દોહા : ભારતના ગોલ્ડન બોય નીરજ ચોપરાએ ફરી ઇતિહાસ રચ્યો છે. નીરજ ચોપરાએ દોહા ડાયમંડ લીગમાં 90 મીટરથી વધુ અંતર સુધી ભાલો ફેંક્યો છે. નીરજ ચોપરાએ સિલ્વર મેડલ જીત્યો છે. નીરજ ચોપરાએ ત્રીજા પ્રયાસમાં 90.23 મીટર સુધી ભાલો ફેંક્યો. નીરજ ચોપરા આ સિદ્ધિ મેળવનાર વિશ્વનો 25મો ખેલાડી બન્યા છે. નીરજ ચોપરા 90 મીટરથી વધુ અંતર સુધી ભાલા ફેંકનાર ત્રીજા એશિયન ખેલાડી બન્યા છે. નીરજ ચોપરાએ 90.23 મીટર સુધી ભાલાફેંક સાથે પોતાનું શ્રેષ્ઠ પ્રદર્શન આપ્યું છે.
જુલિયન વેબરે દોહા ડાયમંડ લીગમાં ગોલ્ડ મેડલ જીત્યો
નીરજ ચોપરાએ પોતાના કરિયરનો શ્રેષ્ઠ સ્કોર બનાવ્યો.પરંતુ તેમ છતાં આ ભારતીય ખેલાડી ગોલ્ડ મેડલ ચૂકી ગયો. નીરજ ચોપરાએ ડાયમંડ લીગમાં સિલ્વર મેડલ જીત્યો છે. જર્મનીના જુલિયન વેબરે દોહા ડાયમંડ લીગમાં ગોલ્ડ મેડલ જીત્યો છે. જુલિયન વેબરે 91.06 મીટરના અંતરે ભાલો ફેંકીને આ લીગનો સર્વોચ્ચ સ્કોર બનાવ્યો. આ ભાલાફેંક સ્પર્ધામાં અન્ય એક ભારતીય ખેલાડી કિશોર 8મા સ્થાને રહ્યો. કિશોરે 78.06 મીટર પર ભાલો ફેંકીને પોતાનો શ્રેષ્ઠ સ્કોર આપ્યો.
નીરજે 90.23 મીટર સુધી ભાલો ફેંકયો
ભારતના ગોલ્ડન બોય નીરજ ચોપરાએ પોતાના પહેલા પ્રયાસમાં 88.44 મીટર સુધી ભાલો ફેંક્યો હતો. પરંતુ ત્રીજા પ્રયાસમાં 90.23 મીટર સુધી ભાલો ફેંકયો. નીરજ ચોપરાએ પોતાની જીત લગભગ સુનિશ્ચિત કરી લીધી હતી. પરંતુ જર્મનીના જુલિયન વેબરે પોતાના છેલ્લા પ્રયાસમાં 91.06 મીટર સુધી ભાલો ફેંક્યો અને ગોલ્ડ મેડલ જીત્યો. ગ્રેનાડાના પીટર્સ એન્ડરસન દોહા ડાયમંડ લીગમાં ત્રીજા સ્થાને રહ્યા. આ ખેલાડીએ 85.64 મીટર સુધી ભાલો ફેંક્યો હતો.
આ પણ વાંચો…નીરજ ચોપડાનો ખુલાસો, `પાકિસ્તાનના નદીમ સાથે ગાઢ દોસ્તી ક્યારેય નહોતી અને હવે પછી તો…’
