પ્રીતિ ઝિંટાની આંખમાં આસું, આરસીબીની જીતથી આ સિતારાઓ ખુશખુશાલ
મુંબઈઃ વિરાટ કોહલીની ટીમ આરસીબીએ 17 વર્ષ બાદ 18માં વર્ષે આઈપીએલ ટ્રોફી પોતાના નામે કરી છે. આરસીબી એક એવી ટીમ છે, જેમાં ટીમ સાથે સાથે તેના ચાહકોએ પણ 17 વર્ષ સુધી રાહ જોઈ છે. આખરે તેમનું સપનું પૂર્ણ થયું છે. રોયલ ચેલેન્જર્સ બેંગ્લોરની જીતની દેશભરમાં ઉજવણી થઈ રહી છે. વિરાટ કોહલીના ચાહકો લાંબા સમયથી જે ટ્રોફીની રાહ જોઈ રહ્યા હતા તે હવે પૂરી થઈ ગઈ છે. રોયલ ચેલેન્જર્સ બેંગ્લોરના ચાહકોમાં માત્ર સમાન્ય લોકો જ નહીં પરંતુ બોલિવુડના સિતારાઓ પણ સામેલ છે.
RCB માટે બોલિવુડ સ્ટાર્સે પણ વિરાટ કોહલીને અભિનંદન આપ્યાં
આખરે 17 વર્ષ બાદ RCB ને IPL 2025 ની ટ્રોફી મળી ગઈ છે. ચાહકો અને RCB ના ખેલાડીઓ આ જીતથી જેટલા ખુશ છે તેટલા જ ખુશ છે. ફિલ્મ સ્ટાર્સ પણ વિરાટ કોહલીને આ જીત માટે અભિનંદન આપતા જોવા મળી રહ્યા છે. પુષ્પા-પુષ્પા સાથે દુનિયાભરમાં ધૂમ મચાવનાર અલ્લુ અર્જુને પણ આ જીતની ઉજવણી કરી છે. RCB ની જીત બાદ અલ્લુ અર્જુનનો પુત્ર અયાન ભાવુક થઈ ગયો. તેણે પોતાના પુત્રનો એક વીડિયો શેર કર્યો છે. તે કહેતો જોવા મળ્યો- “મને કોહલી ખૂબ ગમે છે, ખૂબ જ”
વિક્કી કૌશલે 18 નંબર બનાવીને એક ભાવનાત્મક પોસ્ટ કરી
વિરાટ કોહલી અને અનુષ્કા શર્માનો પાડોશી વિક્કી કૌશલ પણ ક્રિકેટને ખૂબ પસંદ કરે છે. અભિનેતાએ ઇન્સ્ટાગ્રામ સ્ટોરી દ્વારા વિરાટને અભિનંદન પણ આપ્યા છે. સ્ટોરીમાં 18 નંબર બનાવીને એક ભાવનાત્મક ઇમોજી શેર કર્યો છે. ઉપરાંત, તેણે વિરાટની તસવીર પર લખ્યું કે, ‘આ વ્યક્તિએ રમતને બધું આપ્યું, આની રાહ જોવાતી હતી’. સાઉથ અને બોલિવુડમાં પોતાના અભિનયથી લોકોને મોહિત કરનાર અભિનેત્રી રશ્મિકા મંદાનાએ પણ RCBનું વિજેતા પોસ્ટર શેર કરીને અભિનંદન પાઠવ્યા છે.
અનન્યા પાંડેએ કોહલીનો રડતો વીડિયો પણ ફરીથી શેર કર્યો
બોલિવુડમાં પણ અત્યારે માત્ર આરસીબી આરસીબી થઈ રહ્યું છે. સોનૂ સૂદે પણ વિરાટ માટે એક પોસ્ટ શેર કરી છે. લખ્યું કે, આરસીબી, મહેનતના ફળ મીઠા હોય છે. અંતે વિરાટ કોહલી અને ટીમને અભિનંદન. બંને ટીમો માટે સમાન આદર છે.” તો રણવિર સિંહે ઇન્સ્ટાગ્રામમાં વિરાટ કોહલી અને એબી ડિવિલિયર્સનો ફોટો પોસ્ટ કર્યો છે. આ સાથે સાથે વિજયેએક્સ પર પણ પોસ્ટ કરી અને લખ્યું કે, ‘RCB અને તેમના ચાહકોને અભિનંદન. તેમણે ખૂબ જ ઉર્જા અને જુસ્સા સાથે રાહ જોઈ છે. આ એક ખુશીની ક્ષણ છે’. અનન્યા પાંડેએ કોહલીનો રડતો વીડિયો પણ ફરીથી શેર કર્યો છે. આ સાથે, તેણે હૃદયનું ઇમોજી બનાવ્યું છે. બોલિવુડ સ્ટાર્સે વિરાટ પણ ખૂબ પ્રેમ લૂંટાવ્યો છે. મોટા ભાગના સ્ટાર્સે વિરાટ માટે ભાવુક પોસ્ટ શેર કરી છે.
આ પણ વાંચો….IPL Final: PBKS ફરી ટાઇટલ જીતવાથી ચૂકી, હાર માટે આ 3 મોટા કારણો જવાબદાર રહ્યા…