આજે મેદાનમાં ઉતરતાની સાથે જ રોહિત-વિરાટની જોડી રચશે ઇતિહાસ! સચિન-દ્રવિડનો આ રેકોર્ડ તૂટશે

રાંચી: બે ટેસ્ટ મેચની સિરીઝ બાદ ભારત અને દક્ષિણ આફિકા વચ્ચે ત્રણ વન ડે ઇન્ટરનેશનલ(ODI) મેચની સિરીઝ રમાશે, જેની પહેલી મેચ આજે ઝારખંડના રાંચીમાં આવેલા JSCA ઇન્ટરનેશનલ સ્ટેડિયમમાં રમાશે. ભારતીય ટીમ ટેસ્ટ સિરીઝમાં મળેલી કારમી હારનો બદલો લેવા મેદાને ઉતરશે, ભારતીય ક્રિકેટ ચાહકોને વિરાટ કોહલી અને રોહિત શર્મા પાસેથી મોટી ઇનિંગ આશા છે. આજે રોહિત-વિરાટ જોડી મેદાનમાં ઉતરતાની સાથે જ એક ઇતિહાસ રચાશે

રોહિત-વિરાટ આજે મેદાનમાં જ ઉતરતાની સાથે જે ભારત માટે એક જોડી તરીકે સૌથી વધુ મેચ રમવાનો રેકોર્ડ બની જશે છે. રોહિત-વિરાટ મહાન ખેલાડીઓ સચિન તેંડુલકર અને રાહુલ દ્રવિડની જોડીને પાછળ છોડી દેશે.

ભારત માટે 392મી મેચ:

સચિન તેંડુલકર અને રાહુલ દ્રવિડે ભારત માટે સાથે કુલ 391 મેચ રમી છે, જ્યારે વિરાટ અને રોહિત પણ આટલી જ મેચ સાથે રમી છે. આજે વિરાટ-રોહિત મેદાનમાં ઉતરતાની સાથે જ ઈતિહાસ બનાવશે, બંને સાથે ભારત માટે 392મી મેચ હશે.
રોહિત અને વિરાટ પહેલીવાર 18 ઓગસ્ટ, 2008 ના રોજ ભારતીય ટીમમાં એક સાથે જોવા મળ્યા હતાં, ત્યર બાદ સતત 17 વર્ષ સુધી બંનેએ સાથે મળીને ભારતને ધણી મેચ અને ટુર્નામેન્ટમાં જીત આપવી છે.

વર્લ્ડ કપ 2027 માટે આ સિરીઝ મહત્વની:

વિરાટ અને રોહિત બંને એ ટેસ્ટ અને T20 ફોર્મેટમાંથી નિવૃત્તિ લઇ ચુક્યા છે, હાલ બંને માત્ર ODI ફોર્મેટમાં જ રમી રહ્યા છે. બને ODI વર્લ્ડ કપ 2027માં રમવાની ઈચ્છા ધરવે છે, ત્યારે દક્ષિણ આફ્રિકા સામેની આ ODI સિરીઝ બંને માટે મહત્વની રહેશે.

ચાહકોને આશા:

ઓસ્ટ્રેલિયા પ્રવાસ દરમિયાન ત્રણ ODI મેચની સિરીઝની છેલ્લી મેચમાં બંને મળીને ભારતીય ટીમને મોટી જીત અપાવી હતી, અને પોતાનું ફોર્મ સાબિત કર્યું હતું. ચાહકોને આશા છે કે બંને ફોર્મ જાળવી રાખે અને દક્ષિણ આફ્રિકા સામે શાનદાર પ્રદર્શન કરે.