ઇગ્લેન્ડે ફીફા વર્લ્ડકપ ક્વોલિફાયરમાં મેળવી સતત બીજી જીત, લૅટવિયાને 3-0થી હરાવ્યું
લંડનઃ રીસ જેમ્સની શાનદાર ફ્રી કિક અને એબેરેચી એઝેના પ્રથમ આંતરરાષ્ટ્રીય ગોલની મદદથી ઇંગ્લેન્ડે સોમવારે વેમ્બલી સ્ટેડિયમ ખાતે લૅટવિયાને 3-0થી હરાવીને ફિફા વર્લ્ડ કપ ક્વોલિફાયરમાં સતત બીજી જીત મેળવી હતી.
જેમ્સે 37મી મિનિટે 25 મીટરની શાનદાર ફ્રી કિકથી ગોલ કર્યો હતો. તેની 18મી મેચમાં ઈંગ્લેન્ડ માટે આ તેનો પહેલો ગોલ હતો. આ પછી અનુભવી સ્ટ્રાઈકર હેરી કેને 68મી મિનિટે યુવા મિડફિલ્ડર્સ મોર્ગન રોજર્સ અને ડેકલાન રાઈસની મદદથી ઈંગ્લેન્ડની લીડને 2-0 સુધી વધારી દીધી હતી. 76મી મિનિટે એજેએ ત્રીજો ગોલ કરીને ઈંગ્લેન્ડની જીત પર મહોર મારી હતી.
ઇગ્લેન્ડે વર્લ્ડ કપ ક્વોલિફાયરમાં પોતાની પ્રથમ મેચમાં અલ્બાનિયાને 2-0થી હરાવ્યું હતું. ઇગ્લેન્ડ ગ્રુપમાં ટોચનું સ્થાન મેળવવા માટે પ્રબલ દાવેદાર માનવામાં આવી રહ્યું છે. આ ગ્રુપની બીજી મેચમાં અલ્બાનિયાએ એન્ડોરાને 3-0 થી હરાવીને શાનદાર વાપસી કરી હતી. પોતાની ટીમ માટે સે રે મનાજે પહેલા હાફમાં બે ગોલ કર્યા જ્યારે માયર્ટો ઉઝુનીએ બીજા હાફના સ્ટોપેજ સમયમાં ત્રીજો ગોલ કર્યો હતો.
ગ્રુપ-જીમાં પોલેન્ડે માલ્ટા સામે કરોલ સ્વિડર્સ્કીના બે ગોલને કારણે સતત બીજી જીત મેળવી હતી., પરંતુ ફિનલેન્ડને બે ગોલની લીડ હોવા છતાં લિથુઆનિયા સાથે 2-2થી ડ્રો રમવું પડ્યું હતું. પોલેન્ડ છ પોઈન્ટ સાથે ગ્રુપ જીમાં ટોચ પર છે જ્યારે ફિનલેન્ડ ચાર પોઈન્ટ સાથે બીજા સ્થાને છે. ગ્રુપ-એચમાં બોસ્નિયા હર્ઝેગોવિનાએ ઘરઆંગણે સાયપ્રસને 2-1 થી હરાવ્યું જ્યારે રોમાનિયાએ સૈન મેરિનોને 5-1 થી હરાવીને પોતાનું ખાતું ખોલ્યું હતું.