બેંગલુરુઃ ઇન્ડિયન પ્રિમિયર લીગ 2024 શરૂ થવાને હવે થોડા દિવસો બાકી છે અને 22 માર્ચે સીઝનની પ્રથમ મેચમાં વિરાટ કોહલીની ટીમ રોયલ ચેલેન્જર્સ બેંગ્લોર અને એમએસ ધોનીની ચેન્નઈ સુપર કિંગ્સ આમને-સામને ટકરાશે પરંતુ તે પહેલા રોયલ ચેલેજર્સ બેગ્લોરએ પોતાની ટીમની નવી જર્સી લોન્ચ કરી હતી. તેની યુટ્યુબ ચેનલ પર નવી જર્સી લોન્ચ કરવામાં આવી હતી. આ વખતે ટી-શર્ટના ઉપરના ભાગમાં કાળાને બદલે ઘેરા વાદળી રંગનો ઉપયોગ કરવામાં આવ્યો છે.
આ પણ વાંચો: મહિલાઓએ મેદાન માર્યા પછી હવે આરસીબીના પુરુષો આઇપીએલમાં પરચો બતાવવા તૈયાર
નોર્વેના સંગીતકાર એલન વોકર પણ જર્સી લોન્ચ સમારોહમાં હાજરી આપી હતી, જેને વિરાટ કોહલી અને ટીમના કેપ્ટન ફાફ ડુ પ્લેસિસે એલન વોકરના નામ સાથે છાપેલી આરસીબીની ટી-શર્ટ ભેટમાં આપી હતી.
આ દરમિયાન આરસીબીની આખી ટીમ, કોચ અને સપોર્ટિંગ સ્ટાફ પણ મંચ પર હાજર હતો. આ વખતે પણ આરસીબીનું ટાઈટલ સ્પોન્સર ‘કતાર એરવેઝ’ હશે અને ટીમની જર્સી પર મોટા શબ્દોમાં ‘કતાર એરવેઝ’ લખેલું છે.
જર્સી લોન્ચ કરતા પહેલા વિરાટ કોહલીએ મહિલા આરસીબી ટીમની કેપ્ટન સ્મૃતિ મંધાનાને સ્ટેજ પર બોલાવી હતી. વિરાટ કોહલી, ફાફ ડુ પ્લેસિસ અને સ્મૃતિ મંધાનાએ એકસાથે બટન દબાવ્યું, જેના પછી વીડિયો શરૂ થયો હતો.