રોહિત-કોહલીની વનડે ટીમમાં વાપસી અંગે સુનીલ ગાવસ્કરે આપ્યું આશ્ચર્યજનક નિવેદન, શું કહ્યું?

નવી દિલ્હીઃ ભૂતપૂર્વ ભારતીય કેપ્ટન સુનીલ ગાવસ્કરે રોહિત શર્મા અને વિરાટ કોહલીની વનડે ટીમમાં વાપસી અંગે આશ્ચર્યજનક નિવેદન આપ્યું છે. તેમનું માનવું છે કે બંને અનુભવી ખેલાડીઓએ ઓસ્ટ્રેલિયા સામેની વનડે શ્રેણી માટે પોતાને ઉપલબ્ધ કરાવ્યા છે, પરંતુ જો સીરિઝ વેસ્ટ ઈન્ડિઝ અથવા ઝિમ્બાબ્વે જેવી નબળી ટીમ સામે હોત તો તેઓ કદાચ રમ્યા ન હોત.

ગાવસ્કરે તેને 2027ના વનડે વર્લ્ડ કપ માટે પોતાને યોજનાનો ભાગ બનાવવા કરતાં વધુ એજન્ડા આધારિત હોવાનું માન્યું હતું. ભારત ત્રણ વન-ડે અને પાંચ ટી20 મેચ માટે ઓસ્ટ્રેલિયાનો પ્રવાસ કરશે. આ સીરિઝ 19 ઓક્ટોબરથી શરૂ થશે.

આપણ વાંચો: ભારતની હાર બાદ સુનીલ ગાવસ્કરે કોચિંગ સ્ટાફની ઝાટકણી કાઢી, ગંભીરે સવાલ ઉઠાવ્યા

પસંદગી સમિતિના વડા અજિત અગરકરે આગામી ઓસ્ટ્રેલિયા શ્રેણી માટે રોહિત અને કોહલીનું નામ આપ્યું, જે આ વર્ષની શરૂઆતમાં યુએઈમાં ચેમ્પિયન્સ ટ્રોફી પછી પ્રથમ વખત આંતરરાષ્ટ્રીય ક્રિકેટમાં વાપસી કરશે.

જોકે, ગાવસ્કરનું માનવું હતું કે કોહલી અને રોહિત ફક્ત એટલા માટે રમવા માટે તૈયાર થયા કારણ કે તે ઓસ્ટ્રેલિયા સામેની શ્રેણી હતી, જેની સામે ભારત 2023ના વર્લ્ડ કપ ફાઇનલમાં ઘરઆંગણે હારી ગયું હતું. તેમણે ઉમેર્યું કે જો શ્રેણી વેસ્ટ ઇન્ડિઝ અથવા ઝિમ્બાબ્વે સામે હોત તો તેઓ રમવા માટે તૈયાર થયા ન હોત..

આપણ વાંચો: રોહિત શર્માના સંન્યાસને લઈ સુનીલ ગાવસ્કરે કરી મોટી ભવિષ્યવાણી…

તેમણે કહ્યું હતું કે “મને ખાતરી છે કે જો આ ઝિમ્બાબ્વે અથવા વેસ્ટ ઇન્ડિઝનો પ્રવાસ હોત તો તે બંને રમવા માટે તૈયાર થયા ન હોત પરંતુ કારણ કે આ ઓસ્ટ્રેલિયામાં છે અને ભારત વર્લ્ડ કપ ફાઇનલમાં ઓસ્ટ્રેલિયા સામે હારી ગયું છે, કદાચ તે જ કારણ છે કે બંનેએ રમવાનો નિર્ણય લીધો છે.

જોકે, ભારતના આ દિગ્ગજ બેટ્સમેને સ્વીકાર્યું હતું કે વર્લ્ડ કપમાં પસંદગીનો માર્ગ રોહિત અને કોહલી માટે ખરેખર મુશ્કેલ હશે, અને તે મોટાભાગે ફોર્મેટમાં તેમની રમત પર આધાર રાખશે. તે મોટાભાગે ભારત આગામી બે વર્ષમાં કેટલી વન-ડે મેચ રમશે તેના પર આધાર રાખે છે.

અગરકરની જેમ ગાવસ્કરે પણ કોહલી અને રોહિતને તેમના વર્લ્ડ કપના સપનાઓને જીવંત રાખવા માટે વિજય હજારે ટ્રોફી માટે પોતાને ઉપલબ્ધ કરાવવાની જરૂરિયાત પર ભાર મૂક્યો હતો.