ઈન્ડિયન પ્રીમિયર લીગ 2024ની સવારી ટૂંક સમયમાં આવી પહોંચશે. એવું જણાવવામાં આવી રહ્યું છે કે આ વખતે IPL માર્ચ અથવા એપ્રિલની શરૂઆતમાં રમાઈ શકે છે. આવી સ્થિતિમાં ચેન્નાઈ સુપર કિંગ્સના કેપ્ટન મહેન્દ્ર સિંહ ધોની એક્શન મોડમાં જોવા મળી રહ્યા છે. ક્રિકેટની પીચ પર પ્રેક્ટિસ ઉપરાંત એમએસ ધોની IPL માટે ઘણી જાહેરાતોનું શૂટિંગ પણ કરતો જોવા મળે છે. હાલમાં જ એક એડ શૂટ દરમિયાન માહીની તસવીર સોશિયલ મીડિયા પર વાયરલ થઈ રહી છે, જેમાં તે રેટ્રો લુકમાં જોવા મળી રહ્યો છે. રેટ્રો લુકમાં તે એકદમ હેન્ડસમ લાગી રહ્યો છે.
ઈન્સ્ટાગ્રામ પર ધોનીના નામે બનાવેલા ફેન પેજ પર તેની કેટલીક તસવીરો શેર કરવામાં આવી છે, જેમાં એમએસ ધોની 70-80 યુગના અભિનેતા જેવા સ્ટાઇલિશ લુકમાં જોવા મળી રહ્યો છે. ધોનીની આ સ્ટાઇલ લાંબા વાળમાં ડેશીંગ લાગે છે. ધોનીએ આછા વાદળી રંગનું શર્ટ, ભૂરા રંગનું હાફ જેકેટ અને ગ્રે રંગનું પેન્ટ પહેર્યું છે. એમએસ ધોની દાઢીના દેખાવમાં ખૂબ જ હેન્ડસમ હંક કૂલ ડ્યૂડ જેવો લાગી રહ્યો છે. ધોનીની તસવીર સોશિયલ મીડિયા પર ઝડપથી વાયરલ થઈ રહી છે અને હજારો લોકો ધોનીના આ લુકને પસંદ કરી રહ્યા છે.
ગયા વર્ષે, એમએસ ધોનીની કપ્તાની હેઠળ ચેન્નાઈ સુપર કિંગ્સે તેમની પાંચમી ટ્રોફી જીતી હતી. આઇપીએલ દરમિયાન એમએસ ધોનીને ઘૂંટણમાં ઈજા થઈ હતી. જેના કારણે આઇપીએલ બાદ તેના ઘૂંટણની સર્જરી કરવામાં આવી હતી. જોકે, હવે ધોની સંપૂર્ણ રીતે ફિટ છે અને મેદાનમાં પરત ફર્યો છે.
છેલ્લા કેટલાક સમયથી તે માત્ર ક્રિકેટ જ નહીં, અન્ય સ્પોર્ટ્સ એક્ટિવિટી કરતો પણ જોવા મળે છે. તે ફૂટબોલ અને બેડમિન્ટન કોર્ટ પર પણ પ્રેક્ટિસ કરતો જોવા મળે છે. એમએસ ધોની તાજેતરમાં ગોવામાં તેના પરિવાર સાથે આરામ માણતો જોવા મળ્યો હતો. ગોવાથી તેની પત્ની સાક્ષીએ ખૂબ જ સ્ટાઇલિશ તસવીરો શેર કરી હતી
