CSK કેપ્ટન રૂતુરાજ ગાયકવાડે RCB પર જાહેરમાં આરોપ લગાવ્યા! જાણો શું કહ્યું
મુંબઈ: હાલમાં જ ઇન્ડિયન પ્રીમિયર લીગ (IPL)નું મેગા ઓકશન યોજાયું હતું, હવે ફ્રેન્ચાઈઝીઓએ અગામી સિઝન માટે તૈયારીઓ શરુ કરી દીધી છે. એવામાં ચેન્નઈ સુપર કિંગ્સ (CSK)ના કેપ્ટન રૂતુરાજ ગાયકવાડે (Ruturaj Gaikwad )રોયલ ચેલેન્જર્સ બેંગ્લોર (RCB) પર આરોપ લગાવ્યો હતો. એક વીડિયો સોશિયલ મીડિયા પર વાયરલ થઈ રહ્યો છે, જેમાં ગાયકવાડ RCB પર આરોપો લગાવી રહ્યો છે.
સોશિયલ મીડિયા પર વિડીયો વાયરલ:
વીડિયોમાં રુતુરાજ ગાયકવાડ એક ઈવેન્ટમાં હાજરી આપતો જોવા મળી રહ્યો છે. ગાયકવાડ માઈક પકડીને સ્ટેજ પર ઉભો છે, પરંતુ કોઈ કારણોસર માઈક બંધ થઈ હતું. આ પછી એન્કરે કહ્યું કે, “તમે રૂતુરાજનું માઈક કેવી રીતે બંધ કરી શકો છો?” આના જવાબમાં ગાયકવાડ મજાકમાં કહે છે, “કદાચ આરસીબીમાંથી કોઈ હશે.” નોંધનીય છે કે IPLમાં RCB અને CSK કટ્ટર હરીફ રહી છે, રુતુરાજ મજાક કરતા આ ટીપ્પણી કરી હતી.
રુતુરાજ બન્યો કેપ્ટન:
IPL 2024માં ચેન્નાઈ સુપર કિંગ્સની કેપ્ટનશીપ ધોનીને બદલે રુતુરાજ ગાયકવાડને સોંપવામાં આવી હતી. જોકે, કેપ્ટન તરીકે ગાયકવાડની પ્રથમ સિઝન સારી રહી ન હતી. ટીમ પ્લેઓફ માટે ક્વોલિફાય કરી શકી નથી. ટીમ પોઈન્ટ ટેબલમાં ટેબલમાં પાંચમા ક્રમે રહી હતી. ટીમે 7 મેચમાં જીત મેળવી હતી અને 7માં હારનો સામનો કરવો પડ્યો હતો.
જ્યારે RCBએ IPL 2024ની સિઝનમાં સારું પ્રદર્શન કર્યું હતું અને પ્લેઓફ માટે ક્વોલિફાય કર્યું હતું. RCBએ છેલ્લી લીગ મેચમાં CSKને હરાવીને પ્લેઓફમાં પ્રવેશ કર્યો હતો. પ્લેઓફમાં પહોંચ્યા બાદ આરસીબીને એલિમિનેટર મેચમાં રાજસ્થાન રોયલ્સ સામે હારનો સામનો કરવો પડ્યો હતો. રાજસ્થાને એલિમિનેટરમાં RCBને 4 વિકેટે હરાવ્યું હતું.
