેડલ-વિજેતા છે. તેની પહેલાં કે.ડી. જાધવ, સુશીલ કુમાર, યોગેશ્વર દત્ત, સાક્ષી મલિક, બજરંગ પુનિયા અને રવિ દહિયા રેસલિંગમાં ઓલિમ્પિક્સનો મેડલ જીત્યા હતા.