PBKS VS LSG: પંજાબ કિંગ્સે લખનઊ સુપર જાયન્ટસને 37 રનથી હરાવ્યું…
ધર્મશાળાઃ આઈપીએલ 2025ની 54મી મેચ આજે પંજાબ કિંગ્સ ઈલેવન અને લખનઊ સુપર જાયન્ટસની વચ્ચે રમાઈ રહી હતી. જેમાં પંજાબ કિંગ્સે લખનઊ સુપર જાયન્ટસને 37 રનથી હરાવ્યું છે. પંજાબે આપેલા 237 રનના ટાર્ગેટને પીછો કરતાં લખનઊ સુપર જાયન્ટ્સનની ટીમે શરૂઆતમાં જ વિકેટો ગુમાવી દીધી હતી. જેમાં અર્શદીપ સિંહે લખનઊને બે ઓવરમાં બે ઝટકા આપ્યા હતા. જેમાં પ્રથમ મિચેલ માર્શ બાદ માર્કરામ સસ્તામાં આઉટ થયો હતો. જ્યારે લખનઊ સુપર જાયન્ટ્સને ત્રીજો ઝટકો નિકોલસ પૂરન આઉટ થતાં પડ્યો હતો.નિકોલસ પૂરન માત્ર 6 રન બનાવી આઉટ હતો. નિકોલસ પૂરન અર્શદીપ સિંહનો શિકાર થયો હતો. લખનઊ સુપર જાયન્ટ્સને સૌથી મોટો ઝટકો ત્યારે પડ્યો જયારે કેપ્ટન રિષભ પંત માત્ર 18 રન બનાવી આઉટ થયો હતો. આમ 8 ઓવરમાં જ લખનૌ સુપર જાયન્ટ્સએ ચાર વિકેટ ગુમાવી દીધી હતી.
લખનઉની ટીમ 20 ઓવરના અંતે સાત વિકેટ ગુમાવી માત્ર 199 રન બનાવી શકી
તેની બાદ લખનઊની ટીમ મુશ્કેલીમાં મુકાઇ હતી. પરંતુ આયુષ બદોની અને અબ્દુલ સમદ મજબૂતાઈથી ઊભા રહ્યા હતા અને આશાઓને જીવંત રાખી હતી. બંનેએ સતત 2 ઓવરમાં કુલ 37 રન બનાવ્યા અને ટીમના સ્કોરને 100 રનને પાર પહોંચાડ્યું હતું. તેની બાદ અબ્દુલ સમદ 45 રન બનાવી આઉટ થયો હતો. જ્યારે બદોની 74 રન બનાવીને આઉટ થયો હતો. તેમજ લખનઉની ટીમ 20 ઓવરના અંતે સાત વિકેટે ગુમાવી માત્ર 199 રન જ બનાવી શકી હતી.
લખનઊ સુપર જાયન્ટસે પાંચ વિકેટે 236 રન બનાવ્યા હતા
આ પૂર્વે લખનઊ સુપર જાયન્ટસે ટોસ જીતીને પહેલા બોલિંગ કરવાનો નિર્ણય લીધો હતો. ત્યારે પંજાબની ટીમે 20 ઓવરમાં પાંચ વિકેટે 236 રન બનાવ્યા હતા, જેમાં જીતવા માટે હવે લખનઊ સુપરજાયન્ટસને 237 રન કરવાનો ટાર્ગેટ આપ્યો હતો. પંજાબની ટીમ વતીથી સૌથી વધુ રન પ્રભસિમરન સિંહે બનાવ્યા હતા, જેમાં 48 બોલમાં સાત સિક્સર અને છ ચોગ્ગા સાથે 91 રન ફટકાર્યા હતા, પ્રિયાંશ આર્યને આકાશ સિંહે લીધી હતી. પ્રભસિમરન સિંહ સિવાય પંજાબની ટીમમાં શ્રેયસ અય્યર (25 બોલમાં 45), જોશ ઇંગ્લિશ (14 બોલમાં 30 રન) અને શશાંક સિંહ (15 બોલમાં 33 રન) સારું પ્રદર્શન કર્યું હતું. પંજાબ કિંગ્સ ઈલેવને 20 ઓવરમાં પાંચ એક્સ્ટ્રા રન સાથે પાંચ વિકેટે 236 રન બનાવ્યા હતા.
